Maciu 22:16 - Vakavakadewa Vou kei na iVola tale eso

¹⁶ Era sa mani talai ira yani na nodra tisaipeli kei ira na i lawalawa i Eroti, ka kaya, “Vakavuvuli, keimami kila ni o sa dau tukuna na ka dina. O ni sa vakavuvulitaka na ka dina me baleta na lewa ni Kalou ena vukudra na tamata, ka o ni sega ni bau lomaleqataka na veika era nanuma na tamata baleta ni sa ka wale vei iko na nodra i tutu na tamata.

Ai Vola Tabu (Vakadewa Makawa Vakavoutaki 2021)

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, “Vakavuvuli, keitou sa kila ko sa dina, ka sa vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua, ni ko sa sega ni doka na matadra na tamata.

AI VOLA TABU

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, Vakavuvuli, keitou sa kila ni ko sa dina, ka vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua: ni ko sa sega ni doka na matadra na tamata:

Vakavakadewa Makawa

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, Vakavuvuli, keitou sa kila ko sa dina, ka sa vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua: ni ko sa sega ni doka na matadra na tamata:

Ai Vola Tabu Ena Vakavakadewa Vou

¹⁶ Era sa mani talai ira yani na nodra tisaipeli kei ira na i lawalawa i Eroti, ka kaya, “Vakavuvuli, keimami kila ni o sa dau tukuna na ka dina. O ni sa vakavuvulitaka na ka dina me baleta na lewa ni Kalou ena vukudra na tamata, ka o ni sega ni bau lomaleqataka na veika era nanuma na tamata baleta ni sa ka wale vei iko na nodra i tutu na tamata.

Maciu 22:16 Iomraidhean Croise

1 Tui 22:14

A sa kaya o Maikaia, “Me vaka sa bula o Jiova, na ka ga sa kaya vei au, sai koya ga au na vosataka.”

NA SAME 12:2

Era sa lasu na tamata kecega vei ira na dui wekadra. Ka veivakaisini vakai ira ena vosa veicavilaki.

NA SAME 5:9

Na ka era kaya na kequ meca ena sega ni vakadinati Era sa dau vinakata ga me ra veivakarusai. Na gusudra sa vaka e dua na i bulubulu sa dola tu Ia na nodra vosa sa veicavilaki ka veivakacalai.

NA SAME 55:21

Sa yagoyago vinaka cake mai na bata na nona vosa, Ia, sa tiko ga e lomana na yalo ca ni veicacati; Sa yagoyago vinaka me vaka na waiwai na nona vosa, Ia, era sa veivakamavoataki me vaka na i seleiwau gata.

Vosavakaibalebale 29:5

Na tamata sa cavilaka na wekana ena coko ga ena nona dai.

Malakai 2:6

Era a vakatavuvulitaka na ka dodonu, ka sega ni ka cala. Era bula veimaliwai vinaka kei au; era a dau cakava ga na veika dodonu ka vukei ira na lewe vuqa me ra muduka na nodra caka ca tiko.

Malakai 2:9

O koya oqo, au na vakayacora kina me ra cati kemuni na Isireli baleta ni o ni sa sega ni muria na lomaqu; kei na gauna o ni sa dau vakatavulici ira na noqu tamata, o ni sa dau ia ga na veivakaduiduitaki.”

Maciu 22:24

“Vakavuvuli, e kaya o Mosese ni kevaka sa mate e dua na tagane ka sega na luvena, me qai vakawatitaka na nona yada o tacina, me rawa ni vakawa kina ka me wili na luvena vua na tuakana.’

Maciu 22:26

E a vakakina na i karua, kei na i katolu, me yacovi koya sara na i kavitu.

Maciu 26:18

Sa qai kaya o Jisu, “Dou lako ki na koro levu, ki vua e dua na tamata, ka kaya vua, ‘Sa kaya vakaoqo na i Vakavuvuli, Sa yaco mai na noqu gauna; au na qarava vata kei iratou na noqu tisaipeli na Lakosivia ena nomu vale.’ ”

Maciu 26:49

A sa lako vakadodonu vei Jisu o Jutasa, ka kaya, “Vakavuvuli, me nomuni na vakacegu,” ka sa reguci koya.

Marika 10:17

Ia ni sa lako tiko o koya e gaunisala, sa qai cici mai e dua na tamata ka mai tekiduru vua, ka tarogi koya, “Na i Vakavuvuli vinaka, na cava e dodonu me'u cakava me'u taukena kina na bula tawamudu?”

Marika 12:13

Era sa qai tala vei Jisu eso na Farisi kei na so na i tokani i Eroti me ra coriti koya ena nona vosa.

Marika 12:14

Era sa lako ka kaya vua, “Vakavuvuli, keimami sa kila ni o ni sa dau tukuna na ka dina. O ni sa sega ni rerevaka na ka era nanuma na tamata, se mo ni kauwaitaka sara na i tutu vakatamata. Ia o ni sa dau vakatavuvulitaka ga na veika dina vakalou. Ni tukuna mada mai, e cala li ena noda Lawa me da sauma na i vakacavacava vei Sisa? E dodonu li me da saumi vakacavacava vei Sisa, se segai?

