Luke 2:44 - Vakavakadewa Vou kei na iVola tale eso

⁴⁴ Ia ni rau sa nanuma ga ni tiko o koya ena dua na matailakolako ka ra lako vata tiko, e rau sa mani lako tu ga ena siga taucoko o ya ni bera ni rau tekivu vakasaqarai koya vei ira na wekadrau kei na nodrau i tokani.

Ai Vola Tabu (Vakadewa Makawa Vakavoutaki 2021)

⁴⁴ A rau sa nanuma sa tiko ko koya kei ira sa lako tu, a rau sa lako ga e na dua na siga ka bogi; a rau sa qai vakasaqarai koya vei ira na kai nodra, kei ira era veikilai kei rau.

AI VOLA TABU

⁴⁴ A rau sa vakasama ni sa tiko ko koya kei ira sa lako tu, a rau sa lako ga e na dua na siga ka bogi; a rau sa vakasaqarai koya vei ira na kai nodra, kei ira era veikilai kei rau.

Vakavakadewa Makawa

⁴⁴ A rau sa nanuma sa tiko ko koya kei ira sa lako tu, a rau sa lako ga e na dua na siga ka bogi; a rau sa qai vakasaqarai koya vei ira na kai nodra, kei ira era veikilai kei rau.

Ai Vola Tabu Ena Vakavakadewa Vou

⁴⁴ Ia ni rau sa nanuma ga ni tiko o koya ena dua na matailakolako ka ra lako vata tiko, e rau sa mani lako tu ga ena siga taucoko o ya ni bera ni rau tekivu vakasaqarai koya vei ira na wekadrau kei na nodrau i tokani.

Luke 2:44 Iomraidhean Croise

NA SAME 42:4

Sa rarawa na yaloqu ni'u vakananuma na veika oqo: Na noqu a lako vata kei ira na lewe vuqa ki na vale ni Kalou, Ni'u a liutaki ira ena neimami lako voli, Oqori na i lala mamarau era sa lagalaga sere Ka reki ena vakacaucautaka na Kalou.

Aisea 2:3

“Me da cabe cake ki na ulunivanua i Jiova Ki na Valenisoro ni nodra Kalou na Isireli. Me da vulica kina na ka sa vinakata me da cakava, Ka muria na gaunisala sa digitaka. Sa lako mai Jerusalemi na i vakavuvuli i Jiova Ka sa vosa mai Saioni vei ira na nona tamata.”

Luke 2:43

Ni sa oti na solevu me ratou sa lesu tale, sa mani tiko laivi ga na cauravou lailai o Jisu mai Jerusalemi, ka rau sega ni kila na nona i tubutubu.

Luke 2:45

Ni rau sa sega ni kunei koya, e rau sa qai lesu tale ki Jerusalemi ka la'ki vakasaqarai koya kina.

Luke 23:49

Era a tu cake vakayawa tu ga yani ka raica na veika o ya o ira kece na i tokani voleka i Jisu kei iratou na yalewa ka muri koya voli mai Kalili.