Maciu 1:18 - Vakavakadewa Vou kei na iVola tale eso

¹⁸ Sa vakaoqo na sucu i Jisu Karisito. A sa musuki o Maria na tinana vei Iosefo, ia ni se bera ni rau vakawati, a sa votu na nona bukete mai vua na Yalo Tabu.

Ai Vola Tabu (Vakadewa Makawa Vakavoutaki 2021)

¹⁸ Ia sa vakaoqo na sucu i Jisu Karisito. Sa musu eliu ko Meri na tinana vei Josefa, ia ni rau sa sega mada ni veiyacovi, sa votu na nona bukete mai vua na Yalo Tabu.

AI VOLA TABU

¹⁸ Ia sa vakaoqo na sucu i Jisu Karisito: Ni sa musu eliu ko Meri na tinana vei Josefa, ia ni rau sa sega mada ni veikilai, sa votu na nona bukete mai vua na Yalo Tabu.

Vakavakadewa Makawa

¹⁸ Ia sa vakaoqo na sucu i Jisu Karisito: Sa musu eliu ko Meri na tinana vei Josefa, ia ni rau sa sega mada ni veiyacovi, sa votu na nona bukete mai vua na Yalo Tabu.

Ai Vola Tabu Ena Vakavakadewa Vou

¹⁸ Sa vakaoqo na sucu i Jisu Karisito. A sa musuki o Meri na tinana vei Josefa, ia ni se bera ni rau vakawati, a sa votu na nona bukete mai vua na Yalo Tabu.

Maciu 1:18 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

Jope 14:4

E sega sara na ka savasava e rawa ni taka mai na dua na Ka dukadukali vaka na tamata.

Jope 15:14

E rawa beka ni dua na tamata sa savasava sara ga vakaoti? E rawa beka ni dua sa dodonu sara vua na Kalou?

Maciu 1:1

Na i vola ni kawa i Jisu Karisito, na luve i Tevita, na luve i Epara-ama.

Maciu 12:46

Ni sa vosa tikoga o Jisu vei ira na lewe vuqa, sa tu e tautuba na tinana kei iratou na tacina, ka ratou via vosa tiko vua.

Maciu 2:11

Ia ni ratou sa curu ki vale, e ratou sa raica na gone kei Maria na tinana. E ratou sa tekiduru ka vakarokoroko vua. E ratou sa qai dolava na nodratou taga ka cabora vua na nodratou i loloma; na koula, na ferekiniseni, kei na mura.

Luke 1:25

“Sa i koya oqo na cakacaka ni Turaga vei au, ni sa raici au o koya ena mataloloma, me kauta laivi kina na levu ni noqu madua ena kedra maliwa na tamata!”

Luke 2:5

E rau la'ki volai vata kei Maria, o koya ka sa musuki tu vua me watina, ka sa bukete tiko.

Vakarua 22:23

Kevaka e dua na tagane ena dua na koro, e kune ni veiyacovi kei na dua na goneyalewa sa musuki oti tu me watina e dua na tagane.

Iperiu 10:5

O koya oqo, ni sa vakarau lako mai ki vuravura o Karisito, a sa kaya kina vua na Kalou: “Ai soro kei na i madrali o ni sa sega ni vinakata, Ia o ni sa vakarautaka ga vei au e dua na yago.

Iperiu 7:26

Sa i Jisu ga na Bete Levu sa sotava na veika eda sa gadreva. Sa yalosavasava o koya, sa sega ni beitaki ena dua na ka se tiko vua na i valavala ca; sa tawasei tani mai vei ira na i valavala ca o koya ka sa vakacerecerei me uasiviti lomalagi.