Maciu 1:1 - Vakavakadewa Vou kei na iVola tale eso

¹ Na i vola ni kawa i Jisu Karisito, na luve i Tevita, na luve i Epara-ama.

Ai Vola Tabu (Vakadewa Makawa Vakavoutaki 2021)

¹ Ai vola ni tubutubu i Jisu Karisito, na luve i Tevita, na luve i Eparaama.

AI VOLA TABU

¹ AI vola ni tubutubu i Jisu Karisito, na luve i Tavita, na luve i Eparaama.

Vakavakadewa Makawa

¹ Ai vola ni tubutubu i Jisu Karisito, na luve i Tevita, na luve i Eparaama.

Ai Vola Tabu Ena Vakavakadewa Vou

¹ Na i vola ni kawa i Jisu Karisito, na luve i Tevita, na luve i Epara-ama.

Maciu 1:1 Iomraidhean Croise

Vakatekivu 12:3

Au na vakalougatataki ira era sa vakalougatataki iko, ka'u na cudruvi ira era sa cudruvi iko; Na veimatanitu kece sara e vuravura era na vakalougatataki ena vukumu.”

Vakatekivu 2:4

O ya na i tukutuku ni kena a buli na vuravura kei na ka kecega era tu ena maliwa lala. Ena gauna e a bulia kina na vuravura kei na veika kecega sa tu ena maliwa lala na Kalou o Jiova,

Vakatekivu 22:18

Era na kalougata talega na veimataqali kece e vuravura ena vukudra, ena vuku ni nomu talairawarawa ki na noqu vosa.”

Vakatekivu 5:1

Oqo na i vola ni kawa i Atama. (Ena gauna sa bulia kina na tamata na Kalou, a sa bulia me veiucui kei na Kalou.

NA SAME 132:11

O ni a bubului vei Tevita, Ia, o ni na sega ga ni vakasuka lesu tale: “Au na digitaka e dua vei ira na luvemu me tui, Ena tui me na sosomitaki iko.

NA SAME 89:3

O ni a kaya, “Au sa veiyalayalati kei na tamata au sa digitaka; Au a yalataka ga vua na noqu tamata o Tevita.

NA SAME 89:36

Ena sega sara ni kawaboko na nona kawa Ka na vaka na matanisiga na nona i dabedabe vakatui e mataqu.

Aisea 11:1

Na kawa vakatui nei Tevita sa vaka e dua na kau sa musuki; ia me vaka ni dau cadra cake tale mai eso na tabana vovou mai na i musumusu ni kau se mai na wakana, sa vakaoqo na nona vakarau cadra cake talega mai vakakina e dua na tui vou mai na kawa i Tevita.

Aisea 53:8

A sa vesu o koya ka lewai me mate Ia a sega ni bau dua e kauwaitaki koya. A vakamatei o koya ena vuku ni nodra i valavala ca na noqu tamata.

Jeremaia 23:5

A sa kaya o Jiova, “Ena yaco dina mai na gauna, Au na qai digitaka kina e dua na kawa dina i Tevita me tui. Ena daumaka na nona veiliutaki ka na vinaka ka dodonu ena vanua taucoko.

Jeremaia 33:26

au sa na qai biuti ira na kawa i Tevita na noqu dauveiqaravi, ka'u na sega ni digitaka e dua na kawa i Tevita me liutaki ira na kawa i Epara-ama, Aisake kei Jekope. Au na vakalesuya tale mai na nodra kalougata na noqu tamata, ka lomani ira ena yalo loloma.”

Emosi 9:11

A sa kaya o Jiova, “Ena yaco mai na siga ka'u na vakaduria vou tale kina na matanitu i Tevita, ka sa vaka e dua na vale sa vakacacani sara vakaca. Au na vakavinakataka tale na kena lalaga kabasu, ka'u na vakaduria na tikina sa rusa. Au na vakavouia tale me vaka ga na kena i tuvaki e liu.

Sakaraia 12:8

Ena gauna o ya, ena taqomaki ira na lewe i Jerusalemi o Jiova, ka ra na vakaukauwataki na nodra tamata malumalumu duadua me vaka na kaukauwa i Tevita. Era na qai liutaki ira na tamata o ira na kawa i Tevita me vaka na agilosi i Jiova, me vakataka ga na Kalou.

