Maciu 11:5 - Vakavakadewa Vou kei na iVola tale eso

⁵ era sa rai na mataboko, ka ra lako na lokiloki, era sa vakasavasavataki na vukavuka, era rogo rawa na didivara, ka ra vakaturi cake tale na mate, ka sa vunautaki na i tukutuku vinaka vei ira na dravudravua.

Ai Vola Tabu (Vakadewa Makawa Vakavoutaki 2021)

⁵ era sa rai na mataboko, ka lako na lokiloki, sa vakasavasavataki na vukavuka, ka rogo rawa na didivara, sa vakaturi cake tale na mate sara, ka sa vunautaki nai tukutuku-vinaka vei ira na dravudravua.

AI VOLA TABU

⁵ Era sa rai na mataboko, ka lako na lokiloki; sa vakasavasavataki na vukavuka, ka rogo rawa na didivara; sa vakaturi cake tale na mate sara, a sa vunautaki nai tukutuku-vinaka vei ira sa dravudravua.

Vakavakadewa Makawa

⁵ Era sa rai na mataboko, ka lako na lokiloki; sa vakasavasavataki na vukavuka, ka rogo rawa na didivara; sa vakaturi cake tale na mate sara, a sa vunautaki nai tukutuku-vinaka vei ira na dravudravua.

Ai Vola Tabu Ena Vakavakadewa Vou

⁵ era sa rai na mataboko, ka ra lako na lokiloki, era sa vakasavasavataki na vukavuka, era rogo rawa na didivara, ka ra vakaturi cake tale na mate, ka sa vunautaki na i tukutuku vinaka vei ira na dravudravua.

Maciu 11:5 Iomraidhean Croise

2 Tui 5:14

A sa qai lako sobu o Nemani ki na Joritani ka toni vakavitu ena loma ni wai, me vaka na vosa i Ilaisa na tamata ni Kalou, ka sa vakabulai. A sa savasava tale ni sa yaco me kaukauwa ka bulabula na lewena, me vaka na lewe ni gone lailai.

2 Tui 5:7

Ia ni wilika oti na i vola o ya na tui Isireli, a dresulaka na nona i sulu, a kaya, Oi au beka na Kalou, me rawa ni'u veivakamatei ka veivakabulai, ka tala mai kina vei au na tamata oqo me'u vakabulai koya mai na nona vukavuka? Ia mo ni vakasamataka mada, ka raica, ni sa via vakatubu veivala vei au o koya.

NA SAME 146:8

Ka dolava na matadra era mataboko. Sa vueti ira cake era tabaki sobu; Sa lomani ira na nona tamata yalododonu.

NA SAME 22:26

Era na kania na dravudravua na levu ga ni ka era via kania. O ira era lako mai vei Jiova era na vakacaucautaki koya. Mo ni tiko vinaka tikoga ka tawa mudu.

Lako Yani 4:11

A sa kaya vua o Jiova, “O cei sa bulia na gusu ni tamata? O cei sa vakavuna me didivara se me galu na tamata? O cei e vakavuna me mata rai se me mataboko? Ia sai au ga, o Jiova.

Aisea 29:18

Ena siga o ya era na rogoca na didivara, Ni sa wiliki ena domolevu e dua na i vola, Ka ra na rai na mataboko era bula voli ena bula ni vakayayamo.

Aisea 29:19

Era na kunea na marau vou mai vei Jiova na yalo malumalumu. Ka ra rawata na reki na tamata dravudravua ena kedra maliwa na tamata, Vua na Kalou Yalosavasava ni Isireli.

Aisea 43:8

A sa kaya na Kalou, “Kauti ira mai na tamata oqo. Sa tu na matadra, ia era sa mataboko. Sa tu na daligadra ia era sa didivara!

Aisea 66:2

Oi au ga au a bulia na veika kece! Ka sa noqu na veika kece oqo. Au sa vinakati ira era yalo malumalumu ka veivutuni, O ira era rerevaki au ka talairawarawa vei au.

Sakaraia 11:7

Era vakacakacakataki au na dauvolia ka volitaka na sipi, ka'u sa qai tekivu me'u vakatawani ira na sipi era sa vakarau vakamatei tiko. Au a qai taura e rua na i titoko: e dua ka'u sa vakatoka o “Yalololoma”, kei na kena i karua e yacana o “Duavata”. Au a qai vakatawai ira na sipi.

Maciu 10:8

Dou vakabulai ira na tauvimate, vakaturi ira cake tale na sa mate, vakasavasavataki ira na vukavuka, vakasavi ira na tevoro; dou sa rawata wale, mo dou solia wale talega.

