Luke 5:12 - Vakavakadewa Vou kei na iVola tale eso

¹² Ena dua na gauna sa tiko voli o Jisu ena dua na koro; sa tiko talega e kea e dua na tamata e robota tu na yagona na vukavuka. Ni sa raici Jisu o koya, sa qai cuva vakatoboicu ka masuti koya, ka kaya, “Turaga, kevaka o ni sa vinakata, sa rawa mo ni vakasavasavataki au!”

Ai Vola Tabu (Vakadewa Makawa Vakavoutaki 2021)

¹² Ia ni sa tiko e na dua na koro ko koya, raica, sa dua na tamata sa roboti koya na vukavuka. Ia ni sa raici Jisu, sa cuva vakatoboicu, ka masuta, ka kaya, “Kemuni na Turaga, kevaka ko ni sa vinakata, ia mo ni sa vakasavasavataki au.”

AI VOLA TABU

¹² A sa yaco, ni sa tiko e na dua na koro ko koya, raica, sa dua na tamata sa roboti koya na vukavuka: ia ni sa raici Jisu, sa bale vakatobocu, ka masuta, ka kaya, Turaga, kevaka ko sa vinakata, ko sa vakasavasavataki au rawa.

Vakavakadewa Makawa

¹² Ia ni sa tiko e na dua na koro ko koya, raica, sa dua na tamata sa roboti koya na vukavuka: ia ni sa raici Jisu, sa cuva vakatoboicu, ka masuta, ka kaya, Kemuni na Turaga, kevaka ko ni sa vinakata, ko ni sa vakasavasavataki au rawa.

Ai Vola Tabu Ena Vakavakadewa Vou

¹² Ena dua na gauna sa tiko voli ko Jisu ena dua na koro; sa tiko talega e kea e dua na tamata e robota tu na yagona na vukavuka. Ni sa raici Jisu o koya, sa qai cuva vakatoboicu ka masuti koya, ka kaya, “Turaga, kevaka o ni sa vinakata, sa rawa mo ni vakasavasavataki au!”

Luke 5:12 Iomraidhean Croise

Vakatekivu 18:14

Sa dua li na ka e dredre vua na Turaga? Ena gauna vata vakaoqo ena yabaki ka tu mai au na mai sikovi iko tale, ka sa na dua tiko kina na luvei Sera e gonetagane.”

1 Tui 18:39

Ia ni ra sa raica oqo na tamata kecega, era sa cuva vakatoboicu, ka kaya, “Sa Kalou dina ga o Jiova.”

2 Tui 5:1

O Nemani, na turaganivalu ni mataivalu ni Siria, a sa dokai vakalevu mai vua na tui Siria, baleta ni a solia o Jiova na qaqa vei Siria ena vukuna. A sa dua na sotia qaqa o koya, ia sa tauvi koya na vukavuka.

2 Tui 5:27

Ia oqo, ena kabiti iko na vukavuka i Nemani kei ira na nomu kawa ka tawa mudu. A lako tani o koya mai vua, ka tauvi vukavuka me vaka na uca vulavula.

2 Tui 7:3

E ratou a tiko ena i curucuru ki na matamata ni koro, e lewe va na tamata tauvi vukavuka; e ratou a veikayaka vaka i iratou, A cava e datou mai waraka tiko kina e ke na nodatou mate?

1 Veigauna 21:16

A tacake o Tevita ka raica na agilosi ni sa tu ena maliwa ni vuravura kei lomalagi, ka taura tu e ligana na nona i seleiwau, ni sa vakarau vakarusai Jerusalemi. A qai cuva sobu e ra o Tevita kei ira na nona qase, ni ra sa vakaisulu taga taucoko tu, ka sa tara qele na matadra.

NA SAME 50:15

Ni masu mai vei au ni sa yaco mai na leqa, Au na vakabulai kemuni, Ia o ni na qai vakacaucautaki au.”

NA SAME 91:15

Ni kaci mai vei au, au na rogo yani vua; Au na tiko vata kei koya ena gauna e leqa kina. Au na vakabulai koya ka rokovi koya.

Lako Yani 4:6

A sa vosa tale vua na Kalou ka kaya, “Mo daramaka na ligamu ki na loma ni nomu kote.” A sa daramaka na ligana ki na loma ni nona kote. Ia ni sa ucuna tani mai na ligana, sa yaco me vukavuka ka vulavula me vaka na uca vulavula.

Vunau ni Soro 13:16

Ia kevaka sa mamaca na mavoa ka sa vulavula tale na mate, me qai lako o koya vua na bete.

Vunau ni Soro 9:24

Sa qai lako vakasauri mai na bukawaqa i Jiova ka vakama na i soro kama kei na uro ena dela ni cabocabonisoro. Ni ra sa sarava na veika oqo o ira na tamata, era sa qolou ka cuva sobu ki na qele.

Maciu 26:6

A sa tiko mai Pecani o Jisu ena vale i Saimoni, na tamata tauvi vukavuka.

Maciu 9:28

Ni sa curu ki vale, e rau sa lako sara yani vua na tamata mataboko, ka qai kaya vei rau o Jisu, “Drau sa vakadinata li ni'u sa cakava rawa na ka oqo?” E rau sa qai kaya vua, “Io, Turaga.”

Marika 5:23

ka vakamasuti koya vakabibi, ka kaya, “Na luvequ yalewa lailai sa tauvimate levu sara. Au kerea mo ni lako mada mai ka tabaki koya ena ligamuni, me sereki tani kina na nona tauvimate, ka bula!”

Luke 17:16

A sa bale sobu ki na qele ena mata i Jisu, ka vakavinavinaka vua. A sa kai Samaria na tamata oqo.

Luke 5:13

Sa qai dodoka na ligana o Jisu ka tarai koya, ka kaya, “Au sa vinakata! Mo savasava mai!” Sa mani takali sara mai vua na vukavuka.

Vakarua 24:8

Ena vuku ni vukavuka, ni qarauna mo ni vakayacora vinaka na ka kece era sa tukuna na bete na luve i Livai vei kemuni. Mo ni muria vinaka na i vakasala kece au sa solia vei ira.

Iperiu 7:25

O koya oqo sa rawa kina vua, ena gauna oqo kei na veigauna kece sara, me vakabulai ira era gadreva me ra lesu vua na Kalou ena vukuna, baleta ni sa bula tikoga o koya me dau masulaki ira.

Josua 5:14

A sa sauma mai o koya, ka tukuna, “Sa sega, ena vukuna e dua! Au sa lako mai me vaka na turaganivalu ni mataivalu i Jiova,” A qai davo sobu vakatoboicu ena vakarokoroko o Josua, ka tukuna. “Oi au na nomuni tamata, na cava o ni vinakata me'u cakava?”