Luke 4:20 - Vakavakadewa Vou kei na iVola tale eso

²⁰ Sa qai viviga na i vola ka solia tale vua e dau maroroya, ka dabe sobu; ka sa coba vakadua vua na matadra kece era tiko e valenilotu.

Ai Vola Tabu (Vakadewa Makawa Vakavoutaki 2021)

²⁰ A sa viviga nai vola, a sa solia tale vua na dauveiqaravi, a sa tiko sobu. A sa vakaraici koya matua na matadra kecega era tiko e na valenilotu.

AI VOLA TABU

²⁰ A sa viviga nai vola, a sa solia tale vua nai talatala, a sa tiko sobu; a sa vakaraici koya matua na matadra kecega era tiko e na vale ni lotu.

Vakavakadewa Makawa

²⁰ A sa viviga nai vola, a sa solia tale vua nai talatala, a sa tiko sobu; a sa vakaraici koya matua na matadra kecega era tiko e na vale ni lotu.

Ai Vola Tabu Ena Vakavakadewa Vou

²⁰ Sa qai viviga na i vola ka solia tale vua e dau maroroya, ka dabe sobu; ka sa coba vakadua vua na matadra kece era tiko e valenilotu.

Luke 4:20 Iomraidhean Croise

Maciu 26:55

Sa qai kaya o Jisu vei ira na lewe vuqa ena tiki ni gauna o ya, “Dou lakova tiko li mai oqo e dua na daubutako, ni dou vakaiseleiwau ka vakaiwau tu mai ka mai vesuki au? Au a dau tikoga ena veisiga sa oti mai na Valenisoro, ka'u veivakatavulici tiko ka dou a sega ni vesuki au.

Maciu 27:60

ka vakotori koya ena i bulubulu vou ka a taya e loma ni vatu, ka qai vaqiqica yani e dua na vatu levu ki na katuba ni bulubulu, ka qai lako yani.

Luke 19:48

ia era a sega ga ni kunea rawa e dua na sala me ra cakava kina, baleta ni ra sa vinakata kecega na tamata me ra rogoci koya.

Luke 4:17

ka sa soli vua na i vola i Aisea na parofita. Sa qai tevuka na i vola vivigi ka kunea na tikina oqo:

Luke 4:21

Sa qai kaya vei ira o koya, “Edaidai, sa vakayacori kina na tiki ni Vola Tabu oqo o ni sa rogoca.”

Luke 5:3

Sa mani vodoka e dua vei rau na waqa o Jisu, o ya na waqa nei Saimoni, ka kerei koya me tosoya yani vakalailai ki wai. Sa qai dabe sobu o Jisu ena loma ni waqa ka vakatavulici ira na lewe vuqa.

Joni 8:2

A sa lesu tale ki na Valenisoro o koya ena mataka lailai ni siga ka tarava. Era sa soqoni vata yani vua na tamata kecega; ka sa dabe sobu ka tekivu vakatavulici ira.

Cakacaka 16:13

Ena Siga ni Vakacecegu, keitou sa qai lako ki na taudaku ni koro, ki na bati ni uciwai ena vanua keitou nanuma ni dau caka kina na masumasu. Keitou a dabe sobu ka veitalanoa kei ira na marama era soqoni vata yani kina.

Cakacaka 3:12

Ia ni sa raici ira o Pita, sa qai kaya vei ira, “Oi kemuni na Isireli, na cava o ni kurabuitaka kina na ka oqo, se cava o ni vakaraici keirau matua kina? O ni nanuma beka ni keirau cakava me lako rawa na tamata oqo ena neirau kaukauwa ga se ena neirau dodonu?