Maciu 24:3 - Vakavakadewa Vou kei na iVola tale eso

³ Ni sa la'ki dabe toka o koya mai na Ulunivanua ni Veiolive, e ratou sa qai lako vuni ga yani na tisaipeli, ka kaya, “Ni tukuna mada vei keitou se ena yaco ni naica na veika oqo, ka cava na kena i vakatakilakila ni nomuni lako mai, kei na i vakataotioti kei vuravura?”

Ai Vola Tabu (Vakadewa Makawa Vakavoutaki 2021)

³ Ia ni sa tiko ko koya mai na ulunivanua ni veiolive, sa lako vuni vua ko ira na tisaipeli, ka kaya, “Ni tukuna mai vei keitou, se na yaco ninaica na veika oqo? Ia ka cava nai vakatakilakila ni nomuni lako mai, kei nai vakataotioti kei vuravura?”

AI VOLA TABU

³ Ia ni sa tiko ko koya mai na ulu-ni-vanua ni veiolive, sa lako vakatikitiki vua ko iratou na tisaipeli, ka kaya, Tukuna mai vei keitou, se na yaco ninaica na veika o qo? ia ka cava nai vakatakilakila ni nomu lako mai, kei nai vakataotioti kei vuravura?

Vakavakadewa Makawa

³ Ia ni sa tiko ko koya mai na ulu-ni-vanua ni veiolive, sa lako vuni vua ko ira na tisaipeli, ka kaya, Ni tukuna mai vei keitou, se na yaco ninaica na veika oqo? ia ka cava nai vakatakilakila ni nomuni lako mai, kei nai vakataotioti kei vuravura?

Ai Vola Tabu Ena Vakavakadewa Vou

³ Ni sa la'ki dabe toka o koya mai na Ulunivanua ni Veiolive, e ratou sa qai lako vuni ga yani na tisaipeli, ka kaya, “Ni tukuna mada vei keitou se ena yaco ni naica na veika oqo, ka cava na kena i vakatakilakila ni nomuni lako mai, kei na i vakataotioti kei vuravura?”

Maciu 24:3 Iomraidhean Croise

Maciu 13:36

Sa qai biuti ira na lewe vuqa ka curu ki vale. E ratou sa qai lako mai vua na nona tisaipeli ka kaya, “Ni vakamacalataka mada vei keitou na vosa vakatautauvata ka baleta na kau ca ena i teitei.”

Maciu 13:49

Ena vakakina ena i vakataotioti kei vuravura; era na lako mai na agilosi ka tawasei ira tani na tamata ca mai vei ira na yalododonu,

Maciu 15:12

E ratou sa qai lako mai na tisaipeli ka kaya vua, “O ni sa kila li ni ra sa loma ca na Farisi ena nodra rogoca na nomuni vosa?”

Maciu 16:27

Ena lako mai na Luve ni Tamata ena i serau nei Tamana, kei ira na nona agilosi, ka na qai saumi ira yadua na tamata o koya me vaka na nodra dui i valavala.

Maciu 16:28

Au sa kaya vakaidina vei kemudou, eso vei ira era tucake tu oqo era na sega ni tovolea mada na mate me yacova ni ra sa raica na Luve ni Tamata ni sa lako mai ena nona matanitu.”

Maciu 17:19

E ratou sa qai lako mai vakatikitiki na tisaipeli vei Jisu, ka kaya, “Na cava keitou sa sega ni vakasavi koya tani rawa kina?”

Maciu 21:1

Ni ratou sa toro voleka ki Jerusalemi, ki Pecifaki ena Ulunivanua ni Veiolive, sa qai tala o Jisu e lewe rua na tisaipeli,

Maciu 24:27

Me vaka ga na tibi ni livaliva mai na tokalau ka serau yani vaka ki na ra, ena vaka talega kina na nona lako mai na Luve ni Tamata.

Maciu 24:30

Sa na qai rairai mai na i vakatakilakila ni Luve ni Tamata mai lomalagi, ka ra na tagi na tamata kecega e vuravura ni ra raica na Luve ni Tamata ni sa lako mai ena veio ni lomalagi vata kei na kaukauwa kei na i serau levu.

Maciu 24:37

Me vaka ena siga i Noa, ena vaka talega kina na nona lako mai na Luve ni Tamata.

Maciu 24:39

ia era sa sega ga ni kila na veika sa yaco tiko me la'ki yacova ni sa qai yaco mai na waluvu ka luvuci ira kece sara. Ena vaka talega oqo na nona lako mai na Luve ni Tamata.

Maciu 24:43

Ia mo dou kila oqo: kevaka sa kila tiko na i taukei ni vale na gauna ena lako mai kina na daubutako, ena yadra tiko ka na sega ni laiva tu ga na nona vale me mai basu.

Maciu 28:20

ka vakavulici ira me ra talairawarawa ki na veika kecega ka'u sa vakarota vei kemudou. Ka mo dou nanuma ni'u sa tiko vata kei kemudou ena veigauna kece, me yacova na i vakataotioti kei vuravura.”

Luke 21:7

E ratou sa qai tarogi koya ka kaya, “Na i Vakavuvuli, ena yaco e naica na ka oqo, ka na cava na kena i vakatakilakila ni sa vakarau vakayacori?”

Cakacaka 1:7

Sa qai kaya vei iratou o koya, “E sega ni nomudou i tavi mo dou la'ki kila na kena gauna se na kena vula, ni sa lesia tu o ya o Tamaqu ena nona lewa ga vakai koya.

Iperiu 9:26

ni kevaka sa vakaoqo, sa dodonu kina me na mate vakavuqa o koya me tekivu sara mai na i vakatekivu ni vuravura. Ia oqo, ni sa voleka na i vakataotioti ni ka kecega, a sa basika mai kina o koya vakadua ga ena vuku ni tamata kecega, me kauta laivi na i valavala ca ena vuku ni nona cabori koya me i soro.