Luke 3:20 - Vakavakadewa Vou kei na iVola tale eso

²⁰ sa qai vakuria sara na nona ca ena nona biuti Joni ki na valeniveivesu.

Ai Vola Tabu (Vakadewa Makawa Vakavoutaki 2021)

²⁰ sa qai vakaikuritaka me levu cake, ni sa sogolati Joni e na valeniveivesu.

AI VOLA TABU

²⁰ sa qai vakaikuritaka me levu cake, ni sa sogoti Joni e na vale ni veivesu.)

Vakavakadewa Makawa

²⁰ sa qai vakaikuritaka me levu cake, ni sa sogolati Joni e na vale ni veivesu.

Ai Vola Tabu Ena Vakavakadewa Vou

²⁰ sa qai vakuria sara na nona ca ena nona biuti Joni ki na valeniveivesu.

Luke 3:20 Iomraidhean Croise

2 Tui 21:16

A vakadavea vakayauyau o Manasa na nodra dra na lewe vuqa ka ra a sega ni cala, me yacova ni sinai kina o Jerusalemi ena kena veiyasana kecega; ia oqo sa kena i kuri na nona i valavala ca ka vakaivalavalacataki ira kina na Juta, ni ra cakava na ka ca ena mata i Jiova.

2 Tui 24:4

ka vakabibi na nona vakamatei ira na tamata e sega ni dua na nodra cala. A sa sega ni rawa ni vosoti Manasa o Jiova ena vuku ni veika oqo.

2 Veigauna 36:16

ia era a vakalialiai ira na nona i talai na Kalou, ka beca na nona vosa, ka vakacacani ira na parofita, me yacova sara ni a tubu kina na cudru i Jiova vei ira na nona tamata ka a dredre kina me ra vakabulai.

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Maciu 4:12

Ia ni sa rogoca o Jisu ni sa biu ki na vale ni veivesu o Joni, sa suka tale ki Kalili;

Joni 3:24

(E a se bera ni biu o Joni ki na valeniveivesu ena gauna o ya.)

Vakatakila 16:6

O ira oqo era a vakadavea na nodra dra na yalosavasava kei ira na parofita, ka o ni sa solia kina vakaoqo vei ira na dra me ra gunuva. Sa rauta vinaka me ra sotava na ka oqo!”