Luke 15:29 - Vakavakadewa Vou kei na iVola tale eso

²⁹ Ia sa kaya ga vei tamana o koya, ‘Raica, ena veiyabaki kece oqo au cakacaka tu kina vei iko me vaka e dua na bobula, ka'u sega sara ni bau talaidredre ki na nomu lewa; ia o sega ni bau solia vei au e dua wale mada ga na luve ni me, me'u marau vata kina kei ira na noqu i tokani!

Ai Vola Tabu (Vakadewa Makawa Vakavoutaki 2021)

²⁹ Ia sa qai vosa ko koya ka kaya vei tamana, ‘Raica, e na veiyabaki e vuqa oqo ka’u sa dauqaravi iko kina, ka’u a sega vakadua ni talaidredre ki na nomu vosa, ia ko a sega vakadua ni bau solia vei au e dua na luve ni me, ka me keitou marau vata kina kei ira na noqu i tokani.

AI VOLA TABU

²⁹ Sa qai vosa ko koya, ka kaya vei tamana, Raica, e vuqa na yabaki o qo kaʼu sa qaravi iko kina, ia kaʼu sa sega sara ni talaidredre ki na nomu vosa: ia ko sa sega sara ni solia vei au e dua na luve ni koti, me keitou marau vata kina kei ira na wekaqu:

Vakavakadewa Makawa

²⁹ Sa qai vosa ko koya, ka kaya vei tamana, Raica, e vuqa na yabaki oqo ka’u sa qaravi iko kina, ia ka’u sa sega sara ni talaidredre ki na nomu vosa: ia ko sa sega sara ni solia vei au e dua walega na luve ni me, me keitou marau vata kina kei ira na wekaqu:

Ai Vola Tabu Ena Vakavakadewa Vou

²⁹ Ia sa kaya ga vei tamana o koya, ‘Raica, ena veiyabaki kece oqo au cakacaka tu kina vei iko me vaka e dua na bobula, ka'u sega sara ni bau talaidredre ki na nomu lewa; ia o sega ni bau solia vei au e dua wale mada ga na luve ni me, me'u marau vata kina kei ira na noqu i tokani!

Luke 15:29 Iomraidhean Croise

Aisea 65:5

Era sa qai dau kaya vei ira na tani Me ra kakua ni voleka mai vei ira Ni ra sa rui savasava. Au sa sega ni vosota rawa na tamata vaka o ya. Na noqu cudruvi ira e vaka na buka Sa sega ni lako ki tuba.

Sakaraia 7:3

me ra taroga talega vei ira na bete kei ira na parofita na taro oqo: “E dodonu beka me keimami vakaloloku tikoga ena vuku ni kena a vakarusai na Valenisoro, ka daulolo ena i kalima ni vula me vaka keimami sa dau vakayacora tiko mai ena vuqa na yabaki?”

Malakai 3:14

O kemuni o ni sa kaya, ‘Sa sega na betena na qaravi Kalou. A cava na kena yaga me da cakava kina na veika sa tukuna, se me da vakaraitaka vei Jiova ni lewevuqa na noda sa veivutunitaka na veika eda sa vakayacora?

Maciu 20:12

ka kaya, ‘O ira oqo ka qai vakacakacakataki sara e muri era cakacaka ga ena dua na aua, ia o sa vakatautauvatataki ira vata kei keimami sa colata na bibi ni siga taucoko kei na katakata ni siga.’

Luke 15:28

“A sa cudru vakalevu sara o tuakana ka bese ni curu ki vale. Sa qai curu mai ki tautuba o tamana ka vakamasuti koya me curu yani ki loma.

Luke 15:30

Ia na luvemu oqo sa vakayalia kece na nomu i yau vei ira na yalewa dautagane, ia ni sa lesu mai ki vale, o sa qai vakamatea na luve ni bulumakau uro ena vukuna!’

Luke 15:7

Au sa kaya vei kemuni, ena vakakina na levu ni reki mai lomalagi ena vukuna e dua bau ga na tamata i valavala ca sa veivutuni, ka sega soti ena vukudra na lewe ciwasagavulukaciwa na tamata yalo dodonu ka sega ni yaga me ra veivutuni.

Luke 17:10

Me vaka talega kina oqo vei kemudou; ni dou sa vakayacora na ka kecega sa vakaroti vei kemudou, mo dou qai kaya, ‘Keitou sa tamata dauveiqaravi ga; keitou sa cakava ga na neitou i tavi.’ ”

Luke 18:9

Sa qai tukuna talega na vosa vakatautauvata oqo o Jisu vei ira eso era vakabauti ira ga vakai ira ni ra sa tamata dodonu, ka beci ira na tani.

Luke 19:21

Sa dua na ka na noqu rerevaki kemuni, baleta ni o ni sa rui tamata dredre. O ni sa dau taura na ka e sega ni nomuni ka tamusuka na ka o ni a sega ni kaburaka.’

Roma 10:3

Era se sega ni kila na sala e vakadonui ira kina na tamata na Kalou, ia era sa dau qara ga na nodra sala vakai ira; ka ra sa mani sega kina ni vakamuria na sala sa dau veivakadonui kina na Kalou.

Roma 3:20

Ni sa sega sara ni dua na tamata sa vakadonui mai vua na Kalou ena nona muria na Lawa; na ka ga e kitaka na Lawa sai koya me vakatakila vua na tamata ni sa caka cala.

Roma 3:27

Sa qai cava beka eda sa rawata me rawa ni da dokadokataka? E sega ni dua na ka. A cava na vuna? E baleta ga ni noda vakadonui e sega ni da rawata ena noda cakacaka; e rawa ga ena ka sa cakava na Karisito kei na noda vakabauti koya.

Roma 7:9

Au a bula voli tu e liu ni se bera na lawa; ia ni sa yaco mai na i vakaro, a sa bula cake mai vakasauri na i valavala ca

Vakatakila 2:17

“O koya sa vakadaligana, ia me rogoca sara na ka sa tukuna na Yalo Tabu vei ira na veisoqosoqo lotu! Vei ira sa rawata na qaqa, au na solia vei ira eso na kaukauwa mana vuni. Au na solia talega vei ira na vatu vula sa volai kina na yaca vou sa sega tale ni dua e kila, ka vakavo duadua ga o koya sa ciqoma.

Vakatakila 3:17

Ni o sa kaya tiko, ‘Au sa vutuniyau ka'u sa rawati au vakavinaka; sa tu taucoko vei au na ka.’ Ia o sa sega ga ni kila na levu ni nomu vakaloloma kei na veilecayaki! O sa dravudravua ga, ka mataboko, ka luvawale!