Maciu 13:39 - Vakavakadewa Vou kei na iVola tale eso

³⁹ na meca e kaburaka na i tei ni kau ca sai koya na tevoro; na cava ni yabaki sai koya na i vakataotioti kei vuravura; kei ira na dautatamusuki sai ira na agilosi.

Ai Vola Tabu (Vakadewa Makawa Vakavoutaki 2021)

³⁹ kei na meca sa kaburaka sai koya na tevoro, ia na yabaki nai vakataotioti kei vuravura, ia na dautamusuka ko ira na agilosi.

AI VOLA TABU

³⁹ ia na meca sa kaburaki ira ko na tevoro: ia na yabaki nai vakataotioti kei vuravura; ia nai vakatau-ni-yabaki ko ira na agilose.

Vakavakadewa Makawa

³⁹ ia na meca sa kaburaka sai koya na tevoro: ia na yabaki nai vakataotioti kei vuravura: ia na dautamusuka ko ira na agilose.

Ai Vola Tabu Ena Vakavakadewa Vou

³⁹ na meca e kaburaka na i tei ni kau ca sai koya na tevoro; na cava ni yabaki sai koya na i vakataotioti kei vuravura; kei ira na dautatamusuki sai ira na agilosi.

Maciu 13:39 Iomraidhean Croise

Taniela 7:10

ka veisebayaki tiko mai kina na yameyame ni buka. Era lewe udolu vakaudolu na tamata era tiko e kea me ra qaravi koya, ka ra milioni vakamilioni era sa tu e matana. A qai tekivutaki na veilewai, ka ra sa cegai tu na kena i vola.

Joeli 3:13

Dou vakarautaka na i sele ni tatamusuki, Ka tamusuki ira me vaka na sila Ena gauna ni tatamusuki. Lako yani, ka butuqaqia Me vaka na qerepi. Sa sinai ka vuabale na i keli waini, Ni sa ka levu na nodra caka cala.

Maciu 12:32

O koya e vosa vakacacataka na Luve ni Tamata ena rawa ni vosoti; ia o koya e vosa vakacacataka na Yalo Tabu ena sega ni vosoti, ena gauna oqo se na gauna mai muri.

Maciu 13:22

Na kena e kaburaki ena veiwavakavotona, sai koya e rogoca na vosa, ia, sa qai curu yani na lomaocaoca ni vuravura oqo, kei na veitemaki ni yau ka vakaruguta na vosa, ka sega kina ni vua.

Maciu 13:25

Ia, ni ra sa moce tu na tamata sa qai lako mai na nona meca ka kaburaka talega na i tei ni kau ca ena maliwa ni witi, ka mani lako yani.

Maciu 13:28

Sa qai kaya vei ira o koya, ‘E sa cakava na ka oqo e dua na meca.’ Era sa mani kaya vua na nona tamata, ‘O ni vinakata me keimami sa la'ki cavuraka tani na kau ca?’

Maciu 13:40

Me vaka ga ni sa kumuni vata na kau ca ka visa ena buka, ena vaka talega kina ena i vakataotioti kei vuravura.

Maciu 13:49

Ena vakakina ena i vakataotioti kei vuravura; era na lako mai na agilosi ka tawasei ira tani na tamata ca mai vei ira na yalododonu,

Maciu 24:3

Ni sa la'ki dabe toka o koya mai na Ulunivanua ni Veiolive, e ratou sa qai lako vuni ga yani na tisaipeli, ka kaya, “Ni tukuna mada vei keitou se ena yaco ni naica na veika oqo, ka cava na kena i vakatakilakila ni nomuni lako mai, kei na i vakataotioti kei vuravura?”

Maciu 25:31

“Ni sa na lako mai na Luve ni Tamata ena nona lagilagi, vata kei ira na agilosi, ena qai tiko o koya ena nona i tikotiko lagilagi,

Maciu 28:20

ka vakavulici ira me ra talairawarawa ki na veika kecega ka'u sa vakarota vei kemudou. Ka mo dou nanuma ni'u sa tiko vata kei kemudou ena veigauna kece, me yacova na i vakataotioti kei vuravura.”

1 Korinica 10:11

Era sai dusidusi kece na veika sa yacovi ira, ka ra sa volai tu me ra i vakasala vei keda. Ni sa bula tiko ena dela ni gauna sa voleka mai kina na i vakataotioti.

2 Korinica 11:3

Ia na ka au leqataka sai koya na nona a vakacalai Ivi na gata ena nona qaseqase; de na qai vakacalai talega na lomamuni mai na kena savasava kei na kena yalodina vei Karisito.

2 Korinica 2:17

Keitou sa sega ni vakataki ira eso era sa dau vakatanitaka na vosa ni Kalou, ia keitou sa vosa me vaka na tamata yalodina sa talai mai vua na Kalou, keitou sa dau vosa ena yaca i Karisito ena mata ni Kalou.

Efeso 2:2

O ni a muria na i tovo ca ni vuravura oqo; o ni a muria na nodra i liuliu na veikaukauwa vakayalo ena maliwa lala, sai koya na yalo sa lewai ira tu na tamata era talaidredre vua na Kalou.

Iperiu 1:2

ia ena gauna emuri oqo, a sa vosa vei keda o koya mai vua na Luvena. Ena vuku ni Luvena oqo sa bulia kina na Kalou na vuravura kecega, ka sa lesia na Kalou me na taukena na Luvena na veika kecega ena i otioti ni gauna.

Iperiu 9:26

ni kevaka sa vakaoqo, sa dodonu kina me na mate vakavuqa o koya me tekivu sara mai na i vakatekivu ni vuravura. Ia oqo, ni sa voleka na i vakataotioti ni ka kecega, a sa basika mai kina o koya vakadua ga ena vuku ni tamata kecega, me kauta laivi na i valavala ca ena vuku ni nona cabori koya me i soro.

1 Pita 5:8

Ni yalomatua, ni yadra tiko! Sa veilakoyaki voli na nomuni meca na tevoro, me vaka na laione sa tagi ni sa vakasaqara eso me tiloma.

Ai Vola I Juta 1:14

Ia o Inoki, o koya ka i kavitu ni tabatamata ena kawa i Atama, a sa tukuna oti talega na vosa ni parofisai me baleti ira oqo, ni sa kaya, “Raica, ena lako mai na Turaga kei na udolu vakaudolu na nona agilosi yalosavasava

Vakatakila 12:9

A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritaki sobu mai ki vuravura kei ira taucoko sara na nona agilosi.

Vakatakila 13:14

A veika oqo era sa vakacalai kina na tamata kecega e vuravura ena vuku ni veicakacaka mana eso sa vakatarai me kitaka ena mata i koya na i matai ni manumanu rerevaki. A sa kaya vei ira me ra bulia e dua na i vakatakarakara me vakananumi kina na manumanu rerevaki ka sa vakamavoataki ena i seleiwau, ia ka sa bula ga.

Vakatakila 19:20

A sa tauri vakavesu na manumanu rerevaki vata kei koya na parofita vakailasu sa dau cakava na veika mana e mata i koya na manumanu rerevaki. (Sa i ira na veika veivakurabuitaki oqo era sa lawakitaki kina o ira sa tu vei ira na maka ni manumanu rerevaki kei ira sa dauqarava na kena i vakatakarakara.) E rau a qai viritaki bulabula ki na drano bukawaqa sa kama tu kina na sulifure oi rau na manumanu rerevaki kei na parofita vakailasu.