Luke 6:6 - Vakavakadewa Vou kei na iVola tale eso

⁶ Ena dua tale na Siga ni Vakacecegu sa curu ki na valenilotu o Jisu ka vakatavuvuli kina. E a tiko kina e dua na tamata sa mate tu na ligana i matau.

Ai Vola Tabu (Vakadewa Makawa Vakavoutaki 2021)

⁶ Ia e na dua tale na Siga ni Vakacecegu, sa curu ko koya ki na valenilotu, ka vakatavuvuli, ka sa tiko kina e dua na tamata sa mate na ligana i matau.

AI VOLA TABU

⁶ A sa yaco e na dua tani tale na siga ni vakacecegu, sa curu ko koya ki na vale ni lotu, ka vakatavuvuli: a sa tiko kina e dua na tamata sa malai na ligana i matau.

Vakavakadewa Makawa

⁶ Ia e na dua tani tale na Siga ni Vakacecegu, sa curu ko koya ki na vale ni lotu, ka vakatavuvuli: a sa tiko kina e dua na tamata sa malai na ligana i matau.

Ai Vola Tabu Ena Vakavakadewa Vou

⁶ Ena dua tale na Siga ni Vakacecegu sa curu ki na valenilotu ko Jisu ka vakatavuvuli kina. E a tiko kina e dua na tamata sa mate tu na ligana i matau.

Luke 6:6 Iomraidhean Croise

1 Tui 13:4

Ni sa rogoca oqo na tui na nona sa vosataka vakaoqo na i cabocabonisoro mai Peceli o koya na tamata ni Kalou, a sa dodoka yani na ligana me dusi koya ka kaya, “Dou vesuka na tamata o ya!” Ia, a sa qai paralasi vakasauri na ligana sa dodoka yani, ka sega kina ni lokia lesu tale.

Sakaraia 11:17

Ena kalouca na i vakatawanisipi torosobu o ya! Sa biuti ira laivi tu ga mai na sipi! Ena vakarusa vakadua na nona kaukauwa na i valu. Ena malai na ligana, ka na mataboko na matana ena yasana i matau.”

Maciu 4:23

Sa qai veilakoyaki voli e Kalili taucoko o Jisu, ka veivakatavulici ena nodra veivalenilotu, ka vunautaka na i Tukutuku Vinaka ni matanitu, ka vakabulai ira na tamata mai na veimate kecega kei na malumalumu kecega.

Luke 13:10

E a veivakatavulici tiko o Jisu ena dua na valenilotu ena Siga ni Vakacecegu.

Luke 14:3

Sa qai vosa vei ira na Farisi kei na daunilawa o Jisu, ka kaya, “Sa tara li me caka na veivakabulai ena Siga ni Vakacecegu se segai?”

Luke 4:16

Sa qai yaco o Jisu ki Nasareci, ena koro ka a susugi kina, ka la'ki curu ki na valenilotu, me vaka sa dau nona i vakarau, ena vei Siga ni Vakacecegu. Sa mani tucake me wili vola,

Luke 4:31

Sa qai gole sobu o Jisu ki Kapenaumi, e dua na koro mai Kalili, ka vakatavuvuli kina ena Siga ni Vakacecegu,

Luke 6:1

Ena dua na Siga ni Vakacecegu, a sa lako voli o Jisu ena dua na veiloga ni sila. E ratou sa qai tekivu doloka eso na sola ni sila na nona tisaipeli, ka qilia e ligadratou, ka kania.

Luke 6:5

Sa qai kaya tale vei ira o Jisu, “Na Luve ni Tamata sai koya na Turaga ni Siga ni Vakacecegu.”

Joni 5:3

Era davo tu kina e lewe vuqa na tauvimate - o ira na mataboko, na lokiloki, na wamalai [ka ra waraka tiko me vakayavalati na wai.

Joni 9:16

Era sa qai kaya eso vei ira na Farisi, “E sega ni lako mai vua na Kalou na tamata oqo, ni sega ni vakatabuya na Siga ni Vakacecegu.” Era sa qai kaya eso tale, “E cakava rawa ga vakacava na cakacaka mana vakaoqo e dua na tamata i valavala ca?” Era sa mani veidre kina.