Maciu 10:41 - Vakavakadewa Vou kei na iVola tale eso

⁴¹ O koya sa vakaceguya e dua na parofita e baleta ni sa parofita, ena taura o koya na i sau ni parofita, kei koya sa vakaceguya e dua na tamata dodonu e baleta ni sa tamata dodonu ena taura o koya na i sau ni tamata dodonu.

Ai Vola Tabu (Vakadewa Makawa Vakavoutaki 2021)

⁴¹ O koya sa vakaceguya e dua na parofita ni sa vakatokai me parofita, ena rawata na kenai sau, ko koya sa vakaceguya na tamata yalododonu ni sa vakatokai me tamata yalododonu, ena rawata na kenai sau.

AI VOLA TABU

⁴¹ O koya sa vakaceguya e dua na parofita ni sa vakatokai me parofita, ena rawata na kenai sau; o koya sa vakaceguya na tamata yalododonu ni sa vakatokai me tamata yalododonu, ena rawata na kenai sau:

Vakavakadewa Makawa

⁴¹ O koya sa vakaceguya e dua na parofita ni sa vakatokai me parofita, ena rawata na kenai sau; ko koya sa vakaceguya na tamata yalododonu ni sa vakatokai me tamata yalododonu, ena rawata na kenai sau:

Ai Vola Tabu Ena Vakavakadewa Vou

⁴¹ O koya sa vakaceguya e dua na parofita e baleta ni sa parofita, ena taura o koya na i sau ni parofita, kei koya sa vakaceguya e dua na tamata dodonu e baleta ni sa tamata dodonu ena taura o koya na i sau ni tamata dodonu.

Maciu 10:41 Iomraidhean Croise

Vakatekivu 20:7

Ia oqo mo vakasuka tale na yalewa vua na watina. O koya e dua na parofita, ka na masulaki iko o koya, mo kakua ni mate. Ia kevaka o sega ni vakasukai koya, o na mate vakaidina; o iko kei na lewe ni nomu vuvale kece sara.”

Aisea 3:10

Tukuna vei ira na yalo dodonu, Ni na daumaka na veika kecega vei ira, Ni ra na kania na vua ni nodra cakacaka.

Maciu 16:27

Ena lako mai na Luve ni Tamata ena i serau nei Tamana, kei ira na nona agilosi, ka na qai saumi ira yadua na tamata o koya me vaka na nodra dui i valavala.

Maciu 25:44

Era na qai vosa tale vua, ka kaya, ‘Turaga, keimami a raici kemuni e naica ni o ni a viakana, se viagunu, se vulagi voli, se luvawale, se tauvimate, se tiko ena valeniveivesu, ka sega ni qaravi kemuni?’

Maciu 25:45

Ena qai sauma vei ira o koya, ka kaya, ‘Au sa kaya vakaidina vei kemuni, ena nomuni a bese ni vukea ira na tamata era dau sega tu ni kauwaitaki vakaoqo, o ni sa bese talega kina ni vukei au.’

Maciu 6:1

“Dou qarauna mo dou kakua ni vakayacora na nomudou ka ni loloma vakalotu ena matadra na tamata me ra raica kina na veika dou cakava. Kevaka dou sa vakayacora vakakina, ena sega na kemudou i sau mai vua na Tamamudou mai lomalagi.

Maciu 6:18

me kakua kina ni laurai vei ira na tamata na nomu lolo voli, ia ki vua ga na Tamamu sa tabogo me kila. Ia na Tamamu, o koya sa raica na ka e vuni, ena qai sauma ga vei iko.

Maciu 6:4

me ka vuni kina na nomu i loloma. Ia na Tamamu, o koya sa raica na veika e sa vakayacori lo, ena qai sauma vei iko.

Maciu 6:6

Ia o iko, ni o sa masu, curu ki na nomu rumu, ka sogota na nomu katuba, ka qai masu vua na Tamamu sa tabogo; ia, na Tamamu o koya sa raica na ka e vuni ena qai sauma ga vei iko.

Maciu 7:8

Ni sa taura o koya ga sa kerekere, ka kunea o koya sa vakasaqara, ka na dolavi vua sa tukituki.

Cakacaka 16:15

Ia ni sa papitaisotaki oti o koya kei ira na lewe ni nona vale, sa qai kerei keitou, ka kaya, “Kevaka dou sa vakadinata ni'u sa vakabauta dina na Turaga, dou lako mai ka tiko mada ena noqu vale.” A sa cikevi keitou matua sara o koya me keitou lako kina.

Roma 16:23

Sa loloma yani o Keio, o koya au mai tiko oqo vua ka dau qaravi talega na lotu ena nona vale. E rau sa loloma talega yani o Erasito, na dauniyau ni koro, kei na wekada o Kuaritu.

1 Korinica 9:17

Ia kevaka au sa cakava na ka oqo ena noqu lewa vakai au ga, au sa na qai rawa ni namaka me'u saumi kina; ia au sa vakayacora ga me vaka na i tavi sa vakacolati vei au, baleta ni sa nuitaki au na Kalou ena i tavi oqo.

Iperiu 6:10

Ni sa sega ni tawa dodonu na Kalou me sega ni okata na nomuni cakacaka kei na loloma o ni a vakaraitaka ena vukuna ena nomuni qaravi ira na vakabauta, me vaka o ni sa kitaka tikoga oqo.

2 Joni 1:8

Ni qarauni kemuni vinaka, mo ni kakua kina ni vakayalia na veika eda cakacakataka oti, ia mo ni na taura ga na kena i sau taucoko sara.