Luke 6:48 - Vakavakadewa Vou kei na iVola tale eso

⁴⁸ Sa tautauvata o koya kei na dua na tamata, ni sa tara na nona vale, a sa kelikeli vakatitobu ka vakayavutaka na vale ena dela ni vatu. Sa qai yaco mai na waluvu, ka sa coka vakaukauwa na dobui ka tabaka ena vale o ya, ia sa sega ga ni yavalati rawa ni sa tara tu vakavinaka.

Ai Vola Tabu (Vakadewa Makawa Vakavoutaki 2021)

⁴⁸ Erau sa tautauvata kei na tamata sa tara e dua na vale, a sa kelikeli vakatitobu ka tauyavutaka e na dela ni vatu. Ia ni sa yaco na waluvu, sa coka vakaukauwa na vale ko ya na dobui, a sa sega ni yavalata rawa, ni sa tauyavutaki e na dela ni vatu.

AI VOLA TABU

⁴⁸ Erau sa tautauvata kei na tamata sa tara e dua na vale, a sa kelivaka titobu, ka tauyavutaka e na dela ni vatu: ia ni sa yaco na waluvu, sa coka vakaukauwa na vale ko ya na dobui, a sa sega ni yavalata rawa: ni sa tauyavutaki e na dela ni vatu.

Vakavakadewa Makawa

⁴⁸ Erau sa tautauvata kei na tamata sa tara e dua na vale, a sa kelivaka titobu, ka tauyavutaka e na dela ni vatu: ia ni sa yaco na waluvu, sa coka vakaukauwa na vale ko ya na dobui, a sa sega ni yavalata rawa: ni sa tauyavutaki e na dela ni vatu.

Ai Vola Tabu Ena Vakavakadewa Vou

⁴⁸ Sa tautauvata o koya kei na dua na tamata, ni sa tara na nona vale, a sa kelikeli vakatitobu ka vakayavutaka na vale ena dela ni vatu. Sa qai yaco mai na waluvu, ka sa coka vakaukauwa na dobui ka tabaka ena vale o ya, ia sa sega ga ni yavalati rawa ni sa tara tu vakavinaka.

Luke 6:48 Iomraidhean Croise

2 Samuela 22:2

A noqu uluvatu o Jiova; Sa i koya ga na noqu bai kaukauwa.

2 Samuela 22:32

Sa Kalou duadua ga o Jiova; Sa noda i sasabai ga na Kalou.

2 Samuela 22:47

Sa bula o Jiova! Sa cecere na noqu uluvatu! Kacivaka na cecere i koya na Kalou kaukauwa sa vakabulai au!

2 Samuela 22:5

Sa vakavolivoliti au na biau ni mate; Ka sa ologi au na ua ni veivakacacani.

2 Samuela 23:3

Sa vosa na nodra Kalou na Isireli; sa kaya vei au na nodra Kaukauwa na Isireli; Ni sa dua na dauvakataulewa dodonu vei ira na tamata, ka lewa tiko ena nona rerevaka na Kalou.

NA SAME 32:6

Sa dodonu kina me ra dau masuti kemuni kina o ira na nomuni tamata yalodina ena gauna ni leqa. Ni yaco mai e dua na waluvu levu ena sega ga ni yacovi ira.

NA SAME 62:2

O koya duadua ga sa taqomaki au ka sa noqu i vakabula; Sa dau taqomaki au o koya, Au na sega sara ni vakadrukai rawa.

NA SAME 95:1

Ni toro mai, me da vakacaucautaki Jiova! Me da laga sere ena marau vua na uluvatu ni noda bula.

Vosavakaibalebale 10:25

Ni sa liwa mai na cava, era na cagina tani na tamata ca, ia o ira na tamata yalodina era na taqomaki vinaka.

Aisea 26:4

Ni vakadinati Jiova ena gauna kecega, Ni sa na taqomaki kemuni tiko.

