Luke 22:41 - Vakavakadewa Vou kei na iVola tale eso

⁴¹ Sa qai biuti iratou o koya ka toso vakayawa toka vakalailai, rauta na yawa ni vanua e viritaki rawa kina e dua na vatu, ka sa tekiduru ka masu, ka kaya,

Ai Vola Tabu (Vakadewa Makawa Vakavoutaki 2021)

⁴¹ A sa sudra tani vei ira e vaka na kena yawa e viritaki e dua na vatu, a sa tekiduru ka masu,

AI VOLA TABU

⁴¹ A sa sudra tani vei iratou e vaka na i kena yawa e lauviri kina na vatu, a sa tekiduru ka masu,

Vakavakadewa Makawa

⁴¹ A sa sudra tani vei ira e vaka na kena yawa e viritaki e dua na vatu, a sa tekiduru ka masu,

Ai Vola Tabu Ena Vakavakadewa Vou

⁴¹ Sa qai biuti iratou o koya ka toso vakayawa toka vakalailai, rauta na yawa ni vanua e viritaki rawa kina e dua na vatu, ka sa tekiduru ka masu, ka kaya,

Luke 22:41 Iomraidhean Croise

Maciu 26:39

A sa lako yani vakalailai ki liu, a sa cuva sobu vakatoboicu me masu, ka sa kaya, “I Tamaqu, kevaka e rawa, ia mo ni kauta tani vei au na bilo ni rarawa oqo! Ia me kakua ga ni vaka na lomaqu; ia, me vaka ga na lomamuni.”

Marika 14:35

Sa qai lako vakalailai ki liu o koya ka la'ki tekiduru, ka masulaka de rawa me kakua ni sotava na gauna dredre o ya.

Luke 18:11

“A sa tucake vakatikitiki tu na Farisi ka masu vakai koya vakaoqo, ‘Kemuni na Kalou, au vakavinavinaka vei kemuni ni'u sa sega ni tamata kocokoco, se dauveivakaisini, se dauyalewa, me vakataki ira na vo ni tamata. Au sa vakavinavinaka ni'u sa sega ni vakataki koya na daukumuni i vakacavacava o ya.

Luke 18:13

“Ia o koya na daukumuni i vakacavacava, ni sa tucake vakayawa sara tu yani, ka sa sega mada ga ni via tacake ki lomalagi, ia sa tavitavia ga na lomaserena ka kaya, ‘Kemuni na Kalou, ni qai lomani au mai, ni'u sa tamata i valavala ca!

Cakacaka 20:36

Ni sa vosa oti vaka o ya o koya, era sa qai tekiduru vata kece ka masu.

Cakacaka 21:5

Ia ni sa oti na neitou gauna vata kei ira, keitou sa qai tomana na neitou i lakolako. Era sa qai lako kece yani mai na i bili ni koro ki na baravi me ra la'ki talaci keitou, o ira kece kei ira na watidra, kei ira na luvedra. Keimami sa qai tekiduru e matasawa, ka masu.

Cakacaka 7:60

Sa qai tekiduru sobu o koya ka kaya ena domo levu, “Turaga, ni kakua ni cudruvi ira ena vuku ni valavala ca era sa cakava oqo!” Ia ni sa cavuta oti na vosa o ya sa qai mai cavuka sara yani na nona i cegu.

Cakacaka 9:40

Sa qai vakatalai ira kece ki tautuba o Pita, ka mai tekiduru yani me masu. Sa qai goleva na yago ka kaya, “I Tavaita, mo tucake mai!” Sa mai rai sara na matana. Ia ni sa raici Pita, sa duri cake sara me dabe.

Iperiu 5:7

E na gauna ni bula vakatamata i Jisu, a sa dau vakacabora o koya na nona masu kei na kerekere ena vakamamasu ena domoilevu kei na tagi vua na Kalou, o koya sa rawata me vakabulai koya mai na mate. Ia ena vuku ni nona yalomalumalumu kei na nona yalodina, a sa rogoci koya na Kalou.