Luke 4:18 - Vakavakadewa Vou kei na iVola tale eso

¹⁸ “Sa tu vei au na Yalo ni Turaga, Ni sa lumuti au o koya me'u vunautaka na i tukutuku vinaka vei ira na dravudravua. Sa talai au me'u vunautaka na veisereki vei ira na bobula Kei na rai tale vei ira na mataboko; Me ra lako ena galala o ira sa dauraici sobu,

Ai Vola Tabu (Vakadewa Makawa Vakavoutaki 2021)

¹⁸ “Sa tu vei au na Yalo i Jiova, ni sa lumuti au ko koya me’u vunautaka nai tukutuku-vinaka vei ira era sa dravudravua. Me’u vunautaka na sereki vei ira na bobula, kei na rai tale vei ira era sa mataboko, me’u vakalalagataki ira era sa mavoa,

AI VOLA TABU

¹⁸ Sa tu vei au na Yalo i Jiova, e na vuku ni sa lumuti au ko koya meʼu vunautaka nai tukutuku-vinaka vei ira era sa dravudravua; sa talai au mai meʼu vakabulai ira sa kavoro na yalodra, meʼu vunautaka ua sereki vei ira na bobula, kei na rai tale vei ira era sa mataboko, meʼu vakalala-gataki ira era sa mavoa,

Vakavakadewa Makawa

¹⁸ Sa tu vei au na Yalo i Jiova, Ni sa lumuti au ko koya me’u vunautaka nai tukutuku-vinaka vei ira era sa dravudravua; Me’u vunautaka na sereki vei ira na bobula, Kei na rai tale vei ira era sa mataboko, Me’u vakalalagataki ira era sa mavoa,

Ai Vola Tabu Ena Vakavakadewa Vou

¹⁸ “Sa tu vei au na Yalo ni Turaga, Ni sa lumuti au o koya me'u vunautaka na i tukutuku vinaka vei ira na dravudravua. Sa talai au me'u vunautaka na veisereki vei ira sa vesuki, kei na rai tale vei ira na mataboko; Me ra lako ena galala o ira sa dauraici sobu,

Luke 4:18 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

2 Veigauna 34:27

o a qai veivutuni e vu ni yalomu ka vakamalumalumutaki iko e mataqu, ka dresulaka na nomu i sulu ka tagi vei au, ena nomu sa rogoca na noqu vosa me baleta na cudruvi nei Jerusalemi kei ira era tiko kina. Au sa rogoca na nomu masu,

NA SAME 102:20

Me rogoca na nodra vutugu na tamata era sa vesu tu, Ka sereki ira era sa lewai me ra mate.

NA SAME 147:3

Sa vakabulai ira sa kavoro na utodra Ka vauca na nodra mavoa.

NA SAME 2:2

Era sa tuvaivalu na nodra tui, Ka ra ia na bukivere na i liuliu ni veimatanitu me ra valuti Jiova Kei na tui sa digitaka o koya.

NA SAME 2:6

A sa kaya, “Au sa vakatikora na noqu tui ena noqu ulunivanua tabu o Saioni.”

NA SAME 34:18

Sa dau tu voleka o Jiova vei ira sa mavoa na yalodra Ka sa vakabulai ira sa oti vakadua na nodra i nuinui.

NA SAME 45:7

O ni sa taleitaka na ka e dodonu ka cata sara na ka ca. Sa i koya oqo sa digitaki kemuni kina na Kalou, o koya na nomuni Kalou Ka sa sovaraka vakalevu duadua ga vei kemuni na marau Ka qai lailai vei ira na vo ni tui.

NA SAME 51:17

Na yalo sa dasila sai koya na i soro e vinakata na Kalou; Na yalomalumalumu kei na yalo ni veivutuni sa sega ni cata na Kalou.

Aisea 32:3

Ena tadola tu na daligadra ka rai tu na matadra Ki na nodra leqa na tamata.

Aisea 35:5

Ena rai rawa tale na mataboko, Ka rogo tale na didivara.

