Luke 9:26 - Vakavakadewa Vou kei na iVola tale eso

²⁶ Ni o koya yadua ena maduataki au kei na noqu vosa, ena maduataki koya na Luve ni Tamata ni sa lako mai ena nona lagilagi, kei na lagilagi nei Tamana kei ira na agilosi tabu.

Ai Vola Tabu (Vakadewa Makawa Vakavoutaki 2021)

²⁶ Ia ko koya yadua ena maduataki au kei na noqu vosa, ena maduataki koya na Luve ni Tamata, ni na lako mai e na nona i ukuuku, kei nai ukuuku nei Tamana, kei na nodra i ukuuku na agilosi yalosavasava.

AI VOLA TABU

²⁶ Ia ko koya yadua ena maduataki au kei na noqu vosa, ena maduataki koya na Luve ni tamata, ni na lako mai e na nonai ukuuku, kei na nei Tamana, kei na nodra na agilose yalosavasava.

Vakavakadewa Makawa

²⁶ Ia ko koya yadua ena maduataki au kei na noqu vosa, ena maduataki koya na Luve ni tamata, ni na lako mai e na nonai ukuuku, kei nai ukuuku nei Tamana, kei na nodrai ukuuku na agilose yalosavasava.

Ai Vola Tabu Ena Vakavakadewa Vou

²⁶ Ni o koya yadua ena maduataki au kei na noqu vosa, ena maduataki koya na Luve ni Tamata ni sa lako mai ena nona lagilagi, kei na lagilagi nei Tamana kei ira na agilosi tabu.

Luke 9:26 Iomraidhean Croise

Aisea 53:3

Era sa beca ka cati koya na tamata Ka sa vosota na veika rarawa kei na mosi. E sega mada ni dua e bau via raici koya; Ka da beca ka sega ni dokai koya.

Taniela 7:10

ka veisebayaki tiko mai kina na yameyame ni buka. Era lewe udolu vakaudolu na tamata era tiko e kea me ra qaravi koya, ka ra milioni vakamilioni era sa tu e matana. A qai tekivutaki na veilewai, ka ra sa cegai tu na kena i vola.

Maciu 16:27

Ena lako mai na Luve ni Tamata ena i serau nei Tamana, kei ira na nona agilosi, ka na qai saumi ira yadua na tamata o koya me vaka na nodra dui i valavala.

Maciu 25:31

“Ni sa na lako mai na Luve ni Tamata ena nona lagilagi, vata kei ira na agilosi, ena qai tiko o koya ena nona i tikotiko lagilagi,

Maciu 26:64

Sa qai kaya vua o Jisu, “Oqori na ka o sa kaya mai. Ia au sa kaya vei kemudou kecega oqo: me tekivu mai na gauna oqo ka lako yani, dou na raica na Luve ni Tamata ni sa dabe tiko ena liga i matau i Koya sa Kaukauwa, ka sa lako tiko mai ena dela ni veio ni lomalagi.”

Marika 8:38

Kevaka e dua na tamata sa madualaki au vata kei na noqu vosa ena i tabatamata dauveibutakoci ka i valavala ca oqo, ena madualaki koya talega na Luve ni Tamata ni sa lako mai ena i serau nei Tamana vata kei ira na agilosi yalosavasava.”

Joni 12:43

Era sa vinakata vakalevu cake ga na veivakadonui ni tamata mai na nona veivakadonui na Kalou.

Joni 5:44

O ni sa dau vinakata ga mo ni veivakacerecerei vakataki kemuni, ka sega ni tovolea mo ni vakacerecerei mai vua na Kalou e duabau ga. Mo ni na qai vakabauti au li vakacava?

Cakacaka 10:22

E ratou sa qai kaya, “E talai keitou tiko mai na turaganivalu o Konilio. E tamata dodonu ka dau rerevaka na Kalou o koya ka vinaka na kena i rogorogo vei ira na Jiu kecega. E a tukuna vua e dua na agilosi yalo savasava mo ni mai lakovi mo ni lako yani ki na nona vale me rogoca kina na ka o ni na kaya.”

