Luke 24:30 - Vakavakadewa Vou kei na iVola tale eso

³⁰ Ni ratou sa tiko me ratou kana, sa qai taura na madrai o koya, ka cavuta na vosa ni vakalougatataki; sa qai dovia ka solia vei rau.

Ai Vola Tabu (Vakadewa Makawa Vakavoutaki 2021)

³⁰ Ia ni ratou sa tiko sobu me ratou kana, sa taura na madrai ko koya, ka vosa vakalougatataka, ka dovia, ka solia vei rau.

AI VOLA TABU

³⁰ A sa yaco, ni ratou sa tiko kaya me kana, sa taura na madrai ko koya, ka vatonaka, ka dovia, ka solia vei rau.

Vakavakadewa Makawa

³⁰ Ia ni ratou sa tiko sobu me ratou kana, sa taura na madrai ko koya, ka lotutaka, ka dovia, ka solia vei rau.

Ai Vola Tabu Ena Vakavakadewa Vou

³⁰ Ni ratou sa tiko me ratou kana, sa qai taura na madrai o koya, ka cavuta na vosa ni vakalougatataki; sa qai dovia ka solia vei rau.

Luke 24:30 Iomraidhean Croise

Maciu 14:19

Ni sa vakaroti ira oti na lewe vuqa me ra tiko sobu ena veico, a qai taura o koya na i buli madrai e lima kei na ika e rua, ka tacake ki lomalagi, ka vakavinavinaka, ka dovidovia na madrai ka solia vei iratou na nona tisaipeli, ka ratou tauca yani na tisaipeli vei ira na lewe vuqa.

Maciu 15:36

Sa qai taura na i buli madrai e vitu kei na ika, ia ni sa vakavinavinaka oti, sa qai dovidovia ka solia yani vei iratou na nona tisaipeli, me ra wasea o iratou na tisaipeli kivei ira na lewe vuqa.

Maciu 26:26

Ni ratou sa kana tiko, sa qai taura na madrai o Jisu, ka vakalougatataka, ka dovia, ka solia vei iratou na tisaipeli, ka kaya, “Dou taura, ka kania; oqo na yagoqu.”

Marika 14:22

Ni ratou sa kana tiko, sa qai taura na madrai o Jisu ka masulaka, ka dovia, ka solia vei iratou na tisaipeli, ka kaya, “Dou taura, ka kania; oqo na yagoqu.”

Marika 6:41

Sa qai taura o koya na i buli madrai e lima kei na ika e rua, ka tacake ki lomalagi, ka vakavinavinakataka, ka dovia na madrai, ka solia vei iratou na tisaipeli me ratou tauca e matadra na tamata; a sa vota talega na ika e rua vei ira kecega.

Marika 8:6

Sa qai vakaroti ira na lewe vuqa o koya me ra dabe sobu. Sa qai taura na i buli madrai e vitu, ka vakavinavinakataka vua na Kalou. Sa qai dovidovia ka solia vei iratou na nona tisaipeli me ratou veivotayaka vei ira na tamata, e ratou sa qai kitaka vakakina.

Luke 22:19

Sa qai taura e dua na madrai, ka vakavinavinaka vua na Kalou, a sa dovia, ka solia vei iratou, ka kaya, “Oqo na yagoqu sa soli ena vukumudou. Dou cakava oqo mo dou vakananumi au kina.”

Luke 24:29

Ia e rau sa qai tarovi koya, ka kaya, “Mo tiko ga eke vata kei keirau; ni sa kala sobu na matanisiga ka sa voleka mai na butobuto.” A sa mani lako ka tiko vata kei rau.

Luke 24:35

E rau sa qai vakamacalataka vei ira na ka sa yaco ena gaunisala, kei na nodrau sa qai kila rawa na Turaga ni sa dovia na madrai.

Luke 9:16

Sa qai taura o koya na i buli madrai e lima kei na ika e rua, ka sa qai tacake ki lomalagi, ka vakavinavinakataka ka dovia, ka solia vei ira na tisaipeli me ra tauca vei ira na lewe vuqa.

Joni 6:11

Sa qai taura na madrai o Jisu, ka vakavinavinakataka vua na Kalou, ka vota vei ira na tamata era sa dabe e kea; ka vakakina na ika, me vaka na kena levu era sa vinakata.

Cakacaka 2:42

Era sa soli ira vakatabakidua ki na nodratou veivakatavulici na i apositolo, na tiko vakaveitokani, na dovi madrai kei na masumasu.

Cakacaka 2:46

Era dau tiko ena lomavata ena Valenisoro ena veisiga, ka dovi madrai ena nodra veivale, ka kania na kedra ena marau kei na loma vinaka.

Cakacaka 27:35

Ni sa kaya oti oqo, sa qai taura e dua na i buli madrai ka vakavinavinakataka vua na Kalou ena matadra kecega, a sa dovia, ka tekivu me kana.