Luke 4:17 - Vakavakadewa Vou kei na iVola tale eso

¹⁷ ka sa soli vua na i vola i Aisea na parofita. Sa qai tevuka na i vola vivigi ka kunea na tikina oqo:

Ai Vola Tabu (Vakadewa Makawa Vakavoutaki 2021)

¹⁷ A sa soli vua nai vola nei Aisea na parofita. Ia ni sa tevuka nai vola, sa kunea na tikina sa volai kina:

AI VOLA TABU

¹⁷ A sa soli vua nai vola nei Isaia na parofita. Ia ni sa tevuka nai vola, sa kunea na tikina sa volai kina,

Vakavakadewa Makawa

¹⁷ A sa soli vua nai vola nei Aisea na parofita. Ia ni sa tevuka nai vola, sa kunea na tikina sa volai kina,

Ai Vola Tabu Ena Vakavakadewa Vou

¹⁷ ka sa soli vua na i vola i Aisea na parofita. Sa qai tevuka na i vola vivigi ka kunea na tikina oqo:

Luke 4:17 Iomraidhean Croise

Luke 16:29

“Ia sa qai kaya vua o Epara-ama, ‘Sa tu vei iratou o Mosese kei ira na parofita. Me ratou qai rogoci ira ga.’

Luke 20:42

Ni o Tevita mada ga vakai koya e kaya ena i Vola ni Same, ‘Sa kaya na Turaga ki vua na noqu Turaga: Mai dabe ena yasaqu i matau

Luke 4:16

Sa qai yaco o Jisu ki Nasareci, ena koro ka a susugi kina, ka la'ki curu ki na valenilotu, me vaka sa dau nona i vakarau, ena vei Siga ni Vakacecegu. Sa mani tucake me wili vola,

Luke 4:18

“Sa tu vei au na Yalo ni Turaga, Ni sa lumuti au o koya me'u vunautaka na i tukutuku vinaka vei ira na dravudravua. Sa talai au me'u vunautaka na veisereki vei ira na bobula Kei na rai tale vei ira na mataboko; Me ra lako ena galala o ira sa dauraici sobu,

Luke 4:20

Sa qai viviga na i vola ka solia tale vua e dau maroroya, ka dabe sobu; ka sa coba vakadua vua na matadra kece era tiko e valenilotu.

Cakacaka 13:15

Ia ni sa wiliki oti na i vola ni Lawa kei na nodra i vola na parofita, era sa qai kaya vei rau o ira na vakaitavi ena valenilotu, “Kemudrau na weka i keimami, kevaka e tiko vei kemudrau e dua na vosa ni veivakadreti vei ira na i vavakoso, drau vosa sara mada ena gauna oqo.”

Cakacaka 13:27

Ni ra sa sega ni kila o ira sa vakaitikotiko mai Jerusalemi kei na nodra i liuliu ni sai Jisu ga na i Vakabula. Era a sega talega ni kila na i balebale ni nodra vosa na parofita ka dau wiliki ena Siga ni Vakacecegu kece sara. Ia era sa vakaitavi ga ena kena vakayacori na nodra vosa na parofita ena nodra lewai Jisu me mate.

Cakacaka 7:42

Sa qai vakanadakui ira kina na Kalou ka laivi ira me ra sokalou ki na veikalokalo ni lomalagi, me vaka sa volai tu ena nodra i vola na parofita: ‘Oi kemuni na Isireli! Sa sega ni cabori vei au Na manumanu tabu o ni sa vakamatea me vakacabori Ena loma ni vasagavulu na yabaki mai na vanua lala.