Maciu 1:18

Sa vakaoqo na sucu i Jisu Karisito. A sa musuki o Maria na tinana vei Iosefo, ia ni se bera ni rau vakawati, a sa votu na nona bukete mai vua na Yalo Tabu.

Maciu 1:2

E tama i Aisake o Epara-ama, ka tama i Jekope o Aisake, ka tama i Juta kei iratou na tuakana kei iratou na tacina o Jekope,

Maciu 15:22

E dua na yalewa ni Kenani ka cavutu mai na yasayasa o ya e mai tagi vua ka kaya, “Ni yalololoma mai na Turaga, na Luve i Tevita. E curumi tevoro vakaukauwa sara tikoga na luvequ yalewa.”

Maciu 3:16

Ia ni sa papitaisotaki oti o Jisu sa cabe sara mai wai, ka raica, sa qai tadola mai na lomalagi, ka sa raica sara o koya na Yalo ni Kalou ni sa lako sobu mai me vaka na ruve ka mai ro toka vua.

Maciu 9:27

Ni sa lako tani mai kea o Jisu, e rau sa muri koya yani e lewe rua na tamata mataboko, ka rau kaci voli, ka kaya, “Na Luve i Tevita, ni yalololoma mai vei keirau.”

Luke 1:33

ka na tui tiko o koya ena mataqali i Jekope ka sega ni mudu; ena sega talega ni mudu na nona matanitu!”

Joni 7:42

E a sega li ni kaya na i Vola Tabu ni na tubu mai na kawa i Tevita na Mesaia, ka ni na sucu mai Peceliema, na koro ka a tiko kina o Tevita?”

Cakacaka 2:30

A sa dua talega na parofita o koya, ka sa kila na veika sa bubului oti kina vua na Kalou: ni sa yalataka vua na Kalou ni na vakayacora e dua e kawa mai vei Tevita me tui, me vakataki Tevita ga.

Roma 1:3

Sa tukuni tiko kina na ka e baleta na Luvena, na noda Turaga o Jisu Karisito, o koya ka a mai sucu vakatamata ena kawa i Tevita.

Roma 4:13

Ena gauna sa yalataka kina na Kalou vei Epara-ama kei ira na nona kawa ni ra na taukena na vuravura, sa sega ni cakava vei Epara-ama na vosa ni yalayala o ya ena vuku ni nona muria na Lawa i Mosese, ia ena vuku ga ni nona vakabauta; na vakabauta ka sa vakadonui koya kina na Kalou ka okati koya kina me i valavala dodonu.

Roma 9:5

Sa i ira na nodra kawa na Pateriaki (o ya o ira na nodra qase na Isireli). Ena tikina vakayago sa mai sucu tale ena nodra kawa tamata na Karisito. Ia me vakacaucautaki tikoga na Kalou, o koya sa lewa na ka kecega ka sega ni mudu! Emeni.

Kalatia 3:16

Ia oqo, a sa tukuna na Kalou na nona vosa ni yalayala eso vei Epara-ama ka vakakina vua na nona kawa. A sega ni kainaki ena i Vola Tabu, “Vei ira na nomu kawa”, me vakatakila ni ra sa lewe levu. Ia sa kainaki ga “vua na nomu kawa,” ka kena i balebale ni le duabau ga na tamata, ka sai koya na Karisito.

1 Timoci 2:5

Sa duabau ga na Kalou, ka sa duabau ga na dauveisorovaki ena maliwa ni Kalou kei na tamata, na tamata o Karisito Jisu.

2 Timoci 2:8

Mo nanumi Jisu Karisito, o koya sa vakaturi cake mai na mate, a sa vu mai na kawa i Tevita o koya, me vaka sa tukuni ena i Tukutuku Vinaka au sa vunautaka.

Vakatakila 22:16

“Oi au, o Jisu, au sa tala yani vei iko na noqu agilosi me vakatakila na veika oqo ki na veisoqosoqo lotu. Oi au na kawa ni vuvale i Tevita; sai au na kalokalo serau ni mataka lailai.”