Luke 7:12 - Vakavakadewa Vou kei na iVola tale eso

¹² Ena gauna e yaco yani kina ki na matamata ni koro, raica, sa dua na i lakolako ni veibulu sa gole yani ki na i bili ni koro. Na tamata ka sa mate oqo e sega ni dua na tuakana se tacina, ka sa yada tu ena gauna o ya o tinana. Era lewe vuqa na lewe ni koro era sa lako vata tiko yani kei na vada.

Ai Vola Tabu (Vakadewa Makawa Vakavoutaki 2021)

¹² Ia ni sa toro voleka ki na matamata-ni-koro, raica, sa dua na mate sa colati ki nai bili. A sa luve i tinana e dua bauga, ka sa yada ko koya; a sa lewe vuqa sara na lewe ni koro era sa lako vata kaya.

AI VOLA TABU

¹² Ia ni sa toro voleka ki na matamata-ni-koro, raica, sa le dua sa mate oti sa colati ki nai bili, a gone i tinana e dua bauga, a sa yada ko koya: a ra sa lewe vuqa sara na lewe ni koro era tiko vata kava.

Vakavakadewa Makawa

¹² Ia ni sa toro voleka ki na matamata-ni-koro, raica, sa dua na mate sa colati ki nai bili, a luve i tinana e dua bauga, a sa yada ko koya: a ra sa lewe vuqa sara na lewe ni koro era lako vata kaya.

Ai Vola Tabu Ena Vakavakadewa Vou

¹² Ena gauna e yaco yani kina ki na matamata ni koro, raica, sa dua na i lakolako ni veibulu sa gole yani ki na i bili ni koro. Na tamata ka sa mate oqo e sega ni dua na tuakana se tacina, ka sa yada tu ena gauna o ya o tinana. Era lewe vuqa na lewe ni koro era sa lako vata tiko yani kei na vada.

Luke 7:12 Iomraidhean Croise

Vakatekivu 22:12

Sa qai kaya mai na agilosi, “Mo kakua ni vakamatea na gone. Au sa qai kila ni o sa rerevaka na Kalou, ni o sa sega ni bureitaka vei au na luvemu e duabau ga.”

Vakatekivu 22:2

Sa qai kaya na Kalou, “Mo kauta na luvemu, ka lako ki na vanua o Moraia. Mo vakacabori koya e kea me i soro kama vei au ena ulunivanua au na vakatakila vei iko.”

2 Samuela 14:7

Ia era a cudruvi au vakalevu, na mataqali taucoko, ka ra kaya, “Mo soli koya mada mai ka mokuta mate na tacina, me keimami vakamatei koya me i sau ni tacina ka a vakamatea. Ia kevaka era na cakava oqo, sa na qai sega ni dua na luvequ tagane e vo! Era sa na vakarusa vakadua na noqu i nuinui, ka sa na sega na luvena tagane na watiqu me vakabula tiko kina na yacana.”

1 Tui 17:12

A sa kaya na yada, “Me vaka sa bula o Jiova na nomu Kalou, au sa vakadinata ni sa sega tale ni qai vo vei au e dua na madrai. Na ka ga e tu vei au o ya e dua na valawa lailai sara ena kena saqa kei na waiwai lailai sara ena kena tavaya. Au sa lako mai oqo me'u mai kauta e vica na buka me la'ki vakarautaki kina na veika sa vo toka vei keirau kei na luvequ. O ya me i otioti ni neirau kana vata, ka muria yani na leqa ni viakana me yacova na mate.”

1 Tui 17:18

A sa kaya na yada vei Ilaijia, “Kemuni na tamata ni Kalou, a cava na ka o ni sa vakayacora oqo vei au? O ni sa lako beka mai mo ni mai vakatakila vua na Kalou na noqu i valavala ca, ka sa vakavuna oqo na mate nei luvequ?”

1 Tui 17:23

A sa keveta na gone o Ilaijia ka kauti koya sobu mai na rumu e cake, ka solia vei tinana, ka kaya vua, “Raica, sa bula na luvemu!”

1 Tui 17:9

“Mo lako ki na koro o Sarifaci sa koto volekati Saitoni, ka la'ki tiko mai kea. Raica, au sa vakarota e dua na yada mai kea me vakani iko.”

2 Tui 4:16

A sa kaya vua o Ilaisa, “Ena gauna vata oqo ena yabaki vou, o sa na roqota voli e ligamu e dua na luvemu tagane.” A sa kaya na marama, “E segai noqu turaga, mo ni kakua mada ni lasutaka na nomuni vada. Oi kemuni na tamata ni Kalou!”

2 Tui 4:20

A sa keveta cake na cauravou lailai ka kauta lesu vei tinana; a la'ki tenea tiko o tinana me yacova sara na sigalevu tutu, a qai mate kina na gone.

Jope 29:13

Era vakacaucautaki au na tamata ka vakaleqai sara vakaca, Ka'u a vukei ira na yada me ra tiko vakacegu ka marau.

Sakaraia 12:10

Au na qai vakasinaiti ira na kawa i Tevita kei ira na lewe i Jerusalemi ena yalo ni veikauwaitaki loloma kei na yalo ni daumasu. Era na qai rai yani ki vua era a suaka, ka ra tagicaka me vaka na nodra tagicaka na mate ni dua na gone e le dua voli ga. Era na tagi vakaukauwa sara me vakataki ira era tagicaka na mate ni nodra ulumatua tagane.

Luke 7:11

Ni oti o ya, sa qai lako yani o Jisu ki na dua na koro ka yacana o Neini. Era a salavata kei koya o iratou na nona tisaipeli kei ira e lewe vuqa sara na tamata.

Luke 7:13

Ia ni sa raici koya na Turaga, a sa lomana vakalevu, ka kaya vua, “Kakua ni tagi.”

Luke 8:42

ka ni duabau ga na luvena yalewa, ka sa yabaki tinikarua toka, ia sa voleka sara tiko ni mate. Ni sa lako voli o Jisu, era sa drigiti koya na tamata mai na veiyasana kecega.

Luke 8:52

Era sa tagicaki koya kecega ka tagi lagalaga; ia sa qai kaya o Jisu, “Ni kakua ni tagi; sa sega ni mate na gone, ia sa moce voli ga!.”

Joni 11:19

Era lewe vuqa na Jiu era a lako vei rau o Marica kei Maria, me ra vakacegui rau ena vuku ni ganedrau.

Cakacaka 9:39

A sa vakarautaki koya sara o Pita ka lako vata yani kei ira. Ni sa yaco yani, era sa kauti koya sara ki na i taba vale e cake. Era wavokiti koya na yada kece, ka ra tagi ka vakaraitaka vua na kote leleka kei na i sulu eso ka dau cula o Tokasa ni a se bula ka tiko vata kei ira.

Cakacaka 9:41

Sa qai dodoka vua na ligana o Pita ka tuberi koya cake. Sa qai kacivi ira kece yani na vakabauta kei ira na yada o Pita, ka vakaraitaki koya vei ira ni sa bula tale.

Jemesa 1:27

Ia oqo na veika sa raica na Kalou o Tamada ni dusia na lotu dina ka savasava: me ra kauwaitaki ka qaravi o ira na luveniyali kei ira na yada ena nodra rarawa, ka me qarauni vinaka na bula yadua me kakua ni vakadukadukalitaki ena veika vakavuravura.