Luke 14:18 - Vakavakadewa Vou kei na iVola tale eso

¹⁸ Ia era sa qai soli ulubale yadudua kece sara. A kena i matai sa tukuna vua na tamata dauveiqaravi, ‘Au sa volia e dua na tiki ni qele, ka dodonu me'u la'ki raica mada; ka'u sa kerea kina mo vosota ni'u na sega ni lako yani!’

Ai Vola Tabu (Vakadewa Makawa Vakavoutaki 2021)

¹⁸ Ia ko ira yadua sa soli ulubale kecega. Sa kaya vua e dua, ‘Au sa volia e dua na tiki ni vanua, ka sa dodonu me’u laki raica. Au masuti iko kina, me’u kakua ni lako yani.’

AI VOLA TABU

¹⁸ Ia ko ira yadua era lomavata me ra dui vakadre-dreti ira. Sa kaya e dua vei koya, Au sa volia e dua na tiki ni vanua, a sa dodonu meʼu lako ka raica; au masuti iko kina, mo laivi au meʼu kakua ni lako yani.

Vakavakadewa Makawa

¹⁸ Ia ko ira yadua era lomavata me ra dui vakadredreti ira. Sa kaya vua e dua, Au sa volia e dua na tiki ni vanua, ka sa dodonu me’u laki raica; au masuti iko kina, me’u kakua ni lako yani.

Ai Vola Tabu Ena Vakavakadewa Vou

¹⁸ Ia era sa qai soli ulubale yadudua kece sara. A kena i matai sa tukuna vua na tamata dauveiqaravi, ‘Au sa volia e dua na tiki ni qele, ka dodonu me'u la'ki raica mada; ka'u sa kerea kina mo vosota ni'u na sega ni lako yani!’

Luke 14:18 Iomraidhean Croise

Jeremaia 6:10

Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Luke 14:17

Ia ni sa yaco na gauna me caka kina na vakayakavi, sa qai talai ira na nona tamata dauveiqaravi me ra tukuna vei ira sa sureti oti tu, ‘Mo ni lako mai, ni sa vakarau oti tu na veika kece sara!’

Luke 14:19

E dua tale e kaya, ‘Au a volia e tini na bulumakau, ka'u sa lako sara tikoga oqo me'u la'ki vakatovolei ira; au sa kerea me'u vosoti ni'u na sega ni tiko.’

Luke 18:24

A sa raica o Jisu na nona yalo rarawa, ka sa kaya, “Sa dredre dina sara vei ira na tamata vutuniyau me ra curu ki na matanitu ni Kalou!

Luke 8:14

Kei ira ka ra a lutu ena veiwavakavotona, sai ira era sa rogoca na vosa, ia ni ra sa lako tu ena nodra sala era sa vakaruguti ena lomaocaoca kei na i yau kei na veika ni lasa ni bula oqo, ka sa sega ni matua rawa na vuadra.

Joni 1:11

E a lako mai o koya ki na nona vanua, ia era a sega ni ciqomi koya o ira na kai nona.

Joni 5:40

Ia o ni sa bese ga ni lako mai vei au me nomuni kina na bula.

Filipai 3:4

ka dina ga ni sa rawa vei au me'u vakararavi ki na veika oqo. Ia kevaka e dua sa nanuma ni sa tu vua na ka me vu ni nona vakararavi ki na veika vakayago, sa levu sara na kena era tu oqo vei au:

2 Timoci 4:10

ni sa biuti au o Timasa ena vuku ni nona sa taleitaka vakalevu na vuravura oqo, ka sa lako yani ki Cesalonaika. O Kirisiki sa lako i Kalatia, ka sa lako i Talimetia o Taito.

2 Timoci 4:4

Era na sogota na daligadra ki na i vakavuvuli dina, ka goleva na veitukutuku wale.

Iperiu 12:16

Ni qarauna me kakua ni dua e yaco me dau kitaka na i tovo vakasisila ni yago se me sega ni vakabauta na Kalou me vakataki Iso, o koya sa volitaka na nona i tutu vakaulumatua ena duabulu ga na kakana.