Maciu 11:4

A sauma o Jisu ka kaya, “Drau lako, ka tukuna vei Joni na veika drau sa rogoca ka raica tiko:

Maciu 12:13

Sa qai kaya vua na tamata o ya, “Dodoka mai na ligamu.” Sa qai dodoka yani, ka mani vakabulai me vaka na ligana kadua.

Maciu 21:14

Era sa qai lako mai vua ki Valenisoro o ira na mataboko kei na lokiloki, ka sa vakabulai ira o koya.

Maciu 5:3

“Sa kalougata o ira era sa yalo malumalumu, Ni sa nodra na matanitu vakalomalagi.

Maciu 9:30

Sa mani rai rawa na matadrau. Sa qai vakaroti rau matua sara o Jisu, ka kaya, “Qarauna, me kakua sara ni dua e kila.”

Marika 7:37

Era sa kurabui vakalevu sara o ira kecega era sa rogoca, ka ra kaya, “Na ka kece sara e cakava e caka vakavinaka! Era sa bau mai rogo rawa na didivara ka ra vosa na galu ena nona cakacaka!”

Marika 9:25

Ni sa raica o Jisu ni ra sa toso vakatotolo yani vua na lewe vuqa, sa qai vakarota na yalo velavela ka kaya vua, “O iko na yalo ni galu kei na didivara, au sa vakaroti iko mo lako tani mai vua na gonetagane oqo, ka kakua vakadua ni o curumi koya tale!”

Luke 4:18

“Sa tu vei au na Yalo ni Turaga, Ni sa lumuti au o koya me'u vunautaka na i tukutuku vinaka vei ira na dravudravua. Sa talai au me'u vunautaka na veisereki vei ira na bobula Kei na rai tale vei ira na mataboko; Me ra lako ena galala o ira sa dauraici sobu,

Joni 10:25

Sa qai sauma vei ira o Jisu, ka kaya, “Au a sa tukuna oti vei kemuni, ia o ni qai sega ni vakabauti au. Na veicakacaka ka'u sa cakava ena yaca i Tamaqu era sa vakadinadinataki au;

Joni 10:38

Ia kevaka ka'u sa vakayacora tiko, ka dina ga ni o ni sega ni vakabauti au, ia mo ni vakadinata mada ga na noqu cakacaka, mo ni kila rawa kina ka vakadinata ni sa tiko vei au o Tamaqu, ka'u sa tiko vei Tamaqu oi au.”

Joni 2:23

Ena nona a tiko voli mai Jerusalemi o Jisu ena gauna ni Solevu ni Lakosivia, sa lewe vuqa sara era sa vakabauti koya ena vuku ni nodra raica na veika mana sa vakayacora.

Joni 3:2

A qai lako o koya vei Jisu ena dua na bogi ka kaya vua, “Vakavuvuli, keimami sa kila ni o ni sa lako mai vua na Kalou me i vakavuvuli, ni sega ni dua na tamata e cakava rawa na veicakacaka mana o ni sa cakava oqo ke sega ni tiko vata kei koya na Kalou.”

Joni 5:36

Ia sa tu oqo na i vakadinadina ena vukuqu ka sa levu cake mai na kena sa solia o Joni: na veika ka'u sa cakava, o ya na veicakacaka sa solia mai vei au o Tamaqu me'u vakayacora, era sai vakadinadina oqo ena vukuqu ka vakaraitaka ni sa talai au mai o Tamaqu.

Joni 9:7

Sa qai kaya vua, “Mo lako ka la'ki savata na matamu ena i Sisili o Sailoama.” (Na yaca o ya e kena i balebale, “Sa Talai”.) Sa qai lako yani o koya, a sa savata na matana, ka sa rai rawa na matana ni sa lesu mai.

Cakacaka 2:22

“Oi kemuni na Isireli, ni rogoca mada na veivosa oqo! O Jisu na kai Nasareci sai koya na tamata ka sa vakadinadinataki koya oti ena nona i tutu vakalou mai na veicakacaka mana kei na veika veivakurabuitaki sa vakayacora na Kalou ena vukuna. O ni sa kila vinaka na ka oqo oi kemuni, ni sa yaco na veika oqo ena kemuni maliwa.

Jemesa 2:5

Oi kemuni na wekaqu lomani, ni vakarorogo mada! Sa digitaki ira na tamata dravudravua ena ka ni vuravura oqo na Kalou me ra vutuniyau ena vakabauta, ka me ra taukena talega na matanitu sa yalataka oti o koya vei ira sa lomani koya.