Luke 9:47 - Vakavakadewa Vou kei na iVola tale eso

⁴⁷ Ia ni sa kila o Jisu na nanuma ni lomadratou, a sa tubera e dua na gone lailai ka vakatikori koya e yasana,

Ai Vola Tabu (Vakadewa Makawa Vakavoutaki 2021)

⁴⁷ Ia ni sa raica ko Jisu na nanuma ni yalodra, sa kauta e dua na gone lailai, ka vakatura e tikina,

AI VOLA TABU

⁴⁷ Ia ni sa raica ko Jisu na nanuma ni yalodratou, sa kauta e dua na gone lailai, ka vakatura voleka vua,

Vakavakadewa Makawa

⁴⁷ Ia ni sa raica ko Jisu na nanuma ni yalodra, sa kauta e dua na gone lailai, ka vakatura e tikina,

Ai Vola Tabu Ena Vakavakadewa Vou

⁴⁷ Ia ni sa kila ko Jisu na nanuma ni lomadratou, a sa tubera e dua na gone lailai ka vakatikori koya e yasana,

Luke 9:47 Iomraidhean Croise

NA SAME 139:2

O ni sa kila na veika kecega au cakava, O ni sa kila sara mai vakayawa na noqu vakanananu kecega.

NA SAME 139:23

Ni dikevi au na Kalou, ka kila na noqu vakasama; Ni vakatovolei au, ka kunea na nanuma ni lomaqu.

Jeremaia 17:10

Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Maciu 12:15

Ni sa kila o Jisu, sa lako tani sara mai kea, ka ra muri koya na lewe vuqa, ka sa vakabulai ira kecega.

Maciu 9:4

Ia ni sa kila na nodra vakasama o Jisu, sa qai kaya, “Na cava li dou sa vakasamataka kina na veika ca ena lomamudou?

Luke 5:22

Ia ni sa kila o Jisu na nodra vakanananu, sa qai sauma, ka kaya vei ira, “Na cava o ni vaqaqa tiko kina e lomamuni na ka oqo?

Joni 16:30

Keitou sa qai kila oqo ni o ni sa kila na veika kecega, ka ni sa sega tale ni yaga me dua e vakatarogi kemuni. Na ka oqo keitou sa vakabauta kina ni o ni a lako mai vua na Kalou.”

Joni 2:25

A sa sega ni yaga vua me dua e tukuna vua na ka e baleta na tamata, ka ni sa kila o koya na ka e tu e loma ni tamata.

Joni 21:17

A sa taroga tale, “I Saimoni na luve i Jona, o sa lomani au se segai?” Sa rarawa na loma i Pita ni sa kena i katolu na nona taroga vua, “O sa lomani au, se segai?” A mani kaya vua, “Kemuni na Turaga, o ni sa kila na ka kecega, o ni sa kila ni'u sa lomani kemuni!” A qai kaya vua o Jisu, “Vakani ira na noqu sipi.

1 Korinica 14:20

Kemuni na veiwekani, ni kakua ni vaka tiko na gone ena nomuni vakasama; mo ni gone lalai ga ena vuku ni i tovo ca, ia mo ni tamata bula ena nomuni vakasama.

Iperiu 4:13

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

Vakatakila 2:23

Au na vakamatei ira talega era sa daumuri koya voli, ka ra na qai kila kina na veisoqosoqo lotu ni sai au ga ka sa dau dikeva na vakanananu kei na gagadre kecega ni tamata; ia au na sauma ga vei kemuni yadudua me veiganiti kaya ga kei na veika o ni sa cakava.