Maciu 2:4 - Vakavakadewa Vou kei na iVola tale eso

⁴ Sa qai vakasoqoni ira vata kecega na bete levu kei ira na nodra daunilawa na tamata, ka vakataroga vei ira, “Ena sucu beka evei na Mesaia?”

Ai Vola Tabu (Vakadewa Makawa Vakavoutaki 2021)

⁴ ia ni sa vakasoqoni ira vata kecega na bete levu kei ira na vunivola ni tamata, sa tarogi ira ko koya se na sucu beka evei na Karisito.

AI VOLA TABU

⁴ ia ni sa vakasoqoni ira vata kecega na bete levu kei ira na nodra vu-ni-vola na tamata, sa tarogi ira ko koya se na sucu evei ko Karisito.

Vakavakadewa Makawa

⁴ ia ni sa vakasoqoni ira vata kecega na bete levu kei ira na vunivola ni tamata, sa tarogi ira ko koya se na sucu beka evei na Karisito.

Ai Vola Tabu Ena Vakavakadewa Vou

⁴ Sa qai vakasoqoni ira vata kecega na bete levu kei ira na nodra daunilawa na tamata, ka vakataroga vei ira, “Ena sucu beka evei na Mesaia?”

Maciu 2:4 Iomraidhean Croise

2 Veigauna 34:13

Eso tale na Livai era sa liutaka na kena veikauyaki na i yaya kei na raici ni nodra i tavi na tamata ena veicakacaka duidui eso, ka so tale era sa lesi me ra vunivola, ka ra sa qarava na i tavi ni yadravi ni matamata ni koro eso tale.

2 Veigauna 34:15

A sa kaya o Ilikaia vei Savani na vunivola, Au sa kunea na i vola ni lawa ena vale i Jiova ka mani solia vua.

2 Veigauna 36:14

Era a valavala ca vakalevu kece na bete i liuliu kei ira na tamata, ka ra muria na i valavala vakasisila ni veimatanitu; era a benuca na vale i Jiova ka vakatabuya o koya mai Jerusalemi.

Esera 10:5

A sa tucake o Esera ka cakava me ra vosa bubului o ira na nodra i liuliu na bete, kei na Livai, kei na lewenivanua ni ra na vakayacora na veika sa vakatura o Sekonaia.

Esera 7:6

O Esera e dua na daunivolatabu sa kila vinaka sara na Lawa i Mosese ka sa solia o Jiova na Kalou ni Isireli. Ena vuku ni kena drodrovi Esera tu na veivakalougatataki i Jiova na nona Kalou, a sa solia kina vei Esera na tui na veika kecega sa kerea vua.

Niemaia 12:7

o Salu, o Amoki, o Ilikaia, kei Jitaia. Oqori o ira na nodra i liuliu na bete kei ira na nodra i tokani ena gauna i Jesua.

NA SAME 2:2

Era sa tuvaivalu na nodra tui, Ka ra ia na bukivere na i liuliu ni veimatanitu me ra valuti Jiova Kei na tui sa digitaka o koya.

Jeremaia 8:8

O ni kaya rawa vakacava, ‘Keimami sa vuku ka sa tu vei keimami na i vakaro i Jiova’? Ni raica, sa veisautaki na i vakaro ena nodra mata ni peni na vunivola dauveivakaisini.

Malakai 2:7

Sa nodra i tavi ga na bete me ra vakatavuvulitaka na i vakavuvuli dina me baleta na Kalou. E dodonu me ra lako na tamata ka la'ki vulica mai vei ira na ka au sa vinakata, baleta ni sai ira oqo na i talatala i Jiova ni lewevuqa.

Maciu 13:52

Sa qai kaya vei iratou o koya, “O koya oqo, era sa vakatautauvatataki kina o ira na daunilawa sa yaco me ra tisaipeli ni matanitu vakalomalagi kei koya na i taukei ni vale sa kauta mai na nona rumu ni maroroi i yaya na i yau vovou kei na i yau makawa.”

Maciu 2:3

Ni sa rogoca na ka oqo o Eroti na tui, sa leqa na lomana ka vakakina o Jerusalemi taucoko.

