Maciu 2:12 - Vakavakadewa Vou kei na iVola tale eso

¹² E ratou sa qai lesu tale ki na nodratou vanua ena dua tani tale na sala; me vaka ni a kaya vei iratou na Kalou ena dua na tadra me ratou kakua ni lako tale vei Eroti.

Ai Vola Tabu (Vakadewa Makawa Vakavoutaki 2021)

¹² Ia ni sa vakasala vei ira e na tadra na Kalou me ra kakua ni lako tale vei Eroti, era sa lesu tale ki na nodra vanua e na sala tani.

AI VOLA TABU

¹² Ia ni sa vakasala vei ira e na tadra ko na Kalou me ra kakua ni lako tale vei Eroti, era sa lesu tale ki na nodra vanua e na sala tani.

Vakavakadewa Makawa

¹² Ia ni sa vakasala vei ira e na tadra na Kalou me ra kakua ni lako tale vei Eroti, era sa lesu tale ki na nodra vanua e na sala tani.

Ai Vola Tabu Ena Vakavakadewa Vou

¹² E ratou sa qai lesu tale ki na nodratou vanua ena dua tani tale na sala; me vaka ni a kaya vei iratou na Kalou ena dua na tadra me ratou kakua ni lako tale vei Eroti.

Maciu 2:12 Iomraidhean Croise

Vakatekivu 31:24

Ia ena bogi, a sa rairai na Kalou vei Lepani na kai Aramea ena tadra ka kaya vua, “Qarauna mo kakua ni vakasosataki Jekope ena nomu kaya vua e dua na ka vinaka se ka ca.”

Lako Yani 1:17

Ia oi rau na dauvakasucugone e rau sa marama daurerevaka na Kalou, ka rau mani sega kina ni vakayacora na ka a vakarota na tui me rau cakava, ia e rau a laivi ira ga na gonetagane me ra bula.

Taniela 2:19

Ia ena bogi tikoga ni siga o ya, a vakaraitaki kina vei Taniela na ka vuni oqo ena dua na raivotu. A qai vakavinavinaka vua na Kalou ni lomalagi o Taniela, ka vaka:

Maciu 1:20

Ia ni sa vakananuma tiko o koya na ka oqo, sa qai rairai vua ena tadra e dua na agilosi ni Turaga, ka kaya, “I Iosefo na luve i Tevita, kakua ni rere ni tauri Maria me watimu, ni sa mai vua na Yalo Tabu na gone sa kunekunetaka.

Maciu 2:13

Ia ni ratou sa lesu tale, sa qai rairai vei Iosefo e dua na agilosi ni Turaga, ka kaya, “Mo cavutu, ka kauta na gone lailai kei tinana, ka dro ki Ijipita, ka mo tiko ga kina me yacova ni'u sa tukuna tale vei iko e dua na ka; ni sa vakarau oqo me vakasaqara na gone lailai o Eroti me vakamatea.”

Maciu 2:19

Ni sa mate o Eroti, sa rairai vei Iosefo ena tadra mai Ijipita e dua na agilosi ni Turaga,

Maciu 2:22

Ia ni sa rogoca ni sa tui tiko mai Jutia o Arikeleo me i sosomi kei Eroti na tamana, sa rere ni lako kina; ia ni sa vakasalataki kina ena tadra, sa mani lako sara ki na yasayasa vaka-Kalili,

Maciu 27:19

Ni sa dabe toka ena nona i tikotiko ni veilewai, sa qai tala yani e dua na tamata vua o na watina, ka kaya, “Mo kakua ni cakava e dua na ka vua na tamata tawa cala oqori, ni'u sa kune rarawa vakalevu edaidai ena dua na tadra ka baleti koya.”

Luke 2:26

A sa vakatakila oti vua na Yalo Tabu ni na raica rawa mada o koya na Mesaia sa yalataka na Turaga ni bera na nona mate.

Cakacaka 10:22

E ratou sa qai kaya, “E talai keitou tiko mai na turaganivalu o Konilio. E tamata dodonu ka dau rerevaka na Kalou o koya ka vinaka na kena i rogorogo vei ira na Jiu kecega. E a tukuna vua e dua na agilosi yalo savasava mo ni mai lakovi mo ni lako yani ki na nona vale me rogoca kina na ka o ni na kaya.”

Cakacaka 4:19

Ia e rau a qai sauma o Pita kei Joni ka kaya vei ira, “Ni lewa mada ga oi kemuni se evei li e dodonu, me keirau vakarorogo vei kemuni se me keirau vakarorogo vua na Kalou.

Cakacaka 5:29

E ratou sa qai sauma o Pita kei iratou na kena vo ni apositolo, ka kaya, “Sa dodonu me keitou vakarorogo vua na Kalou, ka me keitou kakua ni vakarorogo vei ira na tamata.

1 Korinica 3:19

Ni sa ka lialia vua na Kalou na vuku ni vuravura oqo. Ni sa volai ena i Vola Tabu, “Sa vesuki ira na vuku o koya ena nodra i lawaki.”

Iperiu 11:7

E na vuku ni vakabauta sa rogoca kina o Noa na i vakasala ni Kalou me baleta na veika me na qai yaco emuri ka se sega ni raica rawa o koya. A sa talairawarawa vua na Kalou ka taya e dua na waqa, a sa vakabulai kina o koya kei na nona matavuvale. E a qai yaco emuri me vakaluvuci na vuravura, ka sa vakadonui o Noa mai vua na Kalou me tamata yalododonu ena vuku ni vakabauta.

Iperiu 8:5

Na cakacaka era qarava na matabete oqo sai vakatakarakara ka i yaloyalo walega ni veika sa tiko mai lomalagi. Sa vakakina oqo na veika a yaco vei Mosese. Ni gauna sa vakarau tara kina o Mosese na Valelaca Tabu, sa qai vakaroti koya na Kalou, ka kaya, “Qarauna mo cakava na veika kece me vaka na kena i vakarau ka'u a vakatakila vei iko ena ulunivanua.”