Luke 18:7 - Vakavakadewa Vou kei na iVola tale eso

⁷ Ena qai sega li ni vakatauca na Kalou na lewa dodonu ka vinaka vei ira na nona digitaki era sa dau tagi vua ena siga kei na bogi? Ena berabera li na kena yaco mai na nona veivuke?

Ai Vola Tabu (Vakadewa Makawa Vakavoutaki 2021)

⁷ Ia na Kalou, ena sega li ni lewai ira vakadodonu na nona digitaki era dautagi tikoga vua e na siga kei na bogi? Ena vakaberaberataka li vakabalavu na nona vukei ira?

AI VOLA TABU

⁷ ia ko na Kalou, ena sega li ni tara kedrai sau na nona digitaki, era dautagi tikoga vua e na siga kei na bogi, io, kevaka sa bera na nona saumi ira?

Vakavakadewa Makawa

⁷ ia na Kalou, ena sega li ni cudruvaki ira na nona digitaki, era dautagi tikoga vua e na siga kei na bogi, io, kevaka sa dede na nona vosoti ira?

Ai Vola Tabu Ena Vakavakadewa Vou

⁷ Ena qai sega li ni vakatauca na Kalou na lewa dodonu ka vinaka vei ira na nona digitaki era sa dau tagi vua ena siga kei na bogi? Ena berabera li na kena yaco mai na nona veivuke?

Luke 18:7 Iomraidhean Croise

NA SAME 88:1

I Jiova, na Kalou dauveivakabulai, au sa tagi voli ga ena siga taucoko, Ka'u sa lako yani e matamuni ena bogi.

NA SAME 9:8

Sa lewa tiko na vuravura ena lewa vinaka Ka veilewaitaki ira na tamata ena lewa dodonu.

Lako Yani 22:23

Ia kevaka o ni vakasosataki ira ka ra qai tagi mai vei au, au na rogoci ira vakaidina,

Aisea 40:27

Na cava o kudruvaka Isireli, Na cava o kaya kina Jekope Ni sa sega ni kila na nomu leqa o Jiova Se sa sega ni kauwaitaka na veika o dodonu kina?

Apakuki 2:3

Mo vola na i tukutuku me tu vakaivola baleta ni oqo e se sega ni gauna me yaco kina na ka oqo. Ia sa totolo tiko na lako ni gauna, ka'u na vakaraitaka vei iko ni na yaco dina sara na veika au sa tukuna oqo vei iko. A kena i rairai beka ni na berabera na kena yaco mai, ia mo waraka ga; ena qai yaco dina ga ena gauna au sa lokuca, ena sega ni lokuyarataki tale.

Maciu 24:22

Ia kevaka e qai sega ni vakalekalekataki na gauna o ya, ena sega ni bula rawa tale e dua na tamata; ia ena vukudra ga na digitaki, sa na vakalekalekataki kina na gauna oqori.

Maciu 24:24

Ni ra na tubu mai na Mesaia vakailasu kei na parofita vakailasu, ka ra na vakaraitaka mai na veivakatakilakila lelevu kei na veika veivakurabuitaki me vakacalai ira kina na tamata digitaki ni Kalou.

Maciu 7:11

Io, kevaka dou sa kila oi kemudou na tamata ca na solia na ka vinaka vei ira na luvemudou, sa na wacava na Tamamudou mai lomalagi na nona via solia na veika vinaka vei ira sa kerekere vua!

Luke 11:13

O koya oqo, oi kemudou na tamata ca, ni kevaka dou sa dau solia na ka vinaka vei ira na luvemudou, sa na qai ka levu cake sara na nona solia na Yalo Tabu na Tamamudou vakalomalagi vei ira vakayadua era sa kerea vua!”

Luke 2:37

ia sa yada tu oqo o koya ka sa yabaki 84. E sega ni dau lako tani mai na Valenisoro o koya ni sa dau lotu, ka lolo masumasu ena siga kei na bogi.

Luke 21:28

Ia ni sa tekivu me yaco na veika oqo, dou tacake, ka vagelegelei kemudou, ni sa voleka mai na nomudou vakabulai.”

Roma 8:33

O cei ena beitaki ira na digitaki ni Kalou? Na Kalou sara ga vakaikoya e sa vakadonui ira ka sa okati ira me ra sai valavala dodonu!

Kolosa 3:12

Sa i kemuni na nona tamata na Kalou, o koya sa daulomani kemuni ka sa digitaki kemuni. O koya oqo mo ni vakaisulu kina ena dauloloma, ena yalovinaka, ena yalomalumalumu, ena yalomalua kei na vosota vakadede.

1 Cesalonaika 3:10

Keitou sa masulaka vagumatua ena siga kei na bogi me da na sota, ka me keitou vakarautaka na veika eso o ni gadreva me baleta na nomuni vakabauta.

2 Cesalonaika 1:6

Ia ena vakayacora ga na ka dodonu na Kalou: ena vakararawataki ira sa vakavuna na nomuni rarawa o koya,

1 Timoci 5:5

Na yada ka sa tiko taudua voli ga, ka sa sega e qaravi koya, sa vagolea ga na nona vakanuinui vua na Kalou, ka sa dau masu vakawasoma me kerea vua na veivuke ena siga kei na bogi.

2 Timoci 1:3

Au sa vakavinavinaka vua na Kalou, o koya au sa qarava ena lewa-e-loma sa savasava, me vaka era sa vakayacora na noqu qase eliu. Au sa vakavinavinaka vua ena veigauna au dau nanumi iko kina ena noqu masu wasoma ena bogi kei na siga.

2 Timoci 2:10

Ia ena vukudra na digitaki ni Kalou, au sa rawa ni vosota kina na veika oqo me ra rawata kina na lagilagi kei na veivakabulai tawamudu sa tu vei Karisito Jisu.

Vei Taito 1:1

Mai vei Paula, na dauveiqaravi ni Kalou ka i apositolo i Jisu Karisito. Au sa digitaki ka talai me'u vukea na kena tara cake na nodra vakabauta na tamata digitaki ni Kalou ka vakavulici ira ena i vakavuvuli dina ni noda lotu,

1 Pita 1:1

Mai vei Pita, e dua na i apositolo i Jisu Karisito. Kivei ira na tamata digitaki ni Kalou era sa tiko vakavulagi ka duiveiseyaki tu mai Ponito, kei Kalatia, kei Kapatosia, kei Esia, kei Picinia.

2 Pita 3:9

Sa sega ni berabera na Turaga ni vakayacora na nona vosa ni yalayala, me vaka era sa nanuma eso. Ia sa vosoti kemuni ga vakadede, baleta ni sa sega ni vinakata o koya me rusa e dua, ia me ra veivutunitaka ga na nodra i valavala ca na tamata yadua.

Vakatakila 18:20

“Mo reki sara, o iko lomalagi, baleta ni sa vakarusai o koya! Mo ni reki talega, oi kemuni na tamata ni Kalou, kei kemuni na i apositolo, kei kemuni na parofita! Ni sa qai cudruvi koya vakaoqo na Kalou ena vuku ni veika sa vakayacora vei kemuni!”

Vakatakila 6:10

Era sa kaci ena domolevu, “Oi kemuni na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei keimami?”

Vakatakila 7:15

Oqori na vuna era sa tu kina ena mata ni tikotiko vakaturaga ni Kalou ka qaravi koya ena siga kei na bogi ena loma ni nona vale tabu. Ia o koya sa tiko ena i tikotiko vakaturaga sa taqomaki ira ni sa tiko vata ga kei ira.