Maciu 2:5

Era sa qai kaya vua, “Mai na koro o Peceliema e Jutia, ni sa vola tu vakaoqo na parofita:

Maciu 21:15

Ia ni ra sa raica o ira na bete levu kei ira na daunilawa na veika veivakurabuitaki e cakava tiko o koya, kei ira na gonelalai era kacikaci tiko mai Valenisoro, ka kaya, “Osana vua na Luve i Tevita,” era sa cudru sara,

Maciu 21:23

Ni sa curu o koya ki Valenisoro, era sa qai lako mai vua ni sa veivakatavulici tiko, o ira na bete levu kei ira na nodra qase na tamata, ka kaya, “Ena lewa i cei o vakayacora voli kina na veika oqo, se o cei mada e solia vei iko na kaukauwa oqo?”

Maciu 26:3

Era sa qai soqoni vata na bete levu kei ira na nodra qase na tamata ki na vale nei Kaiava na Bete Levu,

Maciu 26:47

Ni se vosa tikoga o Jisu, a sa yaco yani o Jutasa, e dua vei iratou na lewe tinikarua. A lako vata yani kei koya e dua na i lala levu era vakaiyaragi ena i seleiwau kei na i wau, ka ra sa talai mai vei ira na bete levu kei ira na nodra qase na tamata.

Maciu 27:1

Ni sa mataka mai, era sa qai bosei Jisu o ira kecega na bete levu kei ira na nodra qase na tamata, me ra vakamatea.

Maciu 7:29

ni sa vakatavulici ira me vaka e dua sa nona na lewa, ka sega ni vakataki ira na qasenivuli ni Lawa.

Marika 8:31

Sa qai vakatekivu me vakatavulici iratou na nona tisaipeli o Jisu, ni sa kena dodonu ga me sota kaya na Luve ni Tamata na ka rarawa e vuqa, ka me ra cati koya na qase kei ira na bete levu kei ira na daunilawa, ka na vakamatei, ka na qai tucake tale ni sa oti e tolu na siga.

Luke 20:19

Era a tovolea na daunilawa kei ira na bete levu me ra vesuki koya ena tiki ni gauna vata ga o ya, ni ra kila rawa ni a vosataki ira o koya ena vosa vakatautauvata o ya. Ia era a rerevaki ira ga na tamata.

Luke 23:10

Era a tu voleka tu e kea na bete levu kei ira na daunilawa, ka beitaki koya vakaukauwa.

Joni 18:3

A sa qai lako yani kina o Jutasa, ka sa kauti ira tiko yani na matasotia vata eso na ovisa era sa talai mai vei ira na bete levu kei na Farisi. Era a vakaiyaragi ka ra kau cina tabucagi tiko yani kei na cina tutuvaki.

Joni 3:10

Sa qai sauma o Jisu ka kaya vua, “O iko e dua na nodra i vakavuvuli levu na Isireli, ia o qai sega tu ni kila na veika oqo, ne?

Joni 7:32

Era a rogoca o ira na Farisi na nodra veivosakitaki Jisu lo tiko vaka o ya o ira na lewe vuqa, ka ra a mani talai ira na ovisa o ira na bete levu kei ira na Farisi me ra la'ki vesuki koya.

Joni 8:3

Era sa qai kauta yani vua o ira na daunilawa kei ira na Farisi e dua na yalewa sa vesuki mai ni sa veibutakoci, ka ra vakaturi koya ena kedra maliwa.

Cakacaka 23:9

A sa tubu cake sara na kaukauwa ni veileti kei na kaikaila, ka sa tu cake kina eso na daunilawa era nodra i tokani na Farisi, ka ra veiba vakaukauwa sara, ka kaya, “Keitou sa sega ni raica e dua na cala vua na tamata oqo. De rairai a vosa dina ga vua e dua na yalo se agilosi!”

Cakacaka 4:5

Ia ena siga ka tarava, era sa qai soqoni vata yani ki Jerusalemi o ira na nodra i liuliu na Jiu kei ira na qase, vata kei ira na daunilawa.

Cakacaka 6:12

Sa i koya na sala oqo era a vakauqeti ira rawa kina na tamata, kei ira na qase, kei ira na daunilawa. Era sa qai lako yani vei Sitiveni ka vesuki koya, ka kauti koya ki na Matabose.