Aisea 42:7

O na dolava na matadra era mataboko Ka sereki ira era tiko ena vanua butobuto Ena veivale ni veivesu.

Aisea 45:13

Oi au ga au sa vakauqeti Sairusi ena yalo dodonu Ka'u na vakadodonutaka na nona sala kecega. Ena tara tale na noqu koro o Jerusalemi, Ka sereki ira na noqu tamata era sa vesu tu. Sa sega ni soli vua e dua na ka Se saumi me cakava na ka oqo.” Ni sai Jiova ga sa kaya vakaoqo.

Aisea 49:9

Au na kaya vei ira na vesu tu, Ni lako! Vei ira era tiko ena butobuto. Ni lako mai ki na rarama! Era na qai vaka na sipi sa kana voli ena veidelana;

Aisea 50:4

Sa vakavulici au o Jiova ena ka me'u kaya Me rawa ni'u vakaukauwataki ira kina era sa oca. Sa vakauqeti au ena veimataka, Me'u rogoca na ka ena vakavulica vei au.

Aisea 57:15

Oi au na Kalou Cecere ka Savasava, O koya sa bula tikoga ka tawa mudu. Au sa tiko ena vanua cecere ka savasava Ia au sa tiko talega kei ira na tamata Era sa yalo malumalumu ka veivutuni; Me'u kauta tale mai na nodra yalo dei kei na vakanuinui.

Aisea 59:21

Au na cakava kei kemuni e dua na veiyalayalati: Na yaloqu sa tu vei kemuni kei na noqu vosa au a sa solia ki na gusumuni ena sega ni takali mai vei kemuni se mai na gusudra na luvemuni se me na takali mai na gusudra na luvedra na luvemuni ena veigauna kecega ka sega ni mudu,” sa kaya o Jiova.

Aisea 61:1

Sa sobuti au na Yalo ni Turaga o Jiova. Sa digitaki au o koya ka talai au Me'u kauta na i tukutuku vinaka vei ira na dravudravua Ka vakabulai ira sa mavoa tu na yalodra, Me'u vunautaka na veisereki vei ira era tiko vakabobula Kei na galala vei ira era tiko ena vale ni veivesu.

Aisea 66:2

Oi au ga au a bulia na veika kece! Ka sa noqu na veika kece oqo. Au sa vinakati ira era yalo malumalumu ka veivutuni, O ira era rerevaki au ka talairawarawa vei au.

Isikeli 9:4

ka sa qai kaya vua, “Mo lako yani ki na loma ni koro, ena loma i Jerusalemi, ka vola e dua na i vakatakilakila ena qaqa ni yadredra na tamata era sa vutugu ka qolouvaka na veika vakasisila kecega sa caka e loma ni koro.”

Taniela 9:24

Sa loku e vitusagavulu na macawa, me baleti ira na kai nomu kei na koro tabu, me vakaoti kina na nomuni dau caka cala kei na nomuni i valavala ca tiko. Ni oti na gauna oqori, sa na bokoci na i valavala ca, ka sorovaki na caka cala me vakayacori na i valavala ka vakadeitaki na raivotu kei na vosa ni parofisai, ka na qai vakatabui na Tikina Tabu Sara.

Sefanaia 3:12

Au na qai biuta ga na tamata yalo rawarawa ka yalomalumalumu me ra tiko e kea, o ira era na lako mai vei au me ra vukei.

Sakaraia 11:11

A mani bokoci na veiyalayalati ena siga o ya. Era a vakaraici au toka yani o ira na dauvoli sipi ka dauvolitaka talega, ka ra kila ni sa vosa tiko mai o Jiova ena vuku ni ka au sa vakayacora.

Malakai 4:2

Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba.

Maciu 11:5

era sa rai na mataboko, ka ra lako na lokiloki, era sa vakasavasavataki na vukavuka, era rogo rawa na didivara, ka ra vakaturi cake tale na mate, ka sa vunautaki na i tukutuku vinaka vei ira na dravudravua.

