Luke 8:10 - Vakavakadewa Vou kei na iVola tale eso

¹⁰ Sa qai kaya o koya, “Sa soli ga vei kemuni mo ni kila na veika vuni ni matanitu ni Kalou; ia vei ira na tani sa tukuni ga vei ira na vosa vakatautauvata, me ra raica tu ka sega ni kunea, ka ra rogoca tu ka sega ni kila.

Ai Vola Tabu (Vakadewa Makawa Vakavoutaki 2021)

¹⁰ A sa kaya ko koya, “Sa soli vei kemudou mo dou kila na veika vuni ni matanitu ni Kalou; ia sa nodra ga na tani na vosa vakatautauvata; ‘me ra raica ka sega ni raica, ka rogoca ka sega ni kila.’

AI VOLA TABU

¹⁰ A sa kaya ko koya, Sa; soli vei kemudou me kila na veika vuni ni matanitu ni Kalou; ia sa nodra na tani na vosa vakatautauvata ga; me ra raica ka sega ni raica, ka rogoca ka sega ni kila.

Vakavakadewa Makawa

¹⁰ A sa kaya ko koya, Sa soli vei kemudou mo dou kila na veika vuni ni matanitu ni Kalou; ia sa nodra na tani na vosa vakatautauvata ga; me ra raica ka sega ni raica; ka rogoca ka sega ni kila.

Ai Vola Tabu Ena Vakavakadewa Vou

¹⁰ Sa qai kaya o koya, “Sa soli ga vei kemuni mo ni kila na veika vuni ni matanitu ni Kalou; ia vei ira na tani sa tukuni ga vei ira na vosa vakatautauvata, me ra raica tu ka sega ni kunea, ka ra rogoca tu ka sega ni kila.

Luke 8:10 Iomraidhean Croise

NA SAME 25:14

O Jiova sa nodra i tokani era talairawarawa vua, Ka sa vakatavulici vei ira na nona veiyalayalati.

Aisea 29:14

Raica au na cakava tale eso na ka veivakurabuitaki, Vei ira na tamata oqo, Na veika e veivakidacalataki ka veivakidroataki;

Aisea 44:18

Era sa rui lialia sara na tamata vaka o ya; era sa sega ni kila na ka era cakava tiko. Era sa tabonaka na matadra ka sogota nodra vakasama ki na dina.

Aisea 6:9

Sa qai tukuna vei au me'u lako ka la'ki tukuna vei ira na tamata na i tukutuku oqo, “Veitalia ga na levu ni nomuni vakarorogo, o ni na sega ga ni kila rawa. Veitalia ga na levu ni nomuni raica, o ni na sega ni kila na ka sa yaco tiko.”

Jeremaia 5:21

Mo rogoca oqo, oi kemuni na i yavu tamata tawa yaga ka sesewa, e tu na matamuni ia o ni sega ni rai, e tu na daligamuni, ia e sega ni rogo.

Isikeli 12:2

“Luve ni tamata, o sa tiko ena kedra maliwa na tamata talaidredre. E tiko na matadra, ia era sa sega ga ni rai; e tiko na daligadra, ia era sa sega ga ni rogo; ni ra sa kawatamata dautalaidredre.

Maciu 11:25

Ena gauna o ya sa qai vosa o Jisu ka kaya, “Au sa vakavinavinaka vei kemuni, Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai:

Maciu 16:17

Sa qai sauma o Jisu, ka kaya vua, “O sa kalougata, Saimoni na luve i Jona, ni sa sega ni vakatakila vei iko na lewe kei na dra na ka oqo, ia, o Tamaqu ga mai lomalagi.

Marika 4:11

Sa qai kaya o koya vei ira, “Sa soli vei kemuni mo ni kila na ka vuni ni matanitu ni Kalou; ia, vei ira ga e taudaku, sa tukuni na ka kecega ena vosa vakatautauvata,

Marika 4:12

me rawa kina, ‘Ni ra vakararai voli ka sega ni kunea, Era rogoca tiko ka lecava ga na kena i balebale. Ni kevaka era sa kitaka vakakina, era na saumaki mai vua na Kalou, Ka na vosoti ira o koya.’ ”

Joni 12:40

“Sa vakamatabokotaka na matadra na Kalou Ka sa sogota na nodra vakasama, Me kakua kina ni rai na matadra, Ka sega ni kila rawa na lomadra, Ka ra na sega ni saumaki mai vei au, sa kaya na Kalou, Me'u vakabulai ira oi au.”

Roma 16:25

Me da ia na vakalagilagia na Kalou! Sa rawa vua me vakadeitaki kemuni ena nomuni vakabauta, ena vuku ni Tukutuku Vinaka ka'u sa vunautaka me baleti Jisu Karisito, kei na vuku ni kena sa qai vakatakilai mai na ka vuni ka dina sa tabonaki tu ena dua na gauna balavu sara.

1 Korinica 12:11

Ia na Yalo Tabu e duabau ga sa vakavuna na veika kece oqo; sa solia o koya na veisolisoli duidui eso ki na tamata yadua, me vaka na lomana.

Vakarua 29:4

Ia me yacova mai edaidai o ni sa bera ga ni vuli rawa mai na veika o ni a sota kaya.

Kolosa 2:2

Au sa kitaka oqo me'u vakayaloqaqataki ira kina ka me ra duavata ena loloma, ka me ra vutuniyau ena veivakataudeitaki sa vu mai na vuku dina, ka me ra kila na ka vuni ni Kalou, io na kilai Karisito.

1 Timoci 3:16

Sa sega ni qai vakatitiqataka rawa e dua na kena cecere na i tukutuku vuni ni noda lotu: Sa rairai vakatamata na Kalou, Sa kena i vakadinadina na Yalo Tabu, Ka ra sa raici koya na agilosi. Sa vunautaki o koya vei ira na veimatanitu, Ka sa vakabauti e vuravura taucoko, Sa kau cake ena lagilagi ki lomalagi.