Maciu 13:44 - Vakavakadewa Vou kei na iVola tale eso

⁴⁴ “Sa tautauvata na matanitu vakalomalagi kei na dua na i yau sa vuni tu ena dua na i teitei. Ni sa kunea e dua na tamata, sa qai la'ki vunitaka tale, ka sa lako yani ena marau levu ka volitaka na veika kecega sa taukena, a sa qai lesu tale ka volia na i teitei o ya.

Ai Vola Tabu (Vakadewa Makawa Vakavoutaki 2021)

⁴⁴ “Sa dua tale, sa tautauvata na matanitu vakalomalagi kei nai yau sa vuni tu e na dua na were; ka sa dua na tamata sa kunea, ka sega ni tukuna, ia ni sa rekitaka, sa laki volitaka na ka kecega sa tu vua, a sa volia na were ko ya.

AI VOLA TABU

⁴⁴ Sa dua tale, sa tautauvata na matanitu vakalomalagi kei nai yau sa vuni tu e na dua na were: a sa dua na tamata sa kunea, ka sega ni tukuna, ia ni sa rekitaka, sa laʼki volitaka na ka kecega sa tu vua, a sa volia na were ko ya.

Vakavakadewa Makawa

⁴⁴ Sa dua tale, sa tautauvata na matanitu vakalomalagi kei nai yau sa vuni tu e na dua na were; ka sa dua na tamata sa kunea, ka sega ni tukuna, ia ni sa rekitaka, sa laki volitaka na ka kecega sa tu vua, a sa volia na were ko ya.

Ai Vola Tabu Ena Vakavakadewa Vou

⁴⁴ “Sa tautauvata na matanitu vakalomalagi kei na dua na i yau sa vuni tu ena dua na i teitei. Ni sa kunea e dua na tamata, sa qai la'ki vunitaka tale, ka sa lako yani ena marau levu ka volitaka na veika kecega sa taukena, a sa qai lesu tale ka volia na i teitei o ya.

Maciu 13:44 Iomraidhean Croise

Jope 28:13

E sega ni kune rawa vei ira na tamata vuku; E sega sara ni dua e kila dina na kena talei

Vosavakaibalebale 16:16

Sa uasivi cake me noda na yalomatua mai na rawati ni koula, kei na digitaki ni kila-ka mai na rawati ni siliva.

Vosavakaibalebale 17:16

E sega ni dua na kena yaga vua na tamata yalowai me vakayagataki na i lavo me la'ki vuli kina, baleta ni sa sega ga ni lomana me vakakina.

Vosavakaibalebale 18:1

Na tamata e sega ni bula veilasamaki kei ira na tani sa taleitaki koya taudua voli ga; ena sega ni duavata kei na veika era sa kaya na tamata kece ni sa dodonu.

Vosavakaibalebale 23:23

Volia na dina ka kakua ni volitaka. Volia na vuku, na i vakavuvuli kei na yalomatua.

Aisea 55:1

A sa kaya o Jiova, “Ni lako mai oi kemuni kece o ni viagunu, Sa tu oqo na wai. Ni lako mai oi kemuni kece e sega na nomuni i lavo; Ni mai voli kakana. Ni lako mai ka mai voli waini kei na sucu, E sega ni saumi ena dua na ka!

Maciu 13:24

Sa qai tukuna vei ira e dua tale na vosa vakatautauvata, ka kaya, “E rawa ni vakatautauvatataki na Matanitu vakalomalagi kei na dua na tamata e kaburaka na i tei ni kau vinaka ena nona i teitei.

Maciu 13:46

ni sa kunea e dua na mataniciva talei sara, sa la'ki volitaka na veika kecega ka tu vua, ka volia na mataniciva o ya.

Maciu 13:47

“E dua tale, sa tautauvata na matanitu vakalomalagi kei na lawa ni yavi, sa viritaki ki wai, ka tagava mai na ika ena kena veimataqali kecega;

Maciu 19:21

Sa qai kaya vua o Jisu, “Kevaka o vinakata me sa vinaka sara, mo lako, ka volitaka na nomu i yau ka solia vei ira na dravudravua, o na qai vakaiyau mai lomalagi, lako mai ka muri au.”

Maciu 19:27

Sa qai sauma o Pita ka kaya vua, “Ni raica mada, keitou sa biuta na ka kecega ka muri kemuni; na cava keitou na rawata kina?”

Maciu 19:29

O koya ga sa biuta na nona veivale, kei iratou na tacina kei na tuakana kei na ganena, se na tamana se tinana, se o iratou na luvena, se tiki ni qele, ena vuku ni yacaqu ena yayadrau sara tale na ka e taura kina, ka na taukena talega na bula tawamudu.

Maciu 6:21

Ni vanua ga e tiko kina na nomudou i yau, ena tiko talega kina na yalomudou.

Luke 14:33

O koya oqo ena sega kina ni rawa me noqu tisaipeli e dua vei kemuni kevaka e sega ni biuta tani na veika kece e tu vua.

Joni 6:35

Sa qai kaya vei ira o Jisu, “Oi au na madrai ni bula. O ira sa lako mai vei au era na sega vakadua ni viakana; kei ira sa vakabauti au era na sega vakadua ni viagunu.

Roma 15:4

Ni veika kece sara sa volai ena i Vola Tabu ena gauna e liu era sa volai me da vakatavulici kina, ka me noda kina na i nuinui sa basika mai na vosota kei na veivakayaloqaqataki e solia vei keda na i Vola Tabu.

Kolosa 2:3

Sa vunitaki tu vua na i yau talei kecega ni vuku kei na kila-ka.

Kolosa 3:16

Me vutuniyau tiko na lomamuni ena vosa i Karisito. Ni veivakatavulici ka veivakadreti ena vuku kecega. Ni ia na laga same, kei na sere ni lotu, kei na veisere vakayalo eso, ka lagata oqo vua na Kalou ni sa sinai na yalomuni ena vakavinavinaka.

Iperiu 10:34

O ni a veitokoni ena veika rarawa era curuma o ira era vesu tu, ka vosota ga ena reki na kena tauri vakaukauwa na veika o ni taukena, baleta ni o ni sa kila ni se nomuni tikoga e dua na i yau sa uasivi cake, ka sa sega ni rusa rawa.

Vakatakila 3:18

Au sa vakasalataki iko kina vakaoqo mo mai volia vei au na koula sa vakatovolei ena buka, mo vutuniyau kina. Volia talega na i sulu vulavula mo vakaisulu kina, me ubia na nomu luvawale sa rui vakamadua. Volia talega na i sui ni mata, me sui kina na matamu, mo rai rawa kina.