Luke 6:19 - Vakavakadewa Vou kei na iVola tale eso

¹⁹ Era a saga kecega na lewe vuqa me ra tarai koya, ka ni sa taka tiko mai vua na kaukauwa mana ka ra sa vakabulai kece kina.

Ai Vola Tabu (Vakadewa Makawa Vakavoutaki 2021)

¹⁹ A ra sa vakatovolea kecega na lewe vuqa me ra tarai koya, ni sa taka mai vei koya na kaukauwa mana, ka vakabulai ira kecega.

AI VOLA TABU

¹⁹ A ra sa vakatovolea kecega na lewe vuqa me ra tarai koya: ni sa lako tani maivei koya na kaukauwa mana, ka vakabulai ira kecega.

Vakavakadewa Makawa

¹⁹ A ra sa vakatovolea kecega na lewe vuqa me ra tarai koya: ni sa taka maivei koya na kaukauwa mana, ka vakabulai ira kecega.

Ai Vola Tabu Ena Vakavakadewa Vou

¹⁹ Era a saga kecega na lewe vuqa me ra tarai koya, ka ni sa taka tiko mai vua na kaukauwa mana ka ra sa vakabulai kece kina.

Luke 6:19 Iomraidhean Croise

2 Tui 13:21

Ia ena dua na gauna ni qaravi tiko e dua na veibulu, era a raica e dua na batikadi ni Moapi na lewenivanua, ka ra mani viritaka kina na yago ni mate ki na loma ni bulubulu i Ilaisa, ka dro yani. Ena gauna ga e tara kina na sui i Ilaisa na yago ni mate, a sa bula tale mai na tamata mate ka tucake tu e yavana.

Maciu 14:36

Era sa kerei koya me ra bau tara walega na tutu ni nona i sulu; ia, o ira kecega era tara, era sa vakabulai.

Marika 3:10

A sa vakabulai ira oti e lewe vuqa o koya, ka ra sa veidrigidrigi yani ki vua o ira kece era tauvi mate tu me ra tarai koya.

Marika 5:30

Ena gauna vata o ya, sa kila e lomana o Jisu ni sa lako tani mai vua na kaukauwa, a sa qai vuki vei ira na lewe vuqa, ka kaya, “O cei e tara na noqu i sulu?”

Marika 6:56

Ena veivanua kecega e lako kina o koya, na veikoro lalai, na veikoro lelevu, se na veivanua ni teitei, era vakotori ira kina na tauvimate ena kedra veivanua ni veivoli o ira na tamata, ka ra kerei koya me ra bau tara mada ga na tutu ni nona i sulu o ira na tauvimate; ia o ira kecega era tara, era sa vakabulai.

Marika 8:22

E ratou sa qai yaco ki Pecisaita; ka ra sa kauta vei Jisu eso na tamata e dua na tamata mataboko, ka ra kerei koya me tara.

Luke 5:17

Ena dua na siga ni a vakatavuvuli tiko o Jisu, era a dabe tale tikoga kina eso na Farisi kei na qasenivuli ni lawa, ka ra cavutu mai na veikoro kece mai Kalili kei Jutia kei Jerusalemi. A sa tu vua na kaukauwa ni Turaga me veivakabulai kina.

Luke 6:18

O ira talega era dau vakaleqai mai vei ira na yalo velavela era sa vakabulai.

Cakacaka 19:12

Na i tavoi kei na i sulu eso ka sa tara oti na yagona era sa qai dau kauta na tamata kivei ira na tauvimate, ka sa takali kina vei ira na kedra mate, ka ra lako laivi talega kina na tevoro.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.