Roma 1:16

Ni'u sa sega ni maduataka na i Tukutuku Vinaka; ni sai koya oqo na kaukauwa ni Kalou me vakabulai kina o ira kecega sa vakabauta; sa liu vei ira na Jiu, vei ira talega na kai matanitu tani.

2 Korinica 12:10

Oqo na vuna au sa marautaka kina na malumalumu, na veivakasewasewani, na veika dredre, na veivakararawataki kei na veika dredre ena vuku i Karisito; ka ni gauna au malumalumu kina au sa na qai kaukauwa.

Kalatia 6:14

Ia oi au, me kakua sara na ka tani me'u boletaka, na kauveilatai duadua ga ni noda Turaga o Jisu Karisito; ni sa mate kina vei au na veika vakavuravura ena vuku ni kauveilatai, ka'u sa mate vakakina oi au ki na veika vakavuravura.

1 Timoci 5:21

Au sa vakaroti iko oqo ena mata ni Kalou kei Jisu Karisito kei ira na agilosi digitaki mo muria na veivakaro oqo, me dodonu na nomu lewa ka kakua ni veitotaki.

2 Timoci 1:12

Sa i koya oqo na vuna ka'u sa sotava kina na veika dredre oqo. Ia ka'u sa sega ni madua baleta ni'u sa kilai koya au sa vakabauta, ka'u vakadinata ni sa rawa vua me maroroya vinaka tiko na veika sa solia vei au me yacova na Siga o ya.

2 Timoci 2:12

Kevaka eda sa vosota tikoga, Eda na lewa vata talega kei koya. Kevaka eda sa cakitaki koya, Ena cakitaki keda talega o koya.

Iperiu 11:26

A sa okata o koya ni sai yau levu cake na veivakalialiai sa sota kaya ena vuku i Karisito ka lailai na i yau kei Ijipita; ni sa rai matua tikoga o koya ki na i covi sa wawa tu mai liu.

Iperiu 13:13

O koya oqo, me da qai ia ka lako yani vua ki na taudaku ni i tikotiko ka wasea vata kaya na veika rarawa sa vosota oti.

Ai Vola I Juta 1:14

Ia o Inoki, o koya ka i kavitu ni tabatamata ena kawa i Atama, a sa tukuna oti talega na vosa ni parofisai me baleti ira oqo, ni sa kaya, “Raica, ena lako mai na Turaga kei na udolu vakaudolu na nona agilosi yalosavasava

Vakatakila 1:7

Raica, sa lako mai o koya ena dela ni veio! Era na raici koya na mata kecega, o ira talega era a suaki koya. Era na tagicaki koya na veimatatamata kece sara e vuravura. Sa na yaco ga me vakaoqo! Emeni!

Vakatakila 20:11

Au a qai raica e dua na i dabedabe vulavula levu vakatui kei koya sa dabe tiko kina. E rau sa dro tani mai vua o lomalagi kei vuravura ka rau sa yali vakadua sara yani.

Vakatakila 21:8

Ia o ira sa dadatuvu, na tawa vakabauta, o ira sa vakasisila na nodra i vakarau, o ira sa daulaba, na dautagane kei na dauyalewa, na dauvakatevoro, na dauqaravi kalou tani kei ira kece sa daulasulasu — sa nodra i votavota ga na drano buka kei na sulifure. Sa i koya oqo na i karua ni mate.”

Vakatakila 3:5

O ira vakayadua sa rawata na qaqa era na vakaisulu vulavula vakakina vakaoqo, ka'u na sega ni bokoca laivi na yacadra mai na i vola ni bula. Au na vakatusa na yacadra ena mata i Tamaqu kei na matadra na nona agilosi ni ra sa noqu.