Luke 21:8 - Vakavakadewa Vou kei na iVola tale eso

⁸ Sa qai kaya o koya, “Dou qarauna mo dou kakua ni vakacalai; ni ra na lako mai e lewe vuqa ena yacaqu, ka ra mai kaya, ‘Sa i au ga o koya!’ ka ra na kaya talega, ‘Sa i koya oqo na kena gauna!’ Dou kakua ni muri ira.

Ai Vola Tabu (Vakadewa Makawa Vakavoutaki 2021)

⁸ A sa kaya ko koya, “Dou qarauni kemudou vinaka de dou vakacalai. Ni ra na lewe vuqa era na lako mai ka vakacavucavutaki au, ka kaya, ‘Koi au ga ko koya!’ se, ‘Sa qai toro voleka na kena gauna!’ Ia mo dou kakua ga ni laki muri ira.

AI VOLA TABU

⁸ A sa kaya ko koya, Raica vinaka de dou vakacalai: ni ra na lewe vuqa era na lako mai e na yacaqu, ka kaya, Sai koya koi au; a sa qai toro voleka na gauna: ia mo dou kakua ga ni laʼki muri ira.

Vakavakadewa Makawa

⁸ A sa kaya ko koya, Dou qarauni kemudou vinaka de dou vakacalai: ni ra na lewe vuqa era na lako mai ka vakacavucavutaki au, ka kaya, Koi au ga ko koya; a sa qai toro voleka na kena gauna: ia mo dou kakua ga ni laki muri ira.

Ai Vola Tabu Ena Vakavakadewa Vou

⁸ Sa qai kaya o koya, “Dou qarauna mo dou kakua ni vakacalai; ni ra na lako mai e lewe vuqa ena yacaqu, ka ra mai kaya, ‘Sa i au ga o koya!’ ka ra na kaya talega, ‘Sa i koya oqo na kena gauna!’ Dou kakua ni muri ira.

Luke 21:8 Iomraidhean Croise

Jeremaia 29:8

A sa kaya na Turaga Qaqa na nodra Kalou na Isireli, ni qarauna mo ni kakua ni vakacalai mai vei ira na parofita era tiko kei kemuni se mai vei ira tale eso na daurairai era kaya ni rawa ni ra parofisaitaka na veika ena yaco mai muri. Ni kakua sara ni kauwaitaka na nodra tadra.

Maciu 24:11

Era na tubu mai e lewe vuqa na parofita vakailasu ka vakacalai ira e lewe vuqa.

Maciu 3:2

“Ni veivutuni ni sa voleka na matanitu vakalomalagi!”

Maciu 4:17

Mai na gauna koya, a sa vakatekivu me vunautaka voli kina o Jisu na nona i tukutuku oqo: “Mo ni veivutuni mai na nomuni i valavala ca, ni sa voleka mai na matanitu vakalomalagi!”

Luke 17:23

Era na tiko eso era na kaya vei kemudou, ‘Raica, ena vanua o ya!’ se, ‘Raica, ena vanua oqo!’ Ia dou kakua sara ni lako ka vakasaqaqara.

Luke 21:7

E ratou sa qai tarogi koya ka kaya, “Na i Vakavuvuli, ena yaco e naica na ka oqo, ka na cava na kena i vakatakilakila ni sa vakarau vakayacori?”

Luke 21:9

Ni dou sa rogoca na veivaluvaluti kei na tiko veisei, dou kakua ni kidroa, ni sa dodonu me ra yaco mada na veika oqori; ia ena sega mada ni se yaco sara mai na i vakataotioti.”

Joni 5:43

Au sa lako mai ena kaukauwa i Tamaqu, ia o ni sa sega ni ciqomi au; ia, ke lako ga mai e dua ena nona kaukauwa ga vakai koya, o ni sa ciqoma.

Joni 8:24

O koya oqo au sa kaya kina vei kemuni ni o ni na mate ena vuku ni nomuni i valavala ca; ka o ni na mate ena vuku ni nomuni i valavala ca kevaka o ni sa sega ni vakabauta ni sai au o Koya.”

Joni 8:28

Sa qai kaya tale vei ira o koya, “Ni o ni sa na laveta cake na Luve ni Tamata, o ni na qai kila ni Sa i Au oi Au; o ni sa na qai kila talega ni sega ni dua na ka me'u cakava vaka i au ga. Ia au sa dau tukuna ga na veika e vakatavulici au kina o Tamaqu.

1 Korinica 6:9

O ni sa kila vakaidina ni ra na sega ni taukena na matanitu ni Kalou o ira era i vakarau tawadodonu. Ni kakua sara ni vakacalai ena ka oqo! Era na sega ni rawata na matanitu ni Kalou o ira na daudara, se dauqarava na matakau, se dauveibutakoci, se veidauci vakatagane, se veidauci vakayalewa,

Efeso 5:6

Me kakua ni dua me vakacalai kemuni ena veivosa tawayaga. Ni sai ira oqo na veika ena yaco kina na cudru ni Kalou vei ira na dautalaidredre vua.

2 Cesalonaika 2:3

Me kakua sara ni dua me vakacalai kemuni ena dua na ka. Ni na sega ni yaco mada na Siga o ya me yacova ni sa yaco oti na i otioti ni veiraravui ka sa rairai mai kina na daucaka ca, o koya ka sa nakiti tu me nona i votavota o eli.

2 Timoci 3:13

Ia ena toso cake ga vakalevu na nodra veidabui kei na veivakacalai o ira na tamata ca kei ira na dauvosalasu, ni ra sa vakacalai ira eso ka vakacalai ira vakai ira talega.

1 Joni 4:1

Oi kemuni na wekaqu lomani, ni kakua ni vakabauta na yalo kecega, ia ni vakatovolei ira na yalo mo ni kila rawa kina se ra sa lako mai vua na Kalou, se segai: ni ra lewe levu na parofita vakailasu era sa lako yani ki vuravura.

2 Joni 1:7

Sa lewe vuqa na dauveivakacalai era sa lako voli e vuravura, oqo o ira na tamata era sa sega ni vakadinata ni sa lako mai o Jisu Karisito ena yago vakatamata. O ira na tamata vakaoqo era sa dauveivakacalai, ni ra sa meca i Karisito.

Vakatakila 1:3

Sa kalougata o koya sa wilika ka rogoca na vosa ni parofisai oqo, ka vakabauta na veika sa volai kina; ni sa voleka sara na gauna me ra na vakayacori kina.

Vakatakila 12:9

A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritaki sobu mai ki vuravura kei ira taucoko sara na nona agilosi.