Maciu 22:4 - Vakavakadewa Vou kei na iVola tale eso

⁴ Sa qai talai ira tale eso, ka kaya, ‘La'ki kaya vei ira na sureti, Raica, sa vakarautaki oti tu na kakana; sa vakamatei kina eso na noqu bulumakau, kei na manumanu uro, ka sa vakarau tu na ka kecega, dou lako sara mai ki na magiti ni vakawati.’

Ai Vola Tabu (Vakadewa Makawa Vakavoutaki 2021)

⁴ Sa qai tala tale ko koya eso tale na tamata, ka kaya, ‘Laki kaya vei ira era sureti: Raica, ka'u sa vakarautaka oti na noqu i vakasigalevu, sa vakamatei eso na noqu bulumakau, kei na noqu manumanu uro, ka sa vakarautaki oti tu na ka kecega. Dou lako mai ki na magiti ni vakawati.’

AI VOLA TABU

⁴ Sa qai tala tale ko koya nai talatala e so tani, ka kaya, Laʼki kaya vei ira era sureti, Raica, kaʼu sa vakarautaka oti na noqui vakayakavi: sa vakamatei e so na noqu karavau, kei na noqu manumanu uro, ka sa vakarautaki oti tu na ka kecega; dou lako mai ki na magiti ni vakawati.

Vakavakadewa Makawa

⁴ Sa qai tala tale ko koya na tamata tani eso, ka kaya, Laki kaya vei ira era sureti, Raica, kau sa vakarautaka oti na noqui vakasigalevu: sa vakamatei eso na noqu pulumokau, kei na noqu manumanu uro, ka sa vakarautaki oti tu na ka kecega; dou lako mai ki na magiti ni vakawati.

Ai Vola Tabu Ena Vakavakadewa Vou

⁴ Sa qai talai ira tale eso, ka kaya, ‘La'ki kaya vei ira na sureti, Raica, sa vakarautaki oti tu na kakana; sa vakamatei kina eso na noqu bulumakau, kei na manumanu uro, ka sa vakarau tu na ka kecega, dou lako sara mai ki na magiti ni vakawati.’

Maciu 22:4 Iomraidhean Croise

Niemaia 9:17

Era a bese ni talairawarawa; era sa guilecava na veika kece sara o ni a vakayacora; era sa guilecava na veika veivakurabuitaki o ni a cakava e matadra. Ena dela ni nodra dokadoka, era sa lesia kina e dua me liutaki ira; ka me kauti ira lesu tale ki na vanua ni veivakabobulataki mai Ijipita. Ia sai kemuni na Kalou sa dauvosota na i valavala ca; o ni sa dauloloma ka dauveikauwaitaki, ka cudrucudru malua. Sa ka levu sara na nomuni loloma; ka o ni a sega ni biuti ira laivi.

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

Vosavakaibalebale 15:17

Sa vinaka cake me da kana kakana draunikau ka tiko veilomani ka ca me da kana lewe ni manumanu ka qai veicati tiko.

Sere i Solomoni 5:1

Au sa curu ki na noqu i teitei, Na noqu daulomani, na watiqu. Au sa kumuna vata na noqu mura kei na kau boi vinaka; Au sa kania vata na kequ qa ni oni kei na oni; Au sa gunuva na mequ waini kei na sucu. Mo dou kana, na veitokani, ka gunu; Me yacova ni dou sa mateni ena dodomo!

Maciu 21:36

Sa qai talai ira tale eso na nona tamata, era lewe levu cake mai vei ira era a liu, ia era sa qai cakava talega vakakina vei ira.

Maciu 22:5

Ia era sa vakawaletaka ga, ka dui lako, e dua ki na nona i teitei, ka dua ki na nona cakacaka ni veivoli;

Maciu 22:8

Sa qai kaya o koya vei ira na nona tamata, ‘Sa vakarau oti tu na magiti ni vakawati, ia sa sega ni ganiti ira era a sureti,

Luke 14:17

Ia ni sa yaco na gauna me caka kina na vakayakavi, sa qai talai ira na nona tamata dauveiqaravi me ra tukuna vei ira sa sureti oti tu, ‘Mo ni lako mai, ni sa vakarau oti tu na veika kece sara!’

Cakacaka 1:8

Ia dou na vakasinaiti ena kaukauwa ni sa sobuti kemudou na Yalo Tabu, ka dou na qai noqu i vakadinadina e Jerusalemi, kei Jutia taucoko kei Samaria, ka yacova na i yalayala kei vuravura.”

Cakacaka 13:46

Ia e rau sa qai vosa vakadoudou ga o Paula kei Panapasa, ka kaya, “Sa dodonu ga me vunautaki mada e liu vei kemuni na vosa ni Kalou. Ia me vaka na nomuni sa besetaka ga ka sega ni raica ni ganiti kemuni na bula tawamudu, keirau sa na biuti kemuni kina ka golevi ira na kai matanitu tani.

Roma 8:32

O koya ka a sega ni bureitaka na Luvena dina, ka ni a soli koya ga ena vukuda kece, ena sega li ni solia walega vei keda na ka kecega?