Marika 3:6

Era sa mani curu ki tautuba na Farisi ka la'ki bosea vata kei ira na i lawalawa i Eroti, se me ra na vakamatei koya vakacava.

Marika 8:15

Sa qai vakadreti iratou o Jisu, ka kaya, “Raica, dou qarauni kemudou mai na nodra i vakatubu na Farisi, kei na i vakatubu i Eroti.”

Luke 20:21

Era sa kaya na yamata oqo vei Jisu, “Vakavuvuli, keimami kila ni o ni dau vosa ka vakatavuvuli vakadodonu, ka sega ni dau totaka e dua, ia o ni dau vakatavuvulitaka vakadodonu ga na sala ni Kalou.

Luke 7:40

Sa qai vosa o Jisu, ka kaya vua, “Saimoni, e dua na ka au via kaya vei iko.” Sa qai kaya o koya, “Vakavuvuli, mo tukuna ga mai.”

Joni 14:6

Sa qai kaya vua o Jisu, “Oi au ga na sala, kei na dina, kei na bula; e sega ni torovi Tamaqu rawa e dua na tamata, ia ena vukuqu ga.

Joni 18:37

Sa qai tarogi kaya o Pailato, “O iko bagi e dua na tui?” A sauma o Jisu ka kaya, “O sa kaya ni'u sa dua na tui. Au sa sucu ka lako mai ki vuravura oqo ena duabulu ga na i naki, o ya me'u mai tukuna na ka dina. O koya ga sa vakabauta na ka dina sa dau rogoca na noqu vosa.”

Joni 7:18

O koya e vosa ena nona kaukauwa ga vakai koya sa vakasaqara voli ga na ka me dokai kina. Ia o koya sa vakasaqara na dokai me soli vua sa talai koya mai, sa tamata dina o koya, ka sa sega vua na cala.

2 Korinica 2:17

Keitou sa sega ni vakataki ira eso era sa dau vakatanitaka na vosa ni Kalou, ia keitou sa vosa me vaka na tamata yalodina sa talai mai vua na Kalou, keitou sa dau vosa ena yaca i Karisito ena mata ni Kalou.

2 Korinica 4:2

Keitou sa biuta tani na veitovo ni butobuto ka vakamadua, keitou sa sega ni cakacaka vaka i lawaki se vakatanitaka na vosa ni Kalou. Ia na neitou tusanaka vakadodonu na ka dina, keitou sa vakaraitaki keitou yani kina vaka i keitou ki na nodra lewa e loma ena mata ni Kalou.

2 Korinica 5:16

Ia me tekivu oqo ka lako yani, keitou sa na sega tale ni qai doka e dua na tamata ena vuku ni ka vakayago. E dina ga ni dua na gauna keitou dokai Karisito ena i tovo ni rai vakayago, ia oqo sa sega ni qai vakakina.

Kalatia 1:10

E kena i rogorogo beka oqo ni sa vaka me'u vakasaqara tiko na veivakadonui ni tamata? E segai sara! Au sa gadreva ga na veivakadonui ni Kalou! Au sa tovolea tiko beka me'u taleitaki vakalevu mai vei ira na tamata? Kevaka au se tovolea tikoga oqo, au sa qai sega ni dauveiqaravi nei Karisito.

Kalatia 2:6

Ia o ira sa okati me ra dauveiliutaki — ka'u sa kaya vakaoqo baleta ni sa sega ni dua na kedra duidui vei au o ira oqo; ka sa sega ni vakataulewa na Kalou mai na veika sa raici e taudaku — o ira na dauveiliutaki oqo, au sa kaya oqo, era sa sega ni vakaikuritaka tale vei au e dua na ka.

Vakarua 33:9

Era sa vakatakila na levu ni nodra yalodina vei kemuni, ka sa uasivi cake mai vei ira na nodra qase, tacidra, kei na luvedra. Era sa muria na nomuni vakaro, Ka yalodina ki na nomuni veiyalayalati.

1 Cesalonaika 2:4

Ia keitou sa vunautaka ga me vaka sa vinakata na Kalou, ka ni sa nanuma o koya ni sa ganiti keitou me keitou kauta na i Tukutuku Vinaka. Sa sega ni keitou saga oqo me ra vinakati keitou kina na tamata, na Kalou ga, o koya sa dauvakatovolea na i naki ni lomada.

Jemesa 3:17

Ia na vuku sa lako mai lomalagi sa liutaki keda me da savasava, me da yalovakacegu, me da yalomalua, me da yalo rawarawa; io sa sinai sara kina na yalololoma, sa vuataka na vua vinaka, sa sega ni vakaduiduitaka na tamata, ka sa sega ni dauveivakaisini.

1 Joni 5:20

Eda sa kila ni sa lako mai na Luve ni Kalou ka sa solia vei keda na yalomatua, me da kilai koya rawa kina na Kalou dina. Eda sa bula ga vua na Kalou dina, ka sa semati vata kei na Luvena o Jisu Karisito. Sa i koya oqo na Kalou dina, ka sai koya oqo na bula tawamudu.