Aisea 28:16

Sa i koya oqo na ka sa kaya o Jiova, “Au sa vakadavoca mai Saioni e dua na yavu, sa kaukauwa ka tudei. Au sa vakaduria tiko kina e dua na vatu kaukauwa ni tutu Ka volai kina na veivosa oqo ‘Na vakabauta sa tudei e dau vosota talega.’

Aisea 59:19

Me tekivu mai na tokalau me yaco sara ki na ra, Na tamata kece era na rerevaki koya kei na nona kaukauwa levu. Ena lako mai o koya Me vaka na uciwai sa dobui Kei na cagi kaukauwa.

Neumi 1:8

Sa vaka na coka ni dobui na nona vakarusai ira kece na kena meca; Sa vaqeyavutaki ira sa saqati koya.

Luke 6:47

O koya yadua e lako mai vei au ka rogoca na noqu vosa ka cakava, au na vakaraitaka vei kemuni na tamata e rau tautauvata kaya.

Luke 6:49

Ia o koya sa rogoca ka sega ni cakava sa tautauvata kei na tamata sa tara e dua na nona vale ka qai sega ni cakava na yavu ni vale. Ni sa sotava na waluvu na vale o ya, sa qai bale sara kina, ka sa ka levu na rusa ni vale o ya!”

Joni 16:33

A veika oqo ka'u sa tukuna vei kemudou ni dou na rawata na vakacegu ni lomamudou ni dou sa semati kivei au. O vuravura ena vakavuna mo dou sotava na veika rarawa. Ia mo dou yaloqaqa ga!; Au sa vakamalumalumutaki vuravura oti!”

Cakacaka 14:22

E rau sa vakadeitaka na lomadra na tisaipeli ka vakauqeti ira me ra tu dei ena vakabauta, ka kaya, “Sa dodonu me da na sota kei na vuqa na ka rarawa ena noda curu ki na Matanitu ni Kalou.”

Efeso 2:20

O kemuni talega sa vakayavutaki ena nodra yavu na i apositolo kei ira na parofita, ka sai vakadei ena tutu-ni-vale na Karisito.

Vakarua 32:15

“Era sa vutuniyau na tamata i Jiova, ka viavialevu; era sa levulevu ka sinai ena kakana. Era sa biuta na Kalou ka buli ira ka vakanadakuya na nodra i vakabula.

Vakarua 32:18

Era sa guilecava na nodra Kalou, ka i vakabula, o koya sa solia vei ira na bula.

Vakarua 32:31

Era sa kila na nodra meca ni ra kalou malumalumu na nodra veikalou, sa sega ni kaukauwa me vakataka na Kalou ni Isireli.

2 Timoci 2:19

Ia na yavu tudei sa virikotora na Kalou sa sega ni yavalati rawa, ka sa volai kina oqo: “Na Turaga sa kilai ira era sa nona” kei “O ira yadua era sa tukuna ni ra sa nona na Turaga e dodonu me ra vuki tani kece sara mai na nodra caka ca.”

2 Pita 1:10

O koya oqo oi kemuni na wekaqu, ni gumatua sara kina ka vakataudeitaka na veikacivi kei na veidigitaki ni Kalou ena nomuni bula; ni kevaka o ni vakayacora na veika oqo, o ni na sega sara ni tarabe ka bale.

1 Joni 2:28

Ia oqo, kemuni na luvequ lomani, ni tudei tikoga vua, me rawa kina ni da yalodoudou tiko ni sa yaco mai o koya, ka sega ni da qai vunitaki keda mai vua ena madua ena Siga ni nona lesu mai.

Ai Vola I Juta 1:24

Ki vua sa rawata me ia na veimaroroi vei kemuni mo ni kakua ni bale, ka vakaduri kemuni e matana mo ni savasava sara ka vakasinaiti kemuni ena reki —

1 Samuela 2:2

“Sa sega tale ni dua e yalosavasava cake me vakataki Jiova; sa sega tale ni dua me vakataki koya, sa sega na dauveimaroroi me vakataka na noda Kalou.