Luke 21:34 - Vakavakadewa Vou kei na iVola tale eso

³⁴ “Dou qarauni kemudou mo dou kakua ni vakasinaita na nomudou bula ena kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga o ya

Ai Vola Tabu (Vakadewa Makawa Vakavoutaki 2021)

³⁴ “Ia dou qarauni kemudou vinaka, de dua na siga sa bibi kina na yalomudou e na daukana, kei na daumateni, kei na lomaocaoca e na veika ni bula oqo, ka yaco vakidacala kina vei kemudou na siga ko ya.

AI VOLA TABU

³⁴ Ia dou qarauni kemudou vinaka, de dua na siga sa bibi kina na yalomudou e na daumateulu, kei na daumateni, kei na lomaocaoca e na veika ni bula o qo, ka yaco vakidacala kina vei kemudou na siga ko ya.

Vakavakadewa Makawa

³⁴ Ia dou qarauni kemudou vinaka, de dua na siga sa bibi kina na yalomudou e na daukana, kei na daumateni, kei na lomaocaoca e na veika ni bula oqo, ka yaco vakidacala kina vei kemudou na siga ko ya.

Ai Vola Tabu Ena Vakavakadewa Vou

³⁴ “Dou qarauni kemudou mo dou kakua ni vakasinaita na nomudou bula ena kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga o ya

Luke 21:34 Iomraidhean Croise

Vakatekivu 19:32

Lako mai, me daru vakamatenitaki tamadaru mada, me rawa kina ni daru moceri koya ka vakaluveni mai vua.”

Vakatekivu 19:35

Ena bogi o ya, erau a qai vagunuvi tamadrau tale ena waini ka qai moceri tamana kina o koya e gone; sa sivia talega na nona mateni ka sega ni vakila kina na ka oqo.

Vakatekivu 27:14

A sa lako yani o Jekope ka kauta mai e rua na luve ni me vei tinana; a sa mai vakarautaka yani o Repeka na kakana me vaka na kena e dau taleitaka o tamana.

NA SAME 35:8

Ia ena vesuki ira na veivakarusai ni bera ni ra kila, Era na coko ga ena nodra dai Ka sikalutu ena qara era kelia.

Vosavakaibalebale 21:4

Era sa lewai na tamata dauveivakaisini mai na nodra viavialevu kei na dokadoka, ka sai valavala ca oqo.

Vosavakaibalebale 23:20

Kakua ni vakailala vata kei ira era dau gunuva na waini kei ira era dau taleitaka na kana lewe ni manumanu,

Dauvunau 9:12

O na sega ni kila na yaco mai ni nomu gauna me vaka na manumanu vuka e coko vakasauri ena dai, ka vaka na ika e coko ena lawa, eda dau coko talega ena so na gauna ca eda sega ni namaka kina.

Aisea 28:7

O ira talega oqo sa vakacalai ena waini Ka vakasesei ena gunu kaukauwa; Oi rau na bete kei na parofita erau sa vakacalai ena gunu kaukauwa, Ka rawai rau na waini, Era sa vakasesei ena gunu kaukauwa; Ka rau sa cala ena raivotu, E rau sa yatayata ena lewa.

Osea 4:11

A sa kaya o Jiova, “Sa vakaleqa vakalevu na nodra vakasama na noqu tamata na waini vou kei na waini makawa!

Vunau ni Soro 10:9

“Dou kakua ni gunuva na waini se dua na gunu kaukauwa ni veivakamatenitaki, vei iko se o iratou na luvemu ni dou sa curu ki na Vale ni Veitavaki, de dou mate. Oqo me i vakarau tawa mudu vei ira kece na nomudou kawa.

Maciu 13:22

Na kena e kaburaki ena veiwavakavotona, sai koya e rogoca na vosa, ia, sa qai curu yani na lomaocaoca ni vuravura oqo, kei na veitemaki ni yau ka vakaruguta na vosa, ka sega kina ni vua.

Marika 13:9

“Ia oi kemudou, dou qarauni kemudou vinaka; ni ra na beitaki kemudou yani ki na mataveilewai eso, ka dou na vakanakuitataki ena veivalenilotu; ka dou na kau ena matadra na kovana, kei ira na tui ena vukuqu, me kena i vakadinadina vei ira.

Marika 4:19

ia sa qai curu yani na lomaocaoca ni vuravura oqo, na domona na i yau, kei na veimataqali gagadre tale e vuqa, ka vakaruguta na vosa ka sega kina ni vua.

Luke 10:41

Sa qai sauma o Jisu ka kaya vua, “I Marica, i Marica! O sa rui lomaocaocataka ka leqataka na veika e vuqa:

Luke 12:40

Oi kemudou talega mo dou vakarau tu, ni na yaco mai na Luve ni Tamata ena dua na gauna o dou sega ni namaka.”

Luke 17:3

Dou qarauni kemudou vinaka! “Kevaka e cala vei iko e dua na wekamu, vunauci koya; ia kevaka sa veivutuni, kakua ni cudruva.

Luke 21:35

me vaka na cariba ni dai; ka ni na yaco mai vei ira kece era tiko e dela i vuravura raraba.

Luke 21:8

Sa qai kaya o koya, “Dou qarauna mo dou kakua ni vakacalai; ni ra na lako mai e lewe vuqa ena yacaqu, ka ra mai kaya, ‘Sa i au ga o koya!’ ka ra na kaya talega, ‘Sa i koya oqo na kena gauna!’ Dou kakua ni muri ira.

Luke 8:14

Kei ira ka ra a lutu ena veiwavakavotona, sai ira era sa rogoca na vosa, ia ni ra sa lako tu ena nodra sala era sa vakaruguti ena lomaocaoca kei na i yau kei na veika ni lasa ni bula oqo, ka sa sega ni matua rawa na vuadra.

1 Korinica 5:11

Na i balebale ga ni noqu i vola o ya mo ni kakua ni vakailala vata kaya e dua sa kaya tiko ni sa tamata vakabauta, ia sa ia tikoga na veidauci, se daukocokoco, se dau qarava na kalou matakau, se dauveivakasewasewani, se daumateni, se daubutako. Mo kakua sara mada ga ni kana vata kei na tamata vaka o ya.

1 Korinica 6:10

se daubutako, se daukocokoco, se daumateni, se dauveivakasewasewani, se o ira na daukovekove.

Kalatia 5:20

na dausoro ki na matakau, na daucakaisausau, na dauveicati, na dauveileti, na dauveiqati ca, na daucudrucudru, na dauqara ga na ka me nona, na veisei kei na veitovaki vakailawalawa,

Vakarua 29:19

Mo ni qarauna me kakua ni dua e tu eke edaidai ka rogoca na veika e vinakati ena veiyalayalati oqo, me vakadinata e lomana. Na ka oqo ena vakarusai kemuni taucoko na tamata dodonu se tamata i valavala ca.

Filipai 4:6

Ni kakua ni lomaleqataka e dua na ka, ia na ka kece sara o ni vinakata mo ni kerea ga vua na Kalou ena masu kei na vakavinavinaka.

Iperiu 12:15

Ni qarauna me kakua ni dua me vakanadakuya na loloma-savu ni Kalou. Ni qarauna talega me kakua ni dua e yaco me vaka na kau gaga sa tubu cake ka vakavu leqa vei ira na lewe vuqa ena vuku ni kena gaga.

2 Pita 3:10

Ia ena yaco mai na Siga ni Turaga me vaka na daubutako. Ena Siga o ya, ena takali tani kina o lomalagi ena rorogo domoilevu, era na vakawaicalataki ena bukawaqa na veika era ciri tu e maliwa lala, ka na vakarusai vakadua o vuravura kei na veika kecega sa tu kina.

2 Pita 3:14

O koya oqo, kemuni na wekaqu, ni o ni sa waraka tiko na Siga oqo, mo ni gumatua sara kina mo ni savasava ka vinaka sara ena mata ni Kalou, ka mo ni tiko veiyaloni kaya tikoga.

Vakatakila 3:3

Mo qai nanuma na veika o sa vakatavulici kina kei na veika o sa rogoca; mo taura matua ka vuki tani mai na nomu i valavala ca. Ia kevaka o na sega ni yadra mai, au na lako vei iko me vaka na daubutako, ka o na sega sara ni kila na gauna ka'u na lako yani kina.

1 Samuela 25:36

A lesu tale vei Nepali o Apikali; ka ni a caka magiti tiko o koya ena nona vale me vaka na magiti sa ganita e dua na tui; a marau na yalo i Nepali, ni a mateni tiko, ia sa sega ni tukuna vua o koya e dua na ka me yacova na rarama ni mataka.