Luke 19:17 - Vakavakadewa Vou kei na iVola tale eso

¹⁷ Sa qai kaya vua o koya, ‘Vinaka vakalevu! O iko na tamata vinaka ka gugumatua! Ni o sa yalodina ena ka lailai sara, au sa lesi iko mo lewa e tini na koro.’

Ai Vola Tabu (Vakadewa Makawa Vakavoutaki 2021)

¹⁷ A sa kaya vua ko koya, ‘E vinaka, na tamata vinaka! Ni ko sa dina e na ka lailai sara, mo lewa na koro e tini.’

AI VOLA TABU

¹⁷ A sa kaya vua ko koya, E vinaka, na tamata vinaka: e na vuku ni ko sa dina e na ka lailai sara, mo lewa na koro e tini.

Vakavakadewa Makawa

¹⁷ A sa kaya vua ko koya, E vinaka, na tamata vinaka: ia ni ko sa dina e na ka lailai sara, mo lewa na koro e tini.

Ai Vola Tabu Ena Vakavakadewa Vou

¹⁷ Sa qai kaya vua o koya, ‘Vinaka vakalevu! O iko na tamata vinaka ka gugumatua! Ni o sa yalodina ena ka lailai sara, au sa lesi iko mo lewa e tini na koro.’

Luke 19:17 Iomraidhean Croise

Vakatekivu 39:4

A sa taleitaki Iosefo vakalevu o Potifa ka sa lesi koya kina me liutaki ira na dauveiqaravi e nona vale, ka me lewa na veika kecega sa taukena.

Vosavakaibalebale 27:18

O koya sa qarava vinaka e dua na vunilolo ena kania na vuana. Na dauveiqaravi ena qarava vinaka na nona turaga ena dokai.

Maciu 25:21

Sa qai kaya vei koya na nona turaga, ‘Daumaka dina, tamata vinaka ka dina. Ni o sa dina ena veika e vica walega, ka'u na lesi iko kina mo lewa na veika e vuqa. Curu ki na marau ni nomu turaga.’

Luke 16:10

O koya sa dina ena ka lailai, ena dina talega ena ka levu; ia o koya sa sega ni dodonu ena ka lailai, ena sega ni dodonu talega ena ka levu.

Luke 19:16

Sa qai lako yani na i matai ni tamata, ka kaya, ‘Turaga, au sa rawata e tini tale na i lavo koula mai na kena o ni a solia vei au.’

Luke 19:18

Sa qai lako yani na i karua ni tamata, ka kaya, ‘Turaga, au sa rawata e lima tale na i lavo koula mai na kena o ni a solia vei au.’

Luke 22:30

Dou na kana ka gunu ena noqu teveli ena noqu Matanitu, ka dabe ena i dabedabe vakatui ka vakatulewa vei ira na yavusa e tinikarua ni Isireli.

Roma 2:29

Ia na Jiu dina sara sai koya ka sa Jiu ena tamata e loma, ka kena i balebale o ya ni sa cilivi na yalona, ka sa yaco rawa oqo ena cakacaka ni Yalo ni Kalou, ka segai ena vuku ni Lawa sa volai. Na tamata oqo sa sega ni dokai mai vei ira na tamata, ia sa dokai ga mai vua na Kalou.

1 Korinica 4:5

O koya oqo mo ni kakua kina ni vakalewa e dua na tamata ni se bera na kena gauna. Me tu vakawawa ga na i otioti ni veilewai me yacova na nona lako mai na Turaga. Ena vakaraitaka mai o koya na veika sa vunitaki tu ena butobuto, ka vakatakila mai na i naki ni lomadra na tamata. Ia sa na qai solia na Kalou ki na tamata yadua na veivakacaucautaki sa veiganiti kaya.

2 Timoci 2:10

Ia ena vukudra na digitaki ni Kalou, au sa rawa ni vosota kina na veika oqo me ra rawata kina na lagilagi kei na veivakabulai tawamudu sa tu vei Karisito Jisu.

1 Pita 1:7

Sa kedra i naki ga me vakadinati kina na dina ni nomuni vakabauta ni sa vakatovolei. Ni sa talei vakalevu cake na nomuni vakabauta mai na koula sa caca rawarawa, e dina ga ni dau vakatovolei ena bukawaqa. O ni na qai vakaivotavota emuri ena lagilagi kei na dokai ena Siga sa vakatakilai kina o Jisu Karisito.

1 Pita 5:4

Ia ni sa rairai mai o koya na i Vakatawa Liu, o ni na rawata kina na i sala lagilagi sa sega ni takali rawa na kena i serau.

1 Samuela 2:30

O koya oqo, sa lewa kina o Jiova na nodra Kalou na Isireli, ‘Au a kaya vakaidina me ra vakaitavi vakabete e mataqu na nomu lewe ni vale, kei ira na lewe ni vale i tamamu, ka sega ni mudu.’ Ia oqo sa kaya o Jiova, ‘Me yawa vei au oqo, ka ni'u sa na sega ni vosota tale, ni'u na vakarokorokotaki ira ga era sa vakarokorokotaki au; ia o ira era beci au, era na beci talega.