Maciu 2:23 - Vakavakadewa Vou kei na iVola tale eso

²³ ka la'ki tiko ena koro ka yacana o Nasareci, ka me vakayacori sara kina na vosa era a kaya na parofita, “Ena vakatokai o koya me kai Nasareci.”

Ai Vola Tabu (Vakadewa Makawa Vakavoutaki 2021)

²³ A sa laki tiko vakadua ki na koro na yacana ko Nasareci, a sa vakayacori kina na ka era sa vosataka ko ira na parofita, “Ena vakatokai ko koya, a kai Nasareci.”

AI VOLA TABU

²³ a sa laʼki tiko vakadua mai na koro na yacana ko Nasareci, a sa vakayacori kina na ka era sa vosataka ko ira na parofita, Ena vakatokai ko koya, E dua sa vaka na kai Nasareci.

Vakavakadewa Makawa

²³ a sa laki tiko vakadua ki na koro na yacana ko Nasareci, a sa vakayacori kina na ka era sa vosataka ko ira na parofita, Ena vakatokai ko koya, a kai Nasareci.

Ai Vola Tabu Ena Vakavakadewa Vou

²³ ka la'ki tiko ena koro ka yacana o Nasareci, ka me vakayacori sara kina na vosa era a kaya na parofita, “Ena vakatokai o koya me kai Nasareci.”

Maciu 2:23 Iomraidhean Croise

Tiko mai na Lekutu 6:13

“Ia oqo na lawa virikotori me baleti ira na nasiraiti: Ena gauna sa vakacavari kina na siga ni vakatatabu, me na qai kau yani o koya na nasiraiti ki na katuba ni vale ni veitavaki,

Maciu 1:22

A sa yaco na ka kecega oqo me vakayacori kina na vosa ni Turaga, ka a tukuna na parofita:

Maciu 21:11

Era sa qai kaya na lewe vuqa, “Oqo o Jisu na parofita mai Nasareci e Kalili.”

Maciu 26:71

Ni sa lako yani vaka ki na matamata, sa qai raici koya mai e dua tale na vada, ka kaya sara vei ira era tiko kina, “O koya oqo e rau dau tiko vata kei Jisu na kai Nasareci.”

Marika 1:24

ka kaya vua, “I Jisu na kai Nasareci, a cava o ni via cakava vei keimami? O ni sa mai vakawabokotaki keimami li? Au sa kilai kemuni. Sa i kemuni na Le Dua Yalosavasava ni Kalou!”

Marika 1:9

Ni sa oti e dua na gauna lekaleka ga, a sa lako mai o Jisu mai Nasareci ena yasana o Kalili, ka sa papitaisotaki koya o Joni ena uciwai na Joritani.

Luke 1:26

Ena i kaono ni vula sa talai na agilosi o Kaverieli mai vua na Kalou, ki na dua na koro mai Kalili o Nasareci na yacana,

Luke 18:37

Era sa qai kaya vua, “E lako tiko mai oqo o Jisu na kai Nasareci.”

Luke 2:39

Ia ni rau sa qarava oti o Iosefo kei Maria na veika kece me vaka e tu ena lawa ni Turaga, e ratou sa lesu tale ki Kalili, ki na nodratou koro o Nasareci.

Joni 18:5

Era sa kaya, “O Jisu na kai Nasareci.” Sa qai kaya vei ira o koya, “Sa i au sara ga oqo.” A sa tiko talega ena kedra maliwa o Jutasa, o koya ka bukiveretaki Jisu.

Joni 18:7

Sa qai tarogi ira tale o koya ka kaya, “O cei o ni sa vakasaqara?” Era sa kaya tale, “O Jisu na kai Nasareci.”

Joni 19:19

Sa qai vola o Pailato e dua na i vakatakilakila, ka tokara ena ulu ni kauveilatai. E volai toka kina, “O Jisu na kai Nasareci, na nodra Tui na Jiu.”

Cakacaka 2:22

“Oi kemuni na Isireli, ni rogoca mada na veivosa oqo! O Jisu na kai Nasareci sai koya na tamata ka sa vakadinadinataki koya oti ena nona i tutu vakalou mai na veicakacaka mana kei na veika veivakurabuitaki sa vakayacora na Kalou ena vukuna. O ni sa kila vinaka na ka oqo oi kemuni, ni sa yaco na veika oqo ena kemuni maliwa.

Cakacaka 24:5

Keitou sa kunea ni sa dua na tamata dauveivakacalai na tamata oqo; sa dau vakatubu ca vei ira na Jiu ena veiyasa i vuravura kecega, ka sa dua sara ga o koya na nodra i liuliu na i lawalawa ni kai Nasareci.

Dauveilewai 13:5

ni o na kunekune ka vakasucuma e dua gonetagane, ka mo kakua ni kotiva na drauniuluna, baleta ni sa na vakatabui vua na Kalou mai na siga e sucu kina, me okati na gone oqo me nasiraiti. Ena tekivuna o koya na cakacaka ni nodra sereki na Isireli mai na ligadra na kai Filisitia.”

1 Samuela 1:11

Sa qai cavuta na nona bubului, ka kaya, “Kemuni Jiova ni lewevuqa, mo ni raici au mai na nomuni vada! Mo ni raica mada na noqu leqa kei na noqu vakararawataki, mo ni nanumi au me'u kakua ni guilecavi! Ia kevaka o ni solia vei au e dua na luvequ tagane, au sa yalataka me'u na solia na nona bula taucoko vei kemuni, ka na sega ni koti vakadua na drauniuluna.”