Luke 7:44 - Vakavakadewa Vou kei na iVola tale eso

⁴⁴ Sa qai vuki vua na yalewa, ka mani kaya vei Saimoni, “O sa raica na yalewa oqo ne? Au a curu mai ki na nomu vale, ka sega na wai o solia me vui kina na yavaqu, ia sa vakasuasuataka na yavaqu o koya ena wai ni matana ka quwaraka ena drauniuluna.

Ai Vola Tabu (Vakadewa Makawa Vakavoutaki 2021)

⁴⁴ A sa vuki vaka vua na yalewa ko koya, ka kaya vei Saimoni, “Ko sa raica na yalewa oqo, ne? Au sa curu ki na nomu vale; ka sa sega na wai ko solia me vui kina na yavaqu, ia sa vuya na yavaqu ko koya e na wai ni matana, ka sa quaraka e na drau ni uluna.

AI VOLA TABU

⁴⁴ A sa vuki vaka vua na yalewa ko koya, ka kaya vei Saimoni, O sa raica na yalewa o qo, ne? Au sa curu ki na nomu vale, sa sega na wai ko sa solia ki na yavaqu: ia ka sa vuya na yavaqu ko koya e na wai ni matana, a sa quaraka e na drau ni uluna:

Vakavakadewa Makawa

⁴⁴ A sa vuki vaka vua na yalewa ko koya, ka kaya vei Saimoni, Ko sa raica na yalewa oqo, ne? Au sa curu ki na nomu vale, ka sega na wai ko solia me vui kina na yavaqu: ia sa vuya na yavaqu ko koya e na wai ni matana, a sa quaraka e na drau ni uluna.

Ai Vola Tabu Ena Vakavakadewa Vou

⁴⁴ Sa qai vuki vua na yalewa, ka mani kaya vei Saimoni, “O sa raica na yalewa oqo ne? Au a curu mai ki na nomu vale, ka sega na wai o solia me vui kina na yavaqu, ia sa vakasuasuataka na yavaqu o koya ena wai ni matana ka quwaraka ena drau-ni-uluna.

Luke 7:44 Iomraidhean Croise

Vakatekivu 18:4

Me'u kauta mada mai na wai me savui kina na yavamudou; ka mo dou vakacegu vakalailai ena ruku ni vunikau.

Vakatekivu 19:2

ka kaya vei rau, “Kemudrau na noqu turaga, au kerei kemudrau, mo drau mai vakacegu ena noqu vale ena bogi edaidai ka vuya na yavamudrau ka mo drau qai gole yani ki na nomudrau i lakolako ena mataka lailai.” E rau a kaya, “Sega, keirau na qai moce ga e gaunisala.”

Vakatekivu 43:24

Sa qai kauti iratou o koya na dauveiqaravi ki na vale i Iosefo ka solia vei iratou na wai me ratou vuya kina na yavadratou; ka vakania talega na nodratou asa.

2 Samuela 11:8

A sa kaya vei Uraia o Tevita, “Mo lako ki na nomu vale ka vakacegu vakalailai.” A sa lako tani o Uraia, ka sa vakauta ki na nona vale o Tevita e dua na ka ni loloma.

Luke 7:38

ka la'ki tucake tu e dakuna vaka ki yavana, ka sa tagi tiko. Sa qai tekivu me vakasuasuataka na yava i Jisu ena wai ni matana, ka quwa ena drauniuluna; sa qai reguregulaka na yavana, ka lumuta ena waiwai.

Luke 7:43

Sa qai sauma o Saimoni, “Au nanuma ni sai koya ga e levu cake na ka e bokoci vua.” Sa qai kaya vua o koya, “O sa vakataulewa vakadodonu.”

Joni 13:5

Sa qai livia na wai ki na dua na beseni, ka vakatekivu me vuya na yavadratou na nona tisaipeli, ka qusia ena i tawelu sa vesu toka e tolona.

1 Timoci 5:10

ni sa dodonu me vakairogorogo o koya ena vuku ni nona cakacaka vinaka, me vaka e dua sa daususugi ira vinaka na luvena, ka sa dau dolava na nona vale vei ira na vulagi, ka dau savata na yavadra na tamata ni Kalou, ka dauvukei ira na leqa, ka dausoli koya ki na veicakacaka vinaka kecega.

Jemesa 2:6

Ia o ni sa beci ira ga na tamata dravudravua oi kemuni! E sega li ni o ira na vutuniyau oqo era sa dau vakasaurarataki kemuni ka kauti kemuni vakaukauwa ki na mataveilewai?

Dauveilewai 19:21

A qai kauti iratou ki vale na vulagi ka vakania na nodratou asa. E ratou a vakasavasavataki iratou na nona vulagi ka kana.

1 Samuela 25:41

A cavutu o koya ka vakacuva na matana ki na qele, ka kaya, “Raica, na nomu vada e dauveiqaravi ga me vuya na yavadra na nona tamata na noqu turaga.