Luke 9:22 - Vakavakadewa Vou kei na iVola tale eso

²² ka kaya, “Sa kena dodonu ga me na sota kaya mada na veika rarawa e vuqa na Luve ni Tamata, ka me ra na sega ni via vakabauti koya o ira na qase, kei ira na bete levu, kei ira na daunilawa ka me na vakamatei, ka qai vakaturi cake tale ena i katolu ni siga.”

Ai Vola Tabu (Vakadewa Makawa Vakavoutaki 2021)

²² ka sa kaya, “Sa kilikili kaya na Luve ni Tamata me vosota na ka e vuqa, me ra biuti koya talega ko ira na qase, kei ira na bete levu, kei ira na vunivola, ka me vakamatei ko koya, ka vakaturi cake tale mai e nai katolu ni siga.”

AI VOLA TABU

²² a sa kaya, ni sa kilikili kaya na Luve ni tamata me vosota na ka e vuqa, me ra biuti koya talega ko ira na qase, kei ira na bete levu, kei ira na vu-ni-vola, ka me vakamatei ko koya, ka vakaturi cake tale mai e nai katolu ni siga.

Vakavakadewa Makawa

²² ka sa kaya, sa kilikili kaya na Luve ni tamata me vosota na ka e vuqa, me ra biuti koya talega ko ira na qase, kei ira na bete levu, kei ira na vunivola, ka me vakamatei ko koya, ka vakaturi cake tale mai e nai katolu ni siga.

Ai Vola Tabu Ena Vakavakadewa Vou

²² ka kaya, “Sa kena dodonu ga me na sota kaya mada na veika rarawa e vuqa na Luve ni Tamata, ka me ra na sega ni via vakabauti koya o ira na qase, kei ira na bete levu, kei ira na daunilawa ka me na vakamatei, ka qai vakaturi cake tale ena i katolu ni siga.”

Luke 9:22 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

Taniela 9:26

Ni oti na onosagavulu karua na macawa sa na muduki o koya na lumuti digitaki ni Kalou. Sa na qai yaco mai na kena i vakataotioti me vaka na coka ni dobui, ia na kena i vakataotioti na i valu. Na lewa me ia na veivakarusai.

Sakaraia 13:7

A sa qai kaya o Jiova ni lewevuqa, “Mo yadra, o iko na i seleiwau, ka mokuta na i vakatawanisipi! Vakamatei koya sara, ka me ra dui talabusese na sipi. Au na valuti ira na noqu tamata,

Maciu 17:12

Ia au sa kaya vei kemudou ni sa lako oti mai o Ilaijia, ka ra sega ni kilai koya rawa na tamata, ia era sa cakava vua na ka ga era vinakata. Ena sala vata o ya, era na vakasosataka vakakina na Luve ni Tamata.”

Maciu 17:22

Ni ratou sa lako vata mai na tisaipeli e Kalili, sa qai kaya o Jisu vei iratou, “Ena soli yani na Luve ni Tamata ki na ligadra na tamata,

Maciu 27:63

ka ra kaya, “Turaga, keimami sa nanuma tiko ni a kaya na dauveivakacalai o ya ni a sa bula voli, ‘Ni oti ga e tolu na siga, au na tucake tale!’

Marika 8:31

Sa qai vakatekivu me vakatavulici iratou na nona tisaipeli o Jisu, ni sa kena dodonu ga me sota kaya na Luve ni Tamata na ka rarawa e vuqa, ka me ra cati koya na qase kei ira na bete levu kei ira na daunilawa, ka na vakamatei, ka na qai tucake tale ni sa oti e tolu na siga.

Marika 9:31

ka ni a vakatavulici iratou tiko na nona tisaipeli, ka kaya, “Ena soli yani na Luve ni Tamata ki na ligadra na tamata, ka ra na vakamatea; ia ni sa mate, ena qai tucake tale ni sa oti e tolu na siga.”

Luke 17:25

Ia ena vosota mada e liu o koya na veika rarawa e vuqa, ka ra na besetaki koya na i tabatamata oqo.

Luke 24:26

E sega li ni sa dodonu ga me sota kaya mada na veika rarawa oqo na Mesaia, ka me qai curu ki na nona i serau?”

Luke 24:44

Sa qai kaya vei iratou o koya, “Oqo ga na veika ka'u a dau kaya ni'u a se tiko vata voli kei kemudou: sa qai yaco vakaidina na veika kecega sa volai tu me baleti au ena Lawa i Mosese, kei na nodra i vola na parofita, kei na Same.”

Luke 24:7

ni sa kaya, ‘Ena soli yani na Luve ni Tamata ki na ligadra na tamata ca, ka na lauvako ena kauveilatai, ka tucake tale ena i katolu ni siga.’

Luke 9:44

“Dou nanuma vakavinaka sara tiko na vosa oqo; ena soli yani na Luve ni Tamata ki na ligadra na tamata.”

1 Korinica 15:4

ni sa bulu talega, ka sa vakaturi cake tale ki na bula ena i katolu ni siga, me vaka sa volai ena i Vola Tabu;

1 Pita 1:11

Era a vakataroga tiko se na yaco ena gauna cava ka yaco vakaevei me vaka sa dusia tiko na Yalo i Karisito sa tiko e lomadra, ni na sota kaya mada eliu na veika rarawa na Karisito ka qai muria mai na veika lagilagi ka dokai.