Luke 16:19 - Vakavakadewa Vou kei na iVola tale eso

¹⁹ “E a tiko e dua na tamata vutuniyau, ka dau vakaisulu ena i sulu lokaloka kei na lineni malumu, ka dau kana ka marau vakalevu tu ga ena veisiga.

Ai Vola Tabu (Vakadewa Makawa Vakavoutaki 2021)

¹⁹ “Sa dua na tamata vutuniyau, sa vakaisulu e nai sulu lokaloka kei na lineni matailalai, a sa daumarau vakalevu e na veisiga kecega.

AI VOLA TABU

¹⁹ A sa dua na tamata vutuniyau, sa vakaisulu e nai sulu damudamu kei na malo matailalai, a sa daumarau vakalevu e na veisiga kecega:

Vakavakadewa Makawa

¹⁹ Sa dua na tamata vutuniyau, sa vakaisulu e nai sulu lokaloka kei na lineni matailalai, a sa daumarau vakalevu e na veisiga kecega:

Ai Vola Tabu Ena Vakavakadewa Vou

¹⁹ “E a tiko e dua na tamata vutuniyau, ka dau vakaisulu ena i sulu lokaloka kei na lineni malumu, ka dau kana ka marau vakalevu tu ga ena veisiga.

Luke 16:19 Iomraidhean Croise

Esiteri 8:15

Ni lesu mai vua na tui o Motekai, a daramaka tu mai e dua na kote balavu vakatui, karakarawa ka vulavula na rokana, kei na dua na i tiniyara roka lokaloka ka tali ena lineni matailalai. A ka levu sara na marau kei na kaikaila vei ira ena koro levu o Susa.

Vosavakaibalebale 14:24

Era na saumi na yalomatua ena vutuniyau, ia na tamata yalowai ena kilai ena nona lialia.

Vosavakaibalebale 31:22

Sa cakava ga na nona i tutuvi, ka daramaka na i sulu lokaloka vinaka sara.

Aisea 3:23

Na nodra i sulu lineni, i sala kei na i ubi balavu.

Isikeli 16:13

Ia o a vakaiukuukutaki ena koula kei na siliva; ia na nomu i sulu lineni matailalai, na silika, na i sulu veivolavolai; a kemu madrai droka vinaka, na oni, kei na waiwai ni kakana. Ka o sa matavinaka sara mai, ka sa yaco mo vanua matanitu.

Isikeli 16:49

Raica oqo, sa caka cala i Sotoma na ganemu, na viavialevu, na daumamau sivia ena kakana, na dauvakacegu wale ni tu vinaka, ia ka sega ga ni vukei ira na malumalumu kei na dravudravua.

Isikeli 27:7

Ia na laca mo vakarewataka sai koya na lineni matailalai mai Ijipita; Ka sa nomu drotini ni waqa na i sulu karakarawa ka lokaloka mai na baravi kei Ilaisa, Ka sa nomu i vakaruru talega.

Marika 15:17

Era sa qai vakasulumi koya ena i sulu roka lokaloka, na roka ni sulu vakatui, ka ra talia e dua na i sala wavakavotona ka ra vakatokara vua.

Marika 15:20

Ni sa oti na nodra vakalialiai koya, era sa qai luvata laivi mai vua na i sulu lokaloka, ka vakadarama vua na nona i sulu dina. Era sa qai kauti koya me vakoti ki na kauveilatai.

Luke 15:13

Ni sa oti e vica na siga sa qai kumuna vata na nona ka kecega na gone ka lako ki na dua na vanua yawa; ka vakasabusabutaka kina na nona i yau ena veimataqali marau ca.

Luke 16:1

Sa qai kaya talega o Jisu vei iratou na nona tisaipeli, “E a tiko voli e dua na tamata vutuniyau kei na nona dauveiqaravi ka cakacaka vakadauniyau e rukuna. Sa qai beitaki vua na nona dauniyau ni sa vakayalia tiko na nona i yau.

Luke 16:18

“Na tagane yadua sa biuta na watina ka la'ki vakawati kei na dua tale na yalewa sa dauyalewa o koya; kei na tagane sa vakawatitaka na yalewa veibiu sa dauyalewa talega o koya.

Luke 16:20

E a tiko talega e kea e dua na tamata dravudravua ena nona matavuvale. A yacana o Lasarusa, ka robota tu na yagona na vidikoso.

Vakatakila 17:4

A sa vakaisulu na yalewa oqo ena i sulu lokaloka kei na i sulu damudamu, ka sa vakaiukuuku ena koula, na veivatu talei, kei na mataniciva. A sa taura tu e ligana e dua na bilo koula sa sinai ena veika vakasisila ka duka ni nona dautagane.

Vakatakila 18:16

“Sa vakadomobula dina! Sa rui vakaloloma na koro cecere oqo! A dau vakasulumi koya tu ena lineni matailalai, ena i sulu lokaloka, kei na i sulu damudamu rarama, ka dau ukucavutaki koya ena koula, kei na veivatu talei, kei na mataniciva!

Vakatakila 18:7

Solia vua na i votavota ni yaluma kei na rarawa Sa veirauti kaya na nona vakalagilagi koya kei na nona tiko vinaka. Ni sa kaya e lomana o koya, ‘Sa i au ga oqo, na ranadi! Au sega ni yada oi au, Ka'u na sega ni kila na rarawa!’

Dauveilewai 8:26

Ia na sau koula kecega sa kumuna vata o Kitione ka rauta e ruasagavulu na kilokaramu, ia oqo e sega ni okati kina na i taube kei na i sulu lokaloka, o ya era a daramaka na kai Mitiani ka vaka talega kina na i sulu a vau e domodra kei na veivatu talei ena domodra na kameli.