Luke 23:4 - Vakavakadewa Vou kei na iVola tale eso

⁴ Sa mani kaya o Pailato vei ira na bete levu kei ira na lewe vuqa, “Au sa sega ni raica e dua na cala vua na tamata oqo.”

Ai Vola Tabu (Vakadewa Makawa Vakavoutaki 2021)

⁴ Sa qai kaya ko Pailato vei ira na bete levu kei ira na lewe vuqa, “Au sa sega ni kunea e dua na ka ca vua na tamata oqo.”

AI VOLA TABU

⁴ Sa qai kaya ko Pilato vei ira na bete levu kei ira na lewe vuqa, Au sa sega ni kunea e dua na ka ca vua na tamata o qo.

Vakavakadewa Makawa

⁴ Sa qai kaya ko Pailato vei ira na bete levu kei ira na lewe vuqa, Au sa sega ni kunea e dua na ka ca vua na tamata oqo.

Ai Vola Tabu Ena Vakavakadewa Vou

⁴ Sa mani kaya o Pailato vei ira na bete levu kei ira na lewe vuqa, “Au sa sega ni raica e dua na cala vua na tamata oqo.”

Luke 23:4 Iomraidhean Croise

Maciu 27:19

Ni sa dabe toka ena nona i tikotiko ni veilewai, sa qai tala yani e dua na tamata vua o na watina, ka kaya, “Mo kakua ni cakava e dua na ka vua na tamata tawa cala oqori, ni'u sa kune rarawa vakalevu edaidai ena dua na tadra ka baleti koya.”

Marika 15:14

Sa qai taroga tale o Pailato vei ira, “Ena vuku ni cava? Na cala cava sa cakava o koya?” Era sa qai qoqolou vakalevu cake ga kina, ka kaya, “Vakota ki na kauveilatai!”

Luke 23:22

Sa qai kaya tale vei ira o Pailato ena i katolu ni gauna, “A ca cava e kitaka o koya? Au sega ni kunea vua e dua na ka sa dodonu me mate kina. O koya oqo au sa na vakanakuitataki koya ga kina ka sereka.”

Joni 18:38

Sa qai kaya vua o Pailato, “A cava na dina?” Ni sa vosa oti vaka o ya o Pailato, sa qai curu tale ki tautuba kivei ira na Jiu, ka kaya vei ira, “Au sa sega ni kunea e dua na nona cala.

Cakacaka 25:25

Ia ni'u a sega ni kunea e dua na cala e cakava ka dodonu me tau kina vua na i totogi mate, ka ni sa kerea talega me la'ki lewai koya o Akusito, au sa lewa kina me'u sa na vakauti koya vua.

Cakacaka 3:13

Na Kalou i Epara-ama, kei Aisake, kei Jekope, na nodra Kalou na noda qase, sa vakalagilagi Jisu na nona tamata Dauveiqaravi. O koya o ni a solia yani, ka cakitaka ena mata i Pailato ena nona a sa lewa me sereki koya.

Iperiu 7:26

Sa i Jisu ga na Bete Levu sa sotava na veika eda sa gadreva. Sa yalosavasava o koya, sa sega ni beitaki ena dua na ka se tiko vua na i valavala ca; sa tawasei tani mai vei ira na i valavala ca o koya ka sa vakacerecerei me uasiviti lomalagi.

1 Pita 1:19

ia ena dra talei ga i Karisito, me vaka na dra ni lami sa sega ni ca se duka e dua na tikina.

1 Pita 2:22

A sa sega ga ni cakava e dua na i valavala ca o koya, ka sa sega talega ni kune e gusuna na veivakaisini.

1 Pita 3:18

Ni sa mate oti vakadua ga me baleta na i valavala ca na Karisito, o koya na yalododonu ena vukudra na dau caka cala, me kauti keda rawa kina vua na Kalou. A sa yaco o koya me mate ena yago, ia sa qai yaco me bula vakayalo,