Luke 16:9 - Vakavakadewa Vou kei na iVola tale eso

⁹ A sa kaya o Jisu, “Au sa tukuna kina vakaoqo vei kemudou: dou vakayagataka na i yau sa rawati mai na veisala qaseqase eso mo dou rawata kina na nomudou i tokani. Ia ni sa oti oqo, dou na kidavaki ki na i tikotiko tawamudu.

Ai Vola Tabu (Vakadewa Makawa Vakavoutaki 2021)

⁹ Ia ka’u sa kaya vei kemudou, mo dou cakava eso me wekamudou e nai yau e sega ni dina; me ra na kauti kemudou kina ni dou na mate ki na veitikotiko e sega ni oti rawa.

AI VOLA TABU

⁹ Ia kaʼu sa kaya vei kemudou, Cakava e so me wekamudou e nai yau e tawa dina; me ra na kauti kemudou kina ki na veitikotiko e tawa oti rawa, ni dou na mate.

Vakavakadewa Makawa

⁹ Ia ka’u sa kaya vei kemudou, Mo dou cakava eso me wekamudou e nai yau e sega ni dina; me ra na kauti kemudou kina ni dou na mate ki na veitikotiko e sega ni oti rawa.

Ai Vola Tabu Ena Vakavakadewa Vou

⁹ A sa kaya ko Jisu, “Au sa tukuna kina vakaoqo vei kemudou: dou vakayagataka na i yau sa rawati mai na veisala qaseqase eso mo dou rawata kina na nomudou i tokani. Ia ni sa oti oqo, dou na kidavaki ki na i tikotiko tawamudu.

Luke 16:9 Iomraidhean Croise

NA SAME 73:26

Na noqu vakasama kei na yagoqu ena malumalumu mai, Ia, sa noqu vu ni kaukauwa ga na Kalou; Ni sai koya ga ka'u sa gadreva ena vuravura taucoko.

Vosavakaibalebale 14:24

Era na saumi na yalomatua ena vutuniyau, ia na tamata yalowai ena kilai ena nona lialia.

Vosavakaibalebale 19:17

Na nomu soli-ka vua na tamata dravudravua sa vaka na soli-ka vei Jiova, baleta ni na sauma lesu o Jiova.

Vosavakaibalebale 23:5

Sa na rawa me takali yani vakasauri na nomu i lavo, me vaka era sa vakatabana ka vuka tani yani me vaka na ikeli.

Dauvunau 11:1

Vakacuruma na nomu i lavo ena veivoli ki na veivanua tani, ia ena dua na siga o sa na rawata kina e dua na kena tubu.

Aisea 57:16

Au a solia na bula vei ira; Ka'u na sega ni veibeitaki tikoga, Se cudruvi ira tikotiko ga.

Taniela 4:27

O koya oqo oi kemuni na tui, mo ni qai muria mada na noqu i vakasala. Mo ni caka dodonu ka muduka na i valavala ca. Ni lomani ira na dravudravua. Oqo o ni na qai tubu cake tikoga kina.”

Maciu 19:21

Sa qai kaya vua o Jisu, “Kevaka o vinakata me sa vinaka sara, mo lako, ka volitaka na nomu i yau ka solia vei ira na dravudravua, o na qai vakaiyau mai lomalagi, lako mai ka muri au.”

Maciu 6:19

“Dou kakua ni kumuna vata vei kemudou na i yau e vuravura ena vanua e dau vakacacana na sarasara kei na veveka, ka ra dau curu botea kina na daubutako ka butakoca,

Maciu 6:24

“E sega ni dua na tamata me qarava rawa e le rua na turaga. Ni na cata e dua ka lomana ga e dua, se ena kabita sara e dua ka beci koya ka dua. Dou sega ni qarava rawa na Kalou kei na i yau.

Luke 11:41

Ia ni solia me ka ni loloma vei ira na dravudravua na veika sa tu vei kemuni, ka raica sa na savasava vei kemuni na ka kecega.

Luke 12:33

Dou volitaka na veika e tu vei kemudou ka solia na kena i lavo vei ira na dravudravua; dou vakarautaka ga na nomudou taga ni lavo e sega ni madra rawa, ka maroroya na i yau mai lomalagi ena sega ni oti rawa, ena tikina e sega ni torova rawa na daubutako, se kakana kina na sarasara.

Luke 14:14

o na qai kalougata kina, ka ni ra na sega ni dolea rawa vei iko e dua na ka. Ena qai dolea vei iko na Kalou ena siga ni nodra tucake tale mai na mate na yalododonu.”

Luke 16:11

Ia kevaka dou sa sega ni dina ena i yau vakavuravura, o cei ena nuitaki kemudou ena i yau dina?

Luke 16:13

“E sega ni dua na tamata e qarava rawa e rua na turaga; ni na cata e dua ka lomani koya ka dua; se ni na soli koya sara vua e dua ka beci koya ka dua. Dou na sega ni qaravi rau vata rawa na Kalou kei na i yau.”

Luke 16:4

Io, au sa qai kila na ka me'u cakava! Ena gauna au sa vakacegui kina mai na noqu cakacaka, era na sureti au vakaidina na noqu i tokani ki na nodra veivale.’

Cakacaka 10:31

E a kaya vei au o koya, ‘I Konilio, sa rogoci na nomu masu ka sa nanumi na nomu cakacaka vinaka ni loloma ena mata ni Kalou.

Cakacaka 10:4

A mai vakaraici koya matua yani o Konilio ena taqaya, ka kaya, “Sa vakaevei saka?” Sa qai kaya vua o koya, “Sa marautaka dina na Kalou na nomu masu kei na nomu cakacaka vinaka ni loloma, ka sa tu vakarau me sauma vei iko.

2 Korinica 4:17

Na noda rarawa mamada oqo ena kauta mai vei keda e dua na lagilagi vakaitamera ka tawamudu, sa levu cake mai na noda rarawa.

Ai Vola I Juta 1:21

Ni maroroi kemuni ena loloma ni Kalou ka nuitaka na yaloveivosoti ni noda Turaga o Jisu Karisito ki na bula tawamudu.