Luke 6:8 - Vakavakadewa Vou kei na iVola tale eso

⁸ Ia sa kila na nodra vakanananu o Jisu, sa qai kaya vua na tamata liga mate, “Tu cake, mai tucake tu e lomadonu eke.” Sa qai duri cake o koya ka la'ki tucake tu e kea.

Ai Vola Tabu (Vakadewa Makawa Vakavoutaki 2021)

⁸ Ia ka sa kila na nodra nanuma ko koya, ka kaya vua na tamata sa mate na ligana, “Lako mai, ka mai tucake tu e ke.” A sa duri cake ko koya, ka tucake tu.

AI VOLA TABU

⁸ Ia ka sa kila na nodra nanuma ko koya, ka kaya vua na tamata sa malai na ligana, Tu cake, ka wavu tu e na kedra maliwa. A sa tu cake ko koya, ka wavu tu.

Vakavakadewa Makawa

⁸ Ia ka sa kila na nodra nanuma ko koya, ka kaya vua na tamata sa malai na ligana, Tu cake, ka wavu tu e na kedra maliwa. A sa tu cake ko koya, ka wavu tu.

Ai Vola Tabu Ena Vakavakadewa Vou

⁸ Ia sa kila na nodra vakanananu ko Jisu, sa qai kaya vua na tamata liga mate, “Tu cake, mai tucake tu e lomadonu eke.” Sa qai duri cake o koya ka la'ki tucake tu e kea.

Luke 6:8 Iomraidhean Croise

1 Veigauna 28:9

Ia kivei Solomoni, a sa kaya, “Ia o iko, Solomoni na luvequ, mo kila na Kalou i tamamu, ka mo qaravi koya ena yalodina kei na lomasoli. Ni sa dikeva na yalo kece o Jiova, ka sa kila na i tuvatuva kece kei na nanuma ni lomada. Kevaka o na vakasaqarai koya, o na kunei koya; ia kevaka o na vakanadakui koya, ena biuti iko o koya ka tawa mudu.

1 Veigauna 29:17

Au sa kila ni o ni dau vakatovolea na yalo ni tamata kecega, ia o ni sa vinakata na tamata yalododonu. Ena dela ni yalodina kei na yalododonu, au sa solia kece yani kina oqo vei kemuni ena yalo e vinakata, ka'u sa raica na nodra marautaka na nomuni tamata era sa soqoni eke me ra kauta mai na nodra i solisoli vei kemuni.

Jope 42:2

Au sa kila, kemuni Jiova, ni o ni sa rui kaukauwa; Ka rawa mo ni cakava na ka kecega o ni vinakata.

NA SAME 44:21

O ni na qai kila deivaki ga Baleta ni o ni sa kila na i naki vuni ni loma i keimami.

Aisea 42:4

Sa na sega ni rere se yalolailai o koya, Ka na vakataudeitaka na lewa dodonu e vuravura. Era waraka tu na veivanua yawa na nona i vakavuvuli.”

Maciu 9:4

Ia ni sa kila na nodra vakasama o Jisu, sa qai kaya, “Na cava li dou sa vakasamataka kina na veika ca ena lomamudou?

Marika 3:3

Sa qai kaya o Jisu vua na tamata liga mate, “Lako cake mai, ka mai duri tu e matadra na tamata!”

Luke 13:12

Ia ni sa raici koya o Jisu, sa kaciva ka kaya vua, “Yalewa, o sa sereki mai na nomu tauvimate.”

Luke 5:22

Ia ni sa kila o Jisu na nodra vakanananu, sa qai sauma, ka kaya vei ira, “Na cava o ni vaqaqa tiko kina e lomamuni na ka oqo?

Luke 6:9

Sa qai kaya vei ira o Jisu, “Au tarogi kemuni mada: sa tara beka me caka na ka vinaka ena Siga ni Vakacecegu se na ka ca, na veivakabulai se na veivakamatei?”

Joni 2:25

A sa sega ni yaga vua me dua e tukuna vua na ka e baleta na tamata, ka ni sa kila o koya na ka e tu e loma ni tamata.

Joni 21:17

A sa taroga tale, “I Saimoni na luve i Jona, o sa lomani au se segai?” Sa rarawa na loma i Pita ni sa kena i katolu na nona taroga vua, “O sa lomani au, se segai?” A mani kaya vua, “Kemuni na Turaga, o ni sa kila na ka kecega, o ni sa kila ni'u sa lomani kemuni!” A qai kaya vua o Jisu, “Vakani ira na noqu sipi.

Joni 9:4

Sa dodonu me da cakava tiko na cakacaka i koya sa talai au mai ni se siga toka; sa voleka mai na bogi, ena sega ni cakacaka rawa kina e dua na tamata.

Cakacaka 20:24

Ia sa sega tu ni'u okata me dua na ka na noqu bula; na ka ga au gadreva o ya me'u na vakaotia vakavinaka na noqu i lakolako, kei na i tavi sa solia vei au na Turaga o Jisu, o ya me'u vunautaka na i Tukutuku Vinaka ni loloma-savu ni Kalou.

Cakacaka 26:26

E kila tu na tui na veika oqo, ka'u sa vosa doudou tiko kina e matana; ni'u sa kila dina ni sega na ka e vuni vua, ni a sega ni caka na ka oqo ena dua na yasana vuni.

Filipai 1:28

Ni kakua ni rerevaki ira na nomuni meca; ni tamata yaloqaqa ga, ni oqo ena vakadinadinataka vei ira ni ra na druka o ira ka ni o ni na qaqa oi kemuni, baleta ni sai koya na Kalou ka sa solia vei kemuni na qaqa.

Iperiu 4:13

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

1 Pita 4:1

Me vaka ni sa vakararawataki vakaoqo na Karisito ena yagona, mo ni vakaiyaragitaki kemuni talega vakakina ena nona i tovo ni rai, baleta ni o koya sa vakararawataki ena yago sa tarovi koya mai na i valavala ca.

Vakatakila 2:23

Au na vakamatei ira talega era sa daumuri koya voli, ka ra na qai kila kina na veisoqosoqo lotu ni sai au ga ka sa dau dikeva na vakanananu kei na gagadre kecega ni tamata; ia au na sauma ga vei kemuni yadudua me veiganiti kaya ga kei na veika o ni sa cakava.