Maciu 1:21 - Vakavakadewa Vou kei na iVola tale eso

²¹ Ena vakasucuma o koya e dua na gonetagane, ka mo vakayacani koya o Jisu, ni sai koya ena vakabulai ira na nona tamata mai na nodra i valavala ca.”

Ai Vola Tabu (Vakadewa Makawa Vakavoutaki 2021)

²¹ Ia ena vakasucuma ko koya e dua na gonetagane; ia mo vakayacani koya ko JISU; ka ni sai koya ga ena vakabulai ira na nona tamata mai na nodra i valavala ca.”

AI VOLA TABU

²¹ ia ena vakasucuma ko koya e dua na gonetagane; ia mo vakatoka na yacana ko JISU; ni sai koya ga o qo ena vakabulai ira na nona tamata mai na nodrai valavala ca. (

Vakavakadewa Makawa

²¹ ia ena vakasucuma ko koya e dua na gonetagane; ia mo vakayacani koya ko JISU; ka ni sai koya ga ena vakabulai ira na nona tamata mai na nodra i valavala ca.

Ai Vola Tabu Ena Vakavakadewa Vou

²¹ Ena vakasucuma o koya e dua na gonetagane, ka mo vakayacani koya ko Jisu, ni sai koya ena vakabulai ira na nona tamata mai na nodra i valavala ca.”

Maciu 1:21 Iomraidhean Croise

Vakatekivu 17:19

Ia sa qai kaya na Kalou, “E sega, o Sera na watimu ena vakasucuma e dua na luvemu tagane, mo vakatoka me yacana o Aisake. Au na vakataudeitaka vua na noqu veiyalayalati kei ira na nona kawa. Oqo ena veiyalayalati tawa mudu.

Vakatekivu 17:21

Ia, au na vakataudeitaka na noqu veiyalayalati kei na luvemu tagane o Aisake, o koya ena vakasucuma o Sera ena gauna vata oqo ena yabaki ka lako mai.”

Vakatekivu 18:10

Sa qai kaya cake mai e dua vei iratou, “Au na lesu tale mai ka mai raici iko ena gauna vata oqo ena yabaki mai oqo, ka sa na vakasucuma kina o Sera e dua na luvemu tagane.” Ia sa rogoca o Sera na vosa o ya mai na katuba ni valelaca e daku i Epara-ama.

Jeremaia 23:6

Ena qai galala o Juta ena nona gauna ni veiliutaki ka ra na qai tiko sautu na lewe i Isireli. Era na vakatoka na tui o ya me yacana, ‘O Jiova na noda yalododonu.’

Jeremaia 33:16

Ni sa na yaco mai na gauna o ya, era na vakabulai na lewe i Jerusalemi. Ena vakatokai na nodra vanua kei na nodra koro me yacana ‘Sa vakabulai keda o Jiova.’

Taniela 9:24

Sa loku e vitusagavulu na macawa, me baleti ira na kai nomu kei na koro tabu, me vakaoti kina na nomuni dau caka cala kei na nomuni i valavala ca tiko. Ni oti na gauna oqori, sa na bokoci na i valavala ca, ka sorovaki na caka cala me vakayacori na i valavala ka vakadeitaki na raivotu kei na vosa ni parofisai, ka na qai vakatabui na Tikina Tabu Sara.

Sakaraia 9:9

Ni reki ka marau Oi kemuni na kai Saioni! Ni kaila ena marau levu Oi kemuni na kai Jerusalemi! Raica, sa lako tiko mai vei kemuni o koya na nomuni tui! Sa lako mai ena lagilagi kei na qaqa, Ia sa yalo malumalumu ga Ka vodoka voli na luve ni asa.

Maciu 1:25

Ia e rau sa sega ni veiyacovi, ka yacova ni sa vakasucuma oti o Maria na luvena tagane. A sa vakayacana na gone o Iosefo me o Jisu.

Luke 1:13

Sa qai kaya vua na agilosi, “I Sakaraia, mo kakua ni rere! Sa rogoca na Kalou na nomu masu, ka na vakasucuma e dua na luvemu tagane o Ilisapeci na watimu, ia mo qai vakayacani koya me o Joni.

Luke 1:31

Raica, o na kunekune, ka vakasucuma e dua na gonetagane; ia mo vakayacani koya o Jisu.

Luke 2:11

ni sa sucu vei kemuni edaidai, ena koro i Tevita, na i Vakabula, o koya na Karisito, na Turaga!

Luke 2:21

Ni sa oti na bogi walu me qai cilivi kina na gone, sa mani vakatokai me yacana o Jisu, me vaka ga ka a vakatoka na agilosi ni sa bera ni kunekunetaki.

Joni 1:29

Ena siga ka tarava, sa raici Jisu sara o Joni ni lako tiko yani vua, ka a kaya sara, “Raica na Lami ni Kalou, o koya sa kauta tani na nodra i valavala ca na kai vuravura!

Joni 4:42

ka ra a kaya vua na yalewa, “Oqo keimami sa vakabauta, e sega ni baleta na nomu vosa, ia baleta ga ni keimami sa qai rogoci koya sara oi keimami, ka kila ni sai koya oqo na i Vakabula kei vuravura.”

Cakacaka 13:23

Mai na kawa ni tamata oqo, me vaka na vosa ni yalayala, a sa vakatubura mai kina na Kalou vei ira na Isireli na i Vakabula, o Jisu.

Cakacaka 3:26

A sa digitaka kina na Kalou na nona Dauveiqaravi ka sa talai koya taumada yani vei kemuni, me vakalougatataki kemuni ena nona vakayacora mo ni vuki tani yadudua mai na nomuni i valavala ca.”

Cakacaka 4:12

Sa i koya duadua ga e rawa ni vakabulai keda, ka ni sega ni tiko tale e dua na yaca ena ruku i lomalagi me solia na Kalou vei keda na tamata me da bula rawa kina.”

Cakacaka 5:31

Sa kauti koya cake na Kalou me tiko ena ligana i matau, me i Liuliu ka i Vakabula, me solia kina na veivutuni kei na bokoci ni valavala ca vei ira na Isireli.

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

Iperiu 7:25

O koya oqo sa rawa kina vua, ena gauna oqo kei na veigauna kece sara, me vakabulai ira era gadreva me ra lesu vua na Kalou ena vukuna, baleta ni sa bula tikoga o koya me dau masulaki ira.

1 Joni 1:7

Ia kevaka eda sa bula ga ena rarama, me vaka sa tiko o koya ena rarama, eda sa qai veitokani vata kaya, ka sa vakasavasavataki keda mai na i valavala ca kecega na dra i Jisu na Luvena.

1 Joni 3:5

O ni sa kila ni a rairai mai o Karisito me kauta laivi na i valavala ca ni tamata; a sa sega ga vua na i valavala ca.

Vakatakila 7:14

Au sa qai kaya vua, “Au sa sega saka ni kila. O ni sa kila ga oi kemuni.” Sa qai kaya vei au, “Sa i ira oqo era sa bula mai na veivakararawataki levu. Era sa savata na nodra i sulu ka vakavulavulataka ena dra ni Lami.

Dauveilewai 13:3

Sa qai rairai vua na yalewa na agilosi i Jiova ka tukuna: “O iko a sega ni vakaluveni rawa tiko, ia o na kunekune ka vakasucuma e dua na gonetagane.

1 Samuela 1:20

Ia ni sa yaco mai na kena gauna, sa kunekune ka bukete o Ana, ka vakasucuma e dua na gonetagane. A sa vakatoka me yacana o Samuela, ni a vakamacalataka vakaoqo, “Ni'u sa kerei koya vei Jiova.”