Luke 21:21 - Vakavakadewa Vou kei na iVola tale eso

²¹ Me ra qai dro o ira na tiko e Jutia ki na veiulunivanua; me ra qai laivi mai loma ni koro o ira era tiko kina, ka me ra kakua talega ni qai curu kina o ira era tu ena veivanua ena kena taudaku.

Ai Vola Tabu (Vakadewa Makawa Vakavoutaki 2021)

²¹ Me qai dro ki na veiulunivanua ko ira era sa tiko e Jutia, ia ko ira sa tiko e loma me ra lako tani yani, ka me kakua talega ni curu mai kina ko ira sa tiko e na veiyasana ki vanua,

AI VOLA TABU

²¹ mo qai dro ki na veiulu-ni-vanua ko ira era sa tiko e Jutia; ia ko ira sa tiko eloma me ra lako tani yani; me kakua talega ni curu mai kina ko ira sa tiko e na veiyasana kisau.

Vakavakadewa Makawa

²¹ me qai dro ki na veiulu-ni-vanua ko ira era sa tiko e Jutia; ia ko ira sa tiko eloma me ra lako tani yani; me kakua talega ni curu mai kina ko ira sa tiko e na veiyasana ki vanua.

Ai Vola Tabu Ena Vakavakadewa Vou

²¹ Me ra qai dro o ira na tiko e Jutia ki na veiulunivanua; me ra qai laivi mai loma ni koro o ira era tiko kina, ka me ra kakua talega ni qai curu kina o ira era tu ena veivanua ena kena taudaku.

Luke 21:21 Iomraidhean Croise

Vakatekivu 19:17

Ni ratou yaco yani ki na taudaku ni koro, a qai kaya vei Loti e dua na agilosi, “Mo dro yani, mo na bula kina, kakua ni rai ki muri, se vakacegu ena buca. Mo cici sara ki na ulunivanua, mo kakua kina ni mate.”

Vakatekivu 19:26

Ia sa rai lesu na wati Loti ni sa muri Loti tiko, ka sa yaco me duru masima.

Vosavakaibalebale 22:3

Na tamata yalomatua ena raica na leqa ni sa yaco mai ka na taqomaki koya, ia na tamata yalowai ena lako ga yani kina ka na qai veivutuni e muri.

Jeremaia 35:11

Ia a curuma mai na vanua oqo o Nepukanesa na tui Papiloni, keimami a nakita me keimami lako mai ki Jerusalemi ni keimami sa rerevaki ira na veimataivalu ni Papiloni kei Siria. Sa i koya o ya na vuna keimami a mani tiko kina e Jerusalemi.”

Jeremaia 37:12

A cavutu o Jeremaia me biuti Jerusalemi me lako ki na vanua i Penijamini me la'ki taukena na nona i votavota ni vanua vei ira na kai nona.

Jeremaia 6:1

Kemuni na kawa i Penijamini, ni dro mo ni bula! Ni lako tani mai Jerusalemi! Ni uvuca na davui mai Tekoa, ka vakaduria e dua na i vakatakilakila mai Peci Akerimi. Sa vakarau lako sobu mai na vualiku na leqa kei na veivakarusai levu.

Tiko mai na Lekutu 16:26

Sa qai kaya vei ira na lewenivanua, “Ni lako tani, au sa masuti kemuni, mai na nodra veivalelaca na tamata ca oqo, ka kakua ni tara e dua na nodra i yaya, de o ni vakarusai kina ena vuku ni nodra i valavala ca.”

Maciu 2:1

A sa sucu o Jisu mai Peceliema e Jutia ena gauna i Eroti na tui. Ni oti ga o ya, e ratou sa yaco yani ki Jerusalemi eso na tamata vuku mai na yasana vaka ki na tokalau,

Maciu 24:16

me ra qai dro sara ki na veiulunivanua o ira era sa tiko mai Jutia;

Marika 13:15

me kakua ni vakaoti gauna tale o koya sa tiko ena dela ni nona vale, me la'ki kauta mai kina e dua na ka.

Vakatakila 18:4

Au a qai rogoca e dua tale na domo mai lomalagi, ni sa kaya vakaoqo: “Ni lako tani mai vua, oi kemuni na noqu tamata! Ni kakua sara ni vakayacora vata kaya na nona i valavala ca; Ni kakua sara ni vota vata kaya na nona ka ni veivakararawataki!