Luke 23:14 - Vakavakadewa Vou kei na iVola tale eso

¹⁴ ka kaya vei ira, “O ni kauta mai vei au na tamata oqo me vaka e dua e vagolei ira vakatani na tamata, ia ni'u sa vaqaqai koya oti ena matamuni, mo ni kila, ni'u a sega ni raica ni cala na tamata oqo ena dua na ka o ni beitaki koya kina.

Ai Vola Tabu (Vakadewa Makawa Vakavoutaki 2021)

¹⁴ sa kaya vei ira, “Dou sa kauta mai vei au na tamata oqo, me vaka e dua sa vagolei ira vakatani na tamata; ia ka raica, au sa taroga e na matamudou, ia ka’u sa sega ni kunea vua na tamata oqo e dua na ca dou sa beitaka vua.

AI VOLA TABU

¹⁴ sa kaya vei ira, Dou sa kauta mai vei au na tamata o qo, me vaka e dua sa saumaki ira tani na tamata; ia ka raica, au sa taroga e na matamudou, ia kaʼu sa sega ni kunea vua na tamata o qo e dua na ca dou sa beitaka vua:

Vakavakadewa Makawa

¹⁴ sa kaya vei ira, Dou sa kauta mai vei au na tamata oqo, me vaka e dua sa vukici ira vakatani na tamata; ia ka raica, au sa taroga e na matamudou, ia ka’u sa sega ni kunea vua na tamata oqo e dua na ca dou sa beitaka vua:

Ai Vola Tabu Ena Vakavakadewa Vou

¹⁴ ka kaya vei ira, “O ni kauta mai vei au na tamata oqo me vaka e dua e vagolei ira vakatani na tamata, ia ni'u sa vaqaqai koya oti ena matamuni, mo ni kila, ni'u a sega ni raica ni cala na tamata oqo ena dua na ka o ni beitaki koya kina.

Luke 23:14 Iomraidhean Croise

Taniela 6:4

E kea, era sa qai tovolea kina o ira na i liuliu kei ira na kovana me ra kunea vei Taniela e dua na cala ni veiliutaki ena matanitu, ia era a sega ga ni kunea e dua na cala ni nona cakacaka baleta ni sa tamata dina o Taniela, ka sega ni bau cakava e dua na ka e ca.

Maciu 27:19

Ni sa dabe toka ena nona i tikotiko ni veilewai, sa qai tala yani e dua na tamata vua o na watina, ka kaya, “Mo kakua ni cakava e dua na ka vua na tamata tawa cala oqori, ni'u sa kune rarawa vakalevu edaidai ena dua na tadra ka baleti koya.”

Maciu 27:24

Ni sa raica o Pailato ni sa sega ni dua na ka e rawata, ka sa rawa ni yaco na tiko yavavala ena kedra maliwa na tamata, a sa qai kauta mai e dua na wai, ka vuluvulu e matadra na lewe vuqa, ka kaya, “Sa sega ni bale vei au na nona mate na tamata oqo! Sa baleti kemuni ga!”

Maciu 27:4

ka kaya, “Au sa cala ni'u sa bukiveretaka e dua na tamata sa tawa cala me mate.” Era sa qai kaya ga, “A cava oqori vei keimami? Oqori sa baleti iko ga!”

Maciu 27:54

Ni sa raica na uneune kei na veika kecega sa yaco oqo o koya na turaganivalu kei iratou na sotia ka yadravi Jisu voli, a ratou sa rere vakalevu, ka kaya, “Sa i koya dina oqo na Luve ni Kalou!”

Cakacaka 13:28

E dina ga ni ra sa sega ni kunea rawa e dua na ka me tau kina vua na i totogi mate, era sa kerea ga vei Pailato me vakamatei ga o koya.

Cakacaka 17:11

O ira maikea era tamata yalo vakaturaga cake mai vei ira era tiko mai Cesalonaika. Era taleitaka vakalevu na vakarogoca na vosa, ka ra sa dau vakasaqaqara ena i Vola Tabu ena veisiga me ra raica kina se sa dina na vosa i Paula era sa rogoca se segai.

Iperiu 7:26

Sa i Jisu ga na Bete Levu sa sotava na veika eda sa gadreva. Sa yalosavasava o koya, sa sega ni beitaki ena dua na ka se tiko vua na i valavala ca; sa tawasei tani mai vei ira na i valavala ca o koya ka sa vakacerecerei me uasiviti lomalagi.