Maciu 24:11 - Vakavakadewa Vou kei na iVola tale eso

¹¹ Era na tubu mai e lewe vuqa na parofita vakailasu ka vakacalai ira e lewe vuqa.

Ai Vola Tabu (Vakadewa Makawa Vakavoutaki 2021)

¹¹ Ena lewe vuqa talega na parofita vakailasu ena tubu cake mai, ia ka lewe vuqa era na vakacala.

AI VOLA TABU

¹¹ Ena lewe vuqa talega na parofita vakailasu ena tubu cake mai, ia ka lewe vuqa era na vakacala.

Vakavakadewa Makawa

¹¹ Ena lewe vuqa talega na parofita vakailasu ena tubu cake mai, ia ka lewe vuqa era na vakacala.

Ai Vola Tabu Ena Vakavakadewa Vou

¹¹ Era na tubu mai e lewe vuqa na parofita vakailasu ka vakacalai ira e lewe vuqa.

Maciu 24:11 Iomraidhean Croise

Maciu 24:12

Ena kena sa tubu vakalevu na i valavala tawa dodonu, sa na batabata kina na nodra loloma e lewe vuqa.

Maciu 24:24

Ni ra na tubu mai na Mesaia vakailasu kei na parofita vakailasu, ka ra na vakaraitaka mai na veivakatakilakila lelevu kei na veika veivakurabuitaki me vakacalai ira kina na tamata digitaki ni Kalou.

Maciu 24:5

Ni ra na lako mai e lewe vuqa ena yacaqu, ka kaya voli, ‘Sa i au na Mesaia,’ ka ra na vakacalai ira e lewe vuqa.

Maciu 7:15

“Dou qarauni kemudou mai vei ira na parofita vakailasu, era lako mai vei kemudou ka ra vakaisulu mai vaka na sipi, ia era olifa daukata e loma.

Marika 13:22

Ni ra na tubu mai na Mesaia vakailasu kei na parofita vakailasu, ka vakaraitaka mai na veivakatakilakila kei na veika veivakurabuitaki, me vakacalai ira kina na tamata digitaki ni Kalou, kevaka e rawa.

Cakacaka 20:30

Era na tubu talega mai eso vei kemuni, ka ra na mai vakatanitaka na i vakavuvuli dina me ra vakayarayarataki ira kina na vakabauta kivei ira.

1 Timoci 4:1

Sa tukuna vakamatata na Yalo Tabu ni ra na vuki tani eso ena gauna emuri mai na vakabauta; era na goleva ga na yalo dauveivakacalai eso kei na veivakavuvuli ni tevoro.

2 Pita 2:1

Era a tubu cake ena kedra maliwa na tamata ena gauna o ya na parofita vakailasu eso, era na tubu cake talega vakakina ena kemuni maliwa na i vakavuvuli vakailasu eso. O ira oqo era na kauta vakavuni mai na veivakavuvuli cala ka veivakarusai, era na cakitaka na Turaga ka sa voli ira vakadua, ka ra na vakavuna ga kina na nodra vakarusai vakasauri.

1 Joni 2:18

Oi kemuni na luvequ lomani, sa voleka mai na i vakataotioti ni gauna! Sa tukuni vei kemuni ni na lako mai o koya na meca i Karisito; ia oqo, era sa lewe levu sara na meca i Karisito sa basika oti mai, ka da sa kila kina ni sa voleka sara na i vakataotioti ni gauna.

1 Joni 2:26

Au sa vola yani oqo na veika me baleti ira era sa vinakata voli me ra vakacalai kemuni.

1 Joni 4:1

Oi kemuni na wekaqu lomani, ni kakua ni vakabauta na yalo kecega, ia ni vakatovolei ira na yalo mo ni kila rawa kina se ra sa lako mai vua na Kalou, se segai: ni ra lewe levu na parofita vakailasu era sa lako yani ki vuravura.

Ai Vola I Juta 1:4

Ni ra sa curu lo mai ka sega ni kilai eso na tamata tawa lotu, ka ra sa vakatanitaka na loloma-savu ni noda Kalou me i ubi ni nodra i valavala vakasisila, ka cakitaka na noda i Vakavuvuli ka noda Turaga e duabau ga o Jisu Karisito. Ia sa tukuna makawa sara tu na i Vola Tabu na cudru sa tau vei ira.

Vakatakila 19:20

A sa tauri vakavesu na manumanu rerevaki vata kei koya na parofita vakailasu sa dau cakava na veika mana e mata i koya na manumanu rerevaki. (Sa i ira na veika veivakurabuitaki oqo era sa lawakitaki kina o ira sa tu vei ira na maka ni manumanu rerevaki kei ira sa dauqarava na kena i vakatakarakara.) E rau a qai viritaki bulabula ki na drano bukawaqa sa kama tu kina na sulifure oi rau na manumanu rerevaki kei na parofita vakailasu.