Luke 22:42 - Vakavakadewa Vou kei na iVola tale eso

⁴² “I Tamaqu, kevaka sa lomamuni, ni kauta tani vei au na bilo ni veivakararawataki oqo; ia me kakua ni yaco na lomaqu, me yaco ga na lomamuni.”

Ai Vola Tabu (Vakadewa Makawa Vakavoutaki 2021)

⁴² ka kaya, “Tamaqu, kevaka ko ni sa vinakata, ni kauta tani vei au na bilo oqo. Ia me kakua ni yaco na noqu lewa, me yaco ga na nomuni lewa.”

AI VOLA TABU

⁴² a sa kaya, Tamaqu, kevaka ko sa vinakata, kauta tani vei au na bilo o qo: ia me kakua ni yaco na noqu veitalia, ia na nomu ga.

Vakavakadewa Makawa

⁴² ka kaya, Tamaqu, kevaka ko ni sa vinakata, ni kauta tani vei au na bilo oqo: ia me kakua ni yaco na noqu lewa, me yaco ga na nomuni lewa.

Ai Vola Tabu Ena Vakavakadewa Vou

⁴² “I Tamaqu, kevaka sa lomamuni, ni kauta tani vei au na bilo ni veivakararawataki oqo; ia me kakua ni yaco na lomaqu, me yaco ga na lomamuni.”

Luke 22:42 Iomraidhean Croise

NA SAME 40:8

Au rekitaka dina me'u vakayacora na lomamuni na noqu Kalou! Io, ka'u sa tugana na nomuni vakavuvuli ki na vu-ni-yaloqu.”

Aisea 51:17

I Jerusalemi, mo yadra mai! Yadra mada ka duri cake! O a mateni ena bilo ni veitotogitaki E a solia vei iko ena nona cudru o Jiova mo gunuva; O a gunuva kece ka vakavuna mo veicebayaki.

Aisea 51:22

Sa taqomaki kemuni o Jiova na nomuni Kalou, A sa kaya, “Au sa kauta tani mai na ligamuni Na bilo au a solia vei kemuni ena noqu cudru. O ni sa na sega tale ni gunuva Na waini o ni a veicebayaki kina.

Jeremaia 25:15

A tukuna vei au na Turaga o Jiova na nodra Kalou na Isireli, “Oqo e dua na bilo ni waini sa sinai ena noqu cudru. Kauta ka la'ki vagunuvi ira kece kina na veimatanitu au sa talai iko kina.

Maciu 11:25

Ena gauna o ya sa qai vosa o Jisu ka kaya, “Au sa vakavinavinaka vei kemuni, Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai:

Maciu 11:26

io, Tamaqu, ni sa vaka oqori na nomuni lewa loloma.

Maciu 20:22

Sa sauma o Jisu vei rau na veitacini, ka kaya, “Drau sa sega ni kila na ka drau sa kerea tiko: drau sa rawata li mo drau gunuva na bilo ka'u sa vakarau gunuva oqo?” E rau sa kaya vua, “Keirau rawata.”

Maciu 26:39

A sa lako yani vakalailai ki liu, a sa cuva sobu vakatoboicu me masu, ka sa kaya, “I Tamaqu, kevaka e rawa, ia mo ni kauta tani vei au na bilo ni rarawa oqo! Ia me kakua ga ni vaka na lomaqu; ia, me vaka ga na lomamuni.”

Maciu 26:42

Sa lako tale yani ka masu, ka kaya, “I Tamaqu, kevaka sa sega ni kau tani rawa na bilo oqo, ka me'u gunuva ga, me sa yaco ga na lomamuni.”

Maciu 26:44

A biuti ratou tale o Jisu, a sa lako yani, ka la'ki masu ena i katolu ni gauna, ka sa cavuta na veivosa vata ga sa cavuta e liu.

Maciu 6:10

Me yaco mai na nomuni matanitu; Me caka na lomamuni e vuravura Me vaka sa caka tiko mai lomalagi.

Marika 14:36

A sa masu ka kaya, “Tamaqu, sa rawarawa vei kemuni na veika kecega; ni kauta tani mada vei au na bilo ni rarawa oqo; ia me kakua ni vaka na lomaqu; me vakayacori ga na lomamuni.”

Luke 23:34

Sa qai kaya o Jisu, “I Tamaqu, ni vosoti ira! Era sa sega ni kila na ka era sa vakayacora tiko oqo.” Era sa qai vakawiri madigi me ra wase na nona i sulu.

Joni 18:11

Sa qai kaya kina vei Pita o Jisu, “Daramaka na nomu i seleiwau ki na kena taga, me'u sa na kakua li ni gunuva na bilo ka solia vei au o Tamaqu?”

Joni 4:34

Sa qai kaya vei iratou o Jisu, “Na kequ kakana sai koya me'u cakava na loma i koya sa talai au mai, ka vakaotia na nona cakacaka.

Joni 5:30

“Sa sega ni dua na ka au sa cakava rawa ena noqu kaukauwa ga vakataki au; au sa vakataulewa ga me vaka na ka sa tukuna vei au na Kalou. Sa dodonu kina na noqu lewa, baleta ni'u sa sega ni via muria ga na lomaqu, ia na loma i koya ga sa talai au mai.

Joni 6:38

baleta ni'u a sa lako mai lomalagi me'u kakua ni vakayacora ga na lomaqu, ia na loma i koya ga sa talai au mai.

Cakacaka 21:14

Ia me vaka ni sa sega ni rawa me keimami veisautaka na lomana, keimami sa mani laiva ga, ka kaya, “Me yaco ga na loma ni Turaga.”