Luke 7:25 - Vakavakadewa Vou kei na iVola tale eso

²⁵ Ia na cava beka ga o ni a la'ki raica? Na tamata vakaisulu ena i sulu malumu? Raica, o ira era dau vakaisulu ena i sulu sau levu ka ra tiko vinaka ena veika ni bula oqo era dau tiko ga ena veivale vakatui.

Ai Vola Tabu (Vakadewa Makawa Vakavoutaki 2021)

²⁵ Ia ka cava dou a lakova mo dou raica? A tamata sa vakaisulu li e nai sulu malumalumu? Raica, ko ira sa vakaisulu vakaiukuuku, ka daukana vinaka, era sa tiko e na veivale vakaturaga.

AI VOLA TABU

²⁵ ia na cava dou a lakova mo dou raica? a tamata sa vakaisulu e nai sulu malumalumu, ne? raica, o ira sa vakaisulu vakaiukuuku, ka daukana tiko, era sa tiko e na veivale vakaturaga.

Vakavakadewa Makawa

²⁵ ia ka cava dou a lakova mo dou raica? a tamata sa vakaisulu li e nai sulu malumalumu? raica, ko ira sa vakaisulu vakaiukuuku, ka daukana vinaka, era sa tiko e na veivale vakaturaga.

Ai Vola Tabu Ena Vakavakadewa Vou

²⁵ Ia na cava beka ga o ni a la'ki raica? Na tamata vakaisulu ena i sulu malumu? Raica, o ira era dau vakaisulu ena i sulu sau levu ka ra tiko vinaka ena veika ni bula oqo era dau tiko ga ena veivale vakatui.

Luke 7:25 Iomraidhean Croise

2 Samuela 19:35

Au sa yabaki walusagavulu ena siga oqo, ka na rawa li vei au me'u kila na ka e vinaka mai na ka e ca? Sa na kila rawa li na nomuni tamata na i kanakana ni ka au kania, se na ka au sa gunuva? Au na rogoca rawa li na domodra na tagane kei na yalewa dausere? Ia na cava li me'u la'ki vakaocai kemuni kina na noqu turaga?”

1 Tui 10:5

kei na kakana mai na nona teveli, na nodra i dabedabe na nona daunivakasala, na nodra tu vakarorogo tu o ira era qaravi koya, na nodra i sulusulu, o ira era dau tauri bilo vua, na nona i soro kama ka a cabora ena Vale i Jiova, a yali sara na nona loma dei na ranadi ni Sipa.

2 Tui 1:8

E ratou sa sauma vua, “E vakaisulu o koya ena i sulu vutika ni manumanu, ka vau e tolona na beleti kuli-ni-manumanu.” A sa kaya na tui, “Oqori o Ilaijia na kai Tisipa!”

Esiteri 1:11

A qai vakaroti iratou me la'ki kau mai o Ranadi Vasiti, ka me daramaka tu mai na nona i sala vakaranadi. A sa yalewa matavinaka na ranadi, ka gadreva na tui me vakaraitaka na kena totoka vakaoti vei ira na i vakalesilesi kei ira kece na nona vulagi.

Esiteri 1:3

Ena i katolu ni yabaki ni nona tui, a cakava kina o koya e dua na soqo ni kana magiti kei na veivakamarautaki me baleti ira kecega na ravouvou ni vanua, na vakailesilesi liu, na turaganivalu lelevu ni veimata i valu ni Perisia kei Mitia, na sucu turaga kei ira na kovana ni veiyasana era qali tu ki Perisia.

Esiteri 4:2

A qai lako yani ka la'ki tu voleka ena matamata levu ni valenitui baleta ni sa tabu dredre vua e dua e vakaisulu taga tu me curu ki lomanibai.

Esiteri 5:1

Ena i katolu ni siga ni lolo, a qai tokara na nona kote balavu vakaranadi o Esiteri ka la'ki duri tu ena buturara lailai e loma ni valenitui, ka vakanamata tu yani ki na rumu ka tiko kina na i dabedabe vakatui. E a tiko mai loma na tui ena i dabedabe vakatui ka vakanamata tiko mai ki mata ni katuba.

Esiteri 8:15

Ni lesu mai vua na tui o Motekai, a daramaka tu mai e dua na kote balavu vakatui, karakarawa ka vulavula na rokana, kei na dua na i tiniyara roka lokaloka ka tali ena lineni matailalai. A ka levu sara na marau kei na kaikaila vei ira ena koro levu o Susa.

Aisea 59:17

Ena qai daramaka na dodonu me vaka na kote i yaragi ubi ni sarisari Kei na qaqa me vaka e dua na i sala kaukamea ni valu. Ena qai vakaisulutaki koya ena yalo e gadreva vakalevu Me caka vakadodonu na veika ka totogitaki me sauma na veika ca Sa yacovi ira na tamata.

Maciu 11:8

Ia, na cava li dou a lakova? Mo dou raica e dua na tamata e vakaisulu ena i sulu totoka? Raica, o ira era daramaka na i sulu totoka era dau kunei ga ena nodra veivale na tui.

Maciu 3:4

Ia sa vakaisulu o Joni ena i sulu vuti ni kameli, ka vau na tolona ena i oro kuli-ni-manumanu, ka kena kakana na vodre kei na oni ni veikau.

Maciu 6:29

Ia au sa kaya vei kemudou ni o Solomoni, ena nona i ukuuku kecega, a sa sega ni vakaisulu totoka sara me vakataki ira na senikau oqo.

Luke 16:19

“E a tiko e dua na tamata vutuniyau, ka dau vakaisulu ena i sulu lokaloka kei na lineni malumu, ka dau kana ka marau vakalevu tu ga ena veisiga.

Luke 7:24

Ni rau sa lako tale oi rau ka a tala mai o Joni, sa qai tekivu vosa vei ira na lewe vuqa o Jisu me baleti Joni, ka kaya, “Na cava beka o ni a lakova ki na loma ni vanua lala mo ni raica? Na gasau sa yavalati ena cagi?

Luke 7:26

Ia na cava beka ga o ni a la'ki raica? E dua li na parofita? Io, au sa kaya vei kemudou, e dua ka sa levu cake mai na parofita.