Luke 19:26 - Vakavakadewa Vou kei na iVola tale eso

²⁶ ‘Au sa kaya vei kemudou, o koya yadua sa tu vua na ka, ena qai soli vakalevu tale yani vua; ia o koya e sega ni tu vua na ka, ena kau tani talega mai vua na ka e sa bau toka rawa vua.

Ai Vola Tabu (Vakadewa Makawa Vakavoutaki 2021)

²⁶ ‘Au sa kaya vei kemudou, o koya yadua sa tu vua na ka, ena soli vua, ia ko koya sa sega ni tu vua na ka, ena kau tani mai vua na ka sa tu vua.

AI VOLA TABU

²⁶ Niʼu sa kaya vei kemudou, O koya yadua sa tu vua na ka, ena soli vua: ia ko kova sa sega ni tu vua na ka, ena kau tani mai vua na ka sa tu vua.

Vakavakadewa Makawa

²⁶ Au sa kaya vei kemudou, O koya yadua sa tu vua na ka, ena soli vua; ia ko koya sa sega ni tu vua na ka, ena kau tani mai vua na ka sa tu vua.

Ai Vola Tabu Ena Vakavakadewa Vou

²⁶ ‘Au sa kaya vei kemudou, o koya yadua sa tu vua na ka, ena qai soli vakalevu tale yani vua; ia o koya e sega ni tu vua na ka, ena kau tani talega mai vua na ka e sa bau toka rawa vua.

Luke 19:26 Iomraidhean Croise

2 Samuela 7:15

Ia au na sega ni kauta tani mai vua na noqu yalololoma, me vaka ka'u a vakayacora vei Saula, o koya ka'u a vakasivoya me yaco rawa kina mo tui.

NA SAME 109:8

Me tini dole mada ga na nona bula, Me dua tale na tamata me taura na nona cakacaka.

Maciu 13:12

Ni o koya ga e tu vua na ka, ena soli vakalevu tale vua, ka na levu sara na nona, ia o koya e sega vua na ka, ena kau tani tale mai vua na ka sa bau toka vua.

Maciu 21:43

“O koya oqo au sa kaya kina vei kemudou, ena kau tani mai vei kemudou na matanitu ni Kalou, ka me soli ki na dua na matanitu e vuataka mai na vuana.

Marika 4:25

O koya sa tu vua eso na ka ena soli vakalevu tale vua, ia o koya e segai na ka e tu vua ena kau tani mai vua na ka e sa bau toka vua.”

Luke 16:3

Sa qai vakananuma e lomana na dauniyau ka kaya, ‘Na cava beka me'u cakava ni sa vakarau kauta tani vei au na noqu turaga na cakacaka vakadauniyau? Au sega soti ni kaukauwa me'u rawata na cukicuki, ka'u rui madua ena kerekere wavoki.

Luke 19:25

Era sa qai kaya vua, ‘Turaga sa tu rawa tu vua e tini na i lavo koula!’

Luke 8:18

“Ni qarauni kemuni kina ena i tovo ni nomuni dau vakarorogo; o koya ga sa tu vua na ka ena soli vakalevu tale vua, ia o koya e sega na ka e tu vua, ena kau tani mai vua na ka e nanuma ni sa bau tu vua.”

Cakacaka 1:20

“Ni sa volai tu ena i Vola ni Same, ‘Me lala didi sara na nona vale, Ka me kakua ni dua e tawana.’ Sa volai talega: ‘Me qai dua tani tale me taura na nona i tutu.’

2 Joni 1:8

Ni qarauni kemuni vinaka, mo ni kakua kina ni vakayalia na veika eda cakacakataka oti, ia mo ni na taura ga na kena i sau taucoko sara.

Vakatakila 2:3

O sa dau vosota ka sa vakararawataki ena vukuqu, ia o sa sega ga ni yalolailai.

Vakatakila 3:11

Sa voleka sara na noqu lesu yani. Taura matua na ka sa tu vei iko, me kakua kina ni dua e kovea na nomu i cocovi ni qaqa.

1 Samuela 15:28

A sa kaya vua o Samuela, “Sa kaliraka mai vei iko edaidai o Jiova na matanitu o Isireli, ka solia vua e dua tale na kai nomu sa uasivi cake mai vei iko.

1 Samuela 2:30

O koya oqo, sa lewa kina o Jiova na nodra Kalou na Isireli, ‘Au a kaya vakaidina me ra vakaitavi vakabete e mataqu na nomu lewe ni vale, kei ira na lewe ni vale i tamamu, ka sega ni mudu.’ Ia oqo sa kaya o Jiova, ‘Me yawa vei au oqo, ka ni'u sa na sega ni vosota tale, ni'u na vakarokorokotaki ira ga era sa vakarokorokotaki au; ia o ira era beci au, era na beci talega.