Luke 4:41 - Vakavakadewa Vou kei na iVola tale eso

⁴¹ Era sa lako tani talega na tevoro mai vei ira e lewe vuqa, era sa qoqolou ka kaya, “Sa i kemuni na Luve ni Kalou!” A sa qai vakaroti ira na tevoro o Jisu, ka sega ni vakatara me ra vosa, baleta ni ra sa kila ni sai koya na Mesaia.

Ai Vola Tabu (Vakadewa Makawa Vakavoutaki 2021)

⁴¹ Ia era sa lewe vuqa sa lako tani mai vei ira eso na tevoro, ni ra sa qoqolou tiko, ka kaya, “Oi kemuni na Karisito na Luve ni Kalou!” A sa vunauci ira ko koya, ka sega ni laiva me ra vosa, ni ra sa kila sa Karisito ko koya.

AI VOLA TABU

⁴¹ Ia era sa lewe vuqa sa lako tani maikina e so na tevoro, ni sa qoqolou tiko, ka kaya, O iko na Karisito na Luve ni Kalou. A sa vunauci ira ko koya, ka sega ni laiva me ra vosa, ni ra sa kila ni sa Karisito ko koya.

Vakavakadewa Makawa

⁴¹ Ia era sa lewe vuqa sa lako tani maivei ira eso na tevoro, ni ra sa qoqolou tiko, ka kaya, O iko na Karisito na Luve ni Kalou. A sa vunauci ira ko koya, ka sega ni laiva me ra vosa, ni ra sa kila sa Karisito ko koya.

Ai Vola Tabu Ena Vakavakadewa Vou

⁴¹ Era sa lako tani talega na tevoro mai vei ira e lewe vuqa, era sa qoqolou ka kaya, “Sa i kemuni na Luve ni Kalou!” A sa qai vakaroti ira na tevoro ko Jisu, ka sega ni vakatara me ra vosa, baleta ni ra sa kila ni sai koya na Mesaia.

Luke 4:41 Iomraidhean Croise

Maciu 26:63

Sa galu tu ga o Jisu. Sa qai kaya vua na Bete Levu, “Ena yaca ni Kalou bula au sa vakarota vei iko mo tukuna mai vei keimami se o iko na Mesaia na Luve ni Kalou bula, se segai.”

Maciu 4:3

Sa qai lako yani na dauvere ka kaya vua, “Kevaka o sa Luve ni Kalou, kaya mada ki na veivatu oqo me ra vuki me ra i buli madrai.”

Maciu 8:16

Ni sa yakavi mai, era sa qai kauta mai vei koya e lewe vuqa na curumi tevoro; ka sa vakasavi ira na tevoro o koya ena vosa, ka vakabulai ira kecega era tauvimate,

Maciu 8:29

Ka raica, e rau sa qai qoqolou mai, ka kaya, “A cava o ni via cakava vei keirau, na Luve ni Kalou? O ni sa lako li mai me vakararawataki keirau ni sa bera mai na kena gauna?”

Maciu 8:4

Sa qai kaya vua o Jisu, “Qarauna mo kakua ni tukuna vua e dua, ia mo lako ga ka vakaraitaki iko vua na bete, ka vakacabora na i solisoli ka vakarota o Mosese, me i vakadinadina vei ira na tamata ni o sa savasava.”

Marika 1:25

Sa qai vakarota na yalo o Jisu, ka kaya, “Mo galu! Lako tani mai vua!”

Marika 1:32

Ena yakavi o ya, ni sa la'ki dromu na siga, era sa qai kauta yani vei Jisu na tamata o ira kece na tauvimate kei ira era curumi tevoro.

Marika 1:34

A sa veivakabulai o Jisu vei ira na lewe vuqa ka tauvi ira tu e levu na veimataqali mate, ka vakasavi ira tani e vuqa na tevoro. A sa sega ni vakatara me ra tukuna e dua na ka o ira na tevoro, baleta ni ra kila se o cei o koya.

Marika 3:11

Ia ni ra sa raici koya talega na yalo velavela, era sa cuva e matana ka qoqolou ka kaya, “Oi kemuni na Luve ni Kalou!”

Luke 4:39

Sa qai la'ki tu e tikina o Jisu, ka vakarota me lako tani mai vua na katakata, ka sa yali sara yani na tauvimate. Sa tucake sara o koya ka qaravi iratou.

Joni 20:31

Ia era sa volai ga na veika oqo mo dou vakabauta kina ni sai Jisu na Mesaia, na Luve ni Kalou, ka mo ni rawata kina na bula ena yacana ena vuku ni vakabauta.

Jemesa 2:19

O ni sa vakabauta ni sa duabau ga na Kalou. Vinaka! Era sa vakabauta talega oqo na tevoro, ka ra sa sautaninini ga ena rere.