Luke 17:16 - Vakavakadewa Vou kei na iVola tale eso

¹⁶ A sa bale sobu ki na qele ena mata i Jisu, ka vakavinavinaka vua. A sa kai Samaria na tamata oqo.

Ai Vola Tabu (Vakadewa Makawa Vakavoutaki 2021)

¹⁶ A sa cuva vakatoboicu ki na yava i koya, ka vakamolimoli vua. Ia sa kai Samaria ko koya.

AI VOLA TABU

¹⁶ A sa bale vakatobocu ki na yava i koya, ka vakamolimoli vua: ia na kai Samaria ko koya.

Vakavakadewa Makawa

¹⁶ A sa cuva vakatoboicu ki na yava i koya, ka vakamolimoli vua: ia sa kai Samaria ko koya.

Ai Vola Tabu Ena Vakavakadewa Vou

¹⁶ A sa bale sobu ki na qele ena mata i Jisu, ka vakavinavinaka vua. A sa kai Samaria na tamata oqo.

Luke 17:16 Iomraidhean Croise

Vakatekivu 17:3

A bale ka cuva sobu vakatoboicu o Eparama, a qai kaya vua na Kalou,

Maciu 10:5

Sa qai talai iratou yani na lewe tinikarua oqo o Jisu, ka vakaroti iratou ka kaya, “Dou kakua ni muria na sala kivei ira na veimatanitu tani, ka mo dou kakua ni curu ki na dua na koro vaka-Samaria;

Maciu 2:11

Ia ni ratou sa curu ki vale, e ratou sa raica na gone kei Maria na tinana. E ratou sa tekiduru ka vakarokoroko vua. E ratou sa qai dolava na nodratou taga ka cabora vua na nodratou i loloma; na koula, na ferekiniseni, kei na mura.

Marika 5:33

Ia na yalewa, ni sa kila na ka sa yacovi koya, sa qai lako mai, ka sa sautaninini ena levu ni rere, ka bale sobu ki na yava i Jisu, ka tukuna vua na kena dina taucoko.

Luke 17:17

Sa qai kaya o Jisu, “E sega li ni lewe tini e ratou a vakasavasavataki? Sa evei ga o iratou na lewe ciwa?

Luke 5:8

Ia ni sa raica o Saimoni Pita na ka oqo, a sa tekiduru sobu ena mata i Jisu, ka kaya, “Turaga, mo ni lako tani vei au! O au oqo e dua na tamata i valavala ca!”

Joni 4:9

Sa qai kaya vua na yalewa ni Samaria, “E rawa vakacava vei iko, ni o kai Jutia, mo kere wai vei au, ni'u yalewa ni Samaria?” (Ni sa sega ni rawa vei ira na Jiu me ra vakayagataka vata na bilo kei na i takitaki era sa vakayagataka na kai Samaria.)

Joni 5:23

me ra vakarokorokotaka kina na Luvena na tamata kecega me vaka era vakarokorokotaka na Tamana. O koya e sega ni vakarokorokotaka na Luvena e sega talega ni vakarokorokotaka na Tamana, o koya ka a talai koya mai.

Joni 8:48

Era sa qai sauma na Jiu, ka kaya vua, “E sega li ni dina na neimami a kaya ni o kai Samaria, kei na neimami a kaya talega ni curumi iko tiko e dua na tevoro?”

Cakacaka 1:8

Ia dou na vakasinaiti ena kaukauwa ni sa sobuti kemudou na Yalo Tabu, ka dou na qai noqu i vakadinadina e Jerusalemi, kei Jutia taucoko kei Samaria, ka yacova na i yalayala kei vuravura.”

1 Korinica 14:25

ena vakavotui na veika vuni ni lomadra, era na qai cuva sobu ka vakarokorokotaka na Kalou, ka vakatusa, “Sa tiko vakaidina na Kalou ena kemuni maliwa!”

Vakatakila 19:10

Au sa qai bale sobu ki yavana ena vakarokoroko, ia sa qai kaya vei au o koya, “Kakua sara ni kitaka oqori! Oi au na nomu i tokani dauveiqaravi ka vakakina o ira na veiwekani sa vakabauta, o ira kece era sa taura dei tiko na dina sa vakatakila o Jisu. Mo vakarokorokotaka ga na Kalou!” Ni sa veivakauqeti vei ira na parofita na dina ka sa mai vakatakila o Jisu.

Vakatakila 4:10

era sa bale sobu kecega ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa biuta sobu na nodra i sala ena mata ni tikotiko vakaturaga ka kaya,

Vakatakila 5:14

E ratou sa qai kaya na veika bula e va, “Emeni!” Era sa qai bale sobu na qase ena vakarokoroko.