Maciu 24:5 - Vakavakadewa Vou kei na iVola tale eso

⁵ Ni ra na lako mai e lewe vuqa ena yacaqu, ka kaya voli, ‘Sa i au na Mesaia,’ ka ra na vakacalai ira e lewe vuqa.

Ai Vola Tabu (Vakadewa Makawa Vakavoutaki 2021)

⁵ Ni ra na lewe vuqa era na lako mai ka vakacavutaki au, ka kaya, ‘Oi au na Karisito;’ ia ka lewe vuqa era na vakacala.

AI VOLA TABU

⁵ Ni ra na lewe vuqa era na lako mai e na yacaqu, ka kaya, Oi au na Karisito; ia ka lewe vuqa era na vakacala.

Vakavakadewa Makawa

⁵ Ni ra na lewe vuqa era na lako mai ka vakacavutaki au, ka kaya, Oi au na Karisito; ia ka lewe vuqa era na vakacala.

Ai Vola Tabu Ena Vakavakadewa Vou

⁵ Ni ra na lako mai e lewe vuqa ena yacaqu, ka kaya voli, ‘Sa i au na Mesaia,’ ka ra na vakacalai ira e lewe vuqa.

Maciu 24:5 Iomraidhean Croise

Jeremaia 14:14

Ia sa qai kaya o Jiova, “Era sa vosataka na veika lasu na parofita ena yacaqu. Au a sega ni talai ira, au sega ni vakaroti ira se vosa vei ira. Era sa tukuna vei kemuni na veiraivotu lasu, na veivosa yalayala tawa yaga kei na veika ga era nanuma.

Jeremaia 23:21

A sa kaya o Jiova, “Au a sega ni talai ira na parofita oqori, ia era sa lako ga yani. Au a sega ni solia vei ira e dua na i tukutuku, ia era sa la'ki vosa ga ena yacaqu.

Jeremaia 23:25

Au sa kila na veika era sa tukuna na parofita oqori era sa dau vosa lasu ena yacaqu, ka ra kaya ni'u sa vosa vei ira ena raivotu.

Jeremaia 37:9

A sa kaya o Jiova, “Mo ni kakua ni vakacalai kemuni ena nomuni sa nanuma ni ra na sega ni lesu tale mai na kai Papiloni, era na lesu dina ga mai.

Maciu 24:11

Era na tubu mai e lewe vuqa na parofita vakailasu ka vakacalai ira e lewe vuqa.

Maciu 24:24

Ni ra na tubu mai na Mesaia vakailasu kei na parofita vakailasu, ka ra na vakaraitaka mai na veivakatakilakila lelevu kei na veika veivakurabuitaki me vakacalai ira kina na tamata digitaki ni Kalou.

Joni 5:43

Au sa lako mai ena kaukauwa i Tamaqu, ia o ni sa sega ni ciqomi au; ia, ke lako ga mai e dua ena nona kaukauwa ga vakai koya, o ni sa ciqoma.

Joni 8:24

O koya oqo au sa kaya kina vei kemuni ni o ni na mate ena vuku ni nomuni i valavala ca; ka o ni na mate ena vuku ni nomuni i valavala ca kevaka o ni sa sega ni vakabauta ni sai au o Koya.”

Joni 8:28

Sa qai kaya tale vei ira o koya, “Ni o ni sa na laveta cake na Luve ni Tamata, o ni na qai kila ni Sa i Au oi Au; o ni sa na qai kila talega ni sega ni dua na ka me'u cakava vaka i au ga. Ia au sa dau tukuna ga na veika e vakatavulici au kina o Tamaqu.

1 Joni 2:18

Oi kemuni na luvequ lomani, sa voleka mai na i vakataotioti ni gauna! Sa tukuni vei kemuni ni na lako mai o koya na meca i Karisito; ia oqo, era sa lewe levu sara na meca i Karisito sa basika oti mai, ka da sa kila kina ni sa voleka sara na i vakataotioti ni gauna.

1 Joni 2:22

O cei sara mada li oqo na daunilasu? O ira ga sa tukuna ni sa sega ni Karisito o Jisu. Sa i ira oqo na meca i Karisito: era sa cakitaka na Tamana kei na Luvena.

1 Joni 4:3

Ia o koya sa cakitaka na dina oqo me baleti Jisu sa sega ni tiko vua na Yalo sa mai vua na Kalou. Na yalo ka sa tiko vua sa mai vua na meca i Karisito, o koya o ni a rogoca ni na lako mai, ka sa tiko e vuravura ena gauna oqo.

Vakatakila 13:8

Ia era na qaravi koya o ira kece sara era tiko e vuravura, ka vakavo ga o ira sa volai na yacadra ni se bera ni tauyavu na vuravura ena i Vola ni Bula ni Lami sa vakamatei.