Luke 4:1 - Vakavakadewa Vou kei na iVola tale eso

¹ Sa sinai tu o Jisu ena Yalo Tabu ni sa lesu tale mai na Joritani. A sa vakauti koya na Yalo Tabu ki na loma ni vanua lala,

Ai Vola Tabu (Vakadewa Makawa Vakavoutaki 2021)

¹ Ia ni sa sinai ko Jisu e na Yalo Tabu, sa lesu tale mai na Joritani, a sa kauti koya na Yalo Tabu ki na loma ni vanua lala,

AI VOLA TABU

¹ IA ni sa sinai ko Jisu e na Yalo Tabu, sa lesu tale mai na Joritani, a sa kauti koya na Yalo ki na loma ni veikau,

Vakavakadewa Makawa

¹ Ia ni sa sinai ko Jisu e na Yalo Tabu, sa lesu tale mai na Joritani, a sa kauti koya na Yalo Tabu ki na loma ni veikau,

Ai Vola Tabu Ena Vakavakadewa Vou

¹ Sa sinai tu ko Jisu ena Yalo Tabu ni sa lesu tale mai na Joritani. A sa vakauti koya na Yalo Tabu ki na loma ni vanua lala,

Luke 4:1 Iomraidhean Croise

1 Tui 18:12

Ena gauna ga e daru veitalatala kina, ena kauti iko tani na Yalo i Jiova, ka'u na sega ni kila se o na kau ki vei; ia ni'u sa lako ka tukuna vei Eapi, ka sega ni kunei iko o koya, ena qai vakamatei au, ia sa dina ga ni o au na nomu tamata, ka'u sa rerevaki Jiova ni'u sa cauravou ka yacova na gauna oqo.

1 Tui 19:4

A lako tu o koya me bogi dua e loma ni veikau, a yaco yani, ka la'ki tiko sobu ena dua na vu ni junipa, a kerea o koya me mate yani, ka kaya, “Kemuni Jiova, sa rauta oqo; mo ni vakaotia na noqu bula, ni'u sa sega ni vinaka cake mai vei ira na noqu qase.”

Aisea 61:1

Sa sobuti au na Yalo ni Turaga o Jiova. Sa digitaki au o koya ka talai au Me'u kauta na i tukutuku vinaka vei ira na dravudravua Ka vakabulai ira sa mavoa tu na yalodra, Me'u vunautaka na veisereki vei ira era tiko vakabobula Kei na galala vei ira era tiko ena vale ni veivesu.

Isikeli 3:14

Sa qai laveti au cake na Yalo ni Kalou ka kauti au yani. Au a lako ga ena rarawa bibi ni lomaqu kei na katakata ni yaloqu, ni sa tauri au vakaukauwa na liga i Jiova.

Maciu 3:16

Ia ni sa papitaisotaki oti o Jisu sa cabe sara mai wai, ka raica, sa qai tadola mai na lomalagi, ka sa raica sara o koya na Yalo ni Kalou ni sa lako sobu mai me vaka na ruve ka mai ro toka vua.

Luke 2:27

A sa vakauqeti koya na Yalo Tabu ka sa lako ki na Valenisoro. Ni rau sa kauta yani ki na Valenisoro na gone o Jisu oi rau na nona i tubutubu me qaravi vua na valavala ni Lawa,

Luke 3:3

Sa qai lako o koya ki na veivanua taucoko e tiko volekata na Joritani, ka vunautaka voli me ra papitaiso o ira sa veivutuni me bokoci kina na i valavala ca,

Luke 3:38

na luve i Inosi, na luve i Seci, na luve i Atama, na luve ni Kalou.

Luke 4:14

Sa mani lesu tale o Jisu ena kaukauwa ni Yalo Tabu ki Kalili, ka sa rogovaki yani na kena i tukutuku ki na veivanua kece ka tu vakavolivolita.

Luke 4:18

“Sa tu vei au na Yalo ni Turaga, Ni sa lumuti au o koya me'u vunautaka na i tukutuku vinaka vei ira na dravudravua. Sa talai au me'u vunautaka na veisereki vei ira na bobula Kei na rai tale vei ira na mataboko; Me ra lako ena galala o ira sa dauraici sobu,

Joni 1:32

Sa qai tukutuku tale o Joni, ka kaya, “Au a raica na Yalo Tabu ni sa lako sobu mai me vaka na ruve mai lomalagi, ka mai ro toka vua.

Joni 3:34

O koya sa tala mai na Kalou sa mai tukuna na vosa ni Kalou; sa tukuna rawa ena vuku ni Yalo Tabu ka a solia vakayauyau vua na Kalou.

Cakacaka 1:2

me yacova na siga sa kau cake kina ki lomalagi. Ni bera na nona kau cake, a sa veivakaroti oti ena kaukauwa ni Yalo Tabu vei iratou ka sa digitaka o koya me ratou nona i apositolo.

Cakacaka 10:38

O ni sa kila ni sa lumuti Jisu na kai Nasareci na Kalou ena Yalo Tabu kei na kaukauwa. O ni sa kila na nona dau lako voli ka dau caka vinaka, kei na nona dau vakabulai ira kecega e vakalolomataki ira tu na tevoro. O ni kila talega ni a cakava na veika kecega o ya o koya ni sa tiko vata kei koya na Kalou.

Cakacaka 8:39

Ia ni rau sa cabe cake mai wai, sa kauti Filipe tani sara na Yalo ni Turaga, ka sa sega ni raici koya tale na i vakalesilesi; ka sa mai lako yani o koya ena marau.