Maciu 12:18

“Raica, na noqu tamata, o koya au sa digitaka, Na noqu daulomani, sa vinakati koya dina na yaloqu. Au na solia vua na Yaloqu, ka na vunautaka na Lewa dodonu vei ira na veimatanitu tani.

Maciu 12:20

Ena sega ni musuka na gasau sa vakalairoro, Se bokoca na cina sa waqa lailai sara. Ena gumatua tikoga me yacova ni sa vakatauci na lewa dodonu.

Maciu 4:16

O ira era tiko ena butobuto, Era na raica e dua na rarama levu. Vei ira era tiko ena vanua ni yaloyalo ni mate Ena cila kina na rarama.”

Maciu 5:3

“Sa kalougata o ira era sa yalo malumalumu, Ni sa nodra na matanitu vakalomalagi.

Luke 4:17

ka sa soli vua na i vola i Aisea na parofita. Sa qai tevuka na i vola vivigi ka kunea na tikina oqo:

Luke 6:20

Sa qai vakaraici iratou na nona tisaipeli o Jisu ka kaya: “Dou sa kalougata, oi kemudou sa dravudravua; Ni sa nomudou na matanitu ni Kalou!

Luke 7:22

Sa qai sauma o Jisu ka kaya vei rau, “Drau lako ka tukuna vei Joni na ka drau sa raica ka rogoca: era sa rai na mataboko, era sa lako na lokiloki, era sa vakabulai na vukavuka, ka ra sa rogo na didivara; era sa vakaturi cake tale na mate, ka sa vunautaki na i Tukutuku Vinaka vei ira na dravudravua.

Joni 1:41

E a kunei Saimoni taumada, na tuakana, ka kaya vua, “Keirau sa kunea na Mesaia.” (Na vosa oqo e kena i balebale na “Karisito”.)

Joni 12:46

Au sa lako mai ki vuravura me'u mai kena rarama, me kakua kina ni tiko ena butobuto o koya yadua sa vakabauti au.

Joni 3:34

O koya sa tala mai na Kalou sa mai tukuna na vosa ni Kalou; sa tukuna rawa ena vuku ni Yalo Tabu ka a solia vakayauyau vua na Kalou.

Cakacaka 10:38

O ni sa kila ni sa lumuti Jisu na kai Nasareci na Kalou ena Yalo Tabu kei na kaukauwa. O ni sa kila na nona dau lako voli ka dau caka vinaka, kei na nona dau vakabulai ira kecega e vakalolomataki ira tu na tevoro. O ni kila talega ni a cakava na veika kecega o ya o koya ni sa tiko vata kei koya na Kalou.

Cakacaka 26:18

O iko mo na la'ki dolava na matadra, me ra saumaki mai na butobuto ki na rarama, mai na kaukauwa i Setani ki vua na Kalou; me bokoci kina na nodra i valavala ca, ka ra na okati vata kei ira era sa vakasavasavataki me ra nona na Kalou ena nodra sa vakabauti au.’

Cakacaka 4:26

Era tuva i valu na tui kei vuravura, Ka ra vakasoqoni vata na dauveiliutaki, Me ra vala kaya na Turaga kei na nona Karisito.’

Cakacaka 4:27

Ni rau a mai sota vata kina ena koro oqo o Eroti kei Ponitio Pailato ka vakakina o ira na kai tani kei ira na lewe i Isireli me ra vala kei Jisu, na nomuni Dauveiqaravi yalo savasava, o koya o ni a lumuta.

Kolosa 1:13

Sa vakabulai keda o koya mai na vakatulewa ni butobuto ka kauti keda tani ki na nona matanitu na Luvena lomani,

Jemesa 2:5

Oi kemuni na wekaqu lomani, ni vakarorogo mada! Sa digitaki ira na tamata dravudravua ena ka ni vuravura oqo na Kalou me ra vutuniyau ena vakabauta, ka me ra taukena talega na matanitu sa yalataka oti o koya vei ira sa